ﻗﺼﺔ ﺷﻜﻮﻥ ﻳﻐﻠﺐ ﺃﻧﺎ ﺃﻭﻼ ﻫﻮ؟
 |
| ﻗﺼﺔ ﺷﻜﻮﻥ ﻳﻐﻠﺐ ﺃﻧﺎ ﺃﻭﻼ ﻫﻮ؟ |
ﻗﺼﺘﻲ ﺑﺪﺍﺕ ﻣﻦ ﻧﻬﺎﺭ ﺗﺨﺮﺟﺖ ﻭ ﻭﻟﻴﺖ ﺃﺳﺘﺎﺫﺓ ﺍﻟﺮﻳﺎﺿﺔ ﻓﻲ ﺍﻟﺜﺎﻧﻮﻳﺔ
ﺑﺎﻟﺮﺑﺎﻁ .. ﻛﻨﺖ ﻣﻦ ﻋﺎﺋﻠﺔ ﻣﻴﺴﻮﺭﺓ ﻭ ﻛﺎﻥ ﺑﺎﺑﺎ ﻣﻔﺸﺸﻨﻲ ﺑﺰﺍﻑ ﻭ ﺍﻟﻠﻲ
ﺑﻐﻴﺘﻬﺎ ﻛﺎﻧﻼﻗﺎﻫﺎ ﻃﺎﺭﺕ ﻣﻌﺰﺓ ﻭ ﻻ ﻫﺒﻄﺎﺕ ﺧﺎﺻﻬﺎ ﺗﻮﺟﺪ ... ﻛﻨﺖ ﺩﻳﻤﺎ
ﻃﺎﻟﻘﺔ ﺷﻌﺮﻱ ﻭ ﻧﻘﺎﺩ ﺣﺎﻟﺘﻲ ﻭ ﻣﻬﻠﻴﺔ ﻓﻲ ﺭﺍﺳﻲ ... ﻛﺎﻥ ﻋﻨﺪﻱ ﺑﺰﺍﻑ
ﺩﻳﺎﻝ ﺍﻟﺼﺤﺎﺏ ﻭ ﺍﻟﺼﺤﺎﺑﺎﺕ ﻭ ﻣﺎﻋﻤﺮﻱ ﻓﻜﺮﺕ ﻏﺎﺩﻱ ﻧﺒﻐﻲ ﺷﻲ ﺣﺪ ﻛﻨﺖ
ﺗﻔﻬﻢ ﻟﻴﺎ .. ﻛﺎﻥ ﺩﻳﻚ ﺍﻟﺴﺎﻋﺔ ﻣﺰﺍﻝ ﻣﺎ ﺑﺪﺍ ﻟﻌﺎﻡ ﺍﻟﺪﺭﺍﺳﻲ ﻭ ﻛﺎﻥ ﺃﻭﻝ ﻋﺎﻡ
ﻟﻴﺎ ﻛﺎﻧﺨﺪﻡ ﻓﻴﻪ .. ﺑﻘﻴﺖ ﺩﻳﻤﺎ ﻛﺎﻧﻔﻜﺮ ﻭ ﻧﻘﻮﻝ ﻛﻴﻔﺎﺵ ﻏﺎﻳﻜﻮﻥ ﻫﺎﺩ ﺍﻟﻌﺎﻡ ﻭ
ﻛﻨﺖ ﺧﺎﻳﻔﺔ ﺷﻮﻳﺔ .. ﻗﺮﺏ ﺍﻟﺪﺧﻮﻝ ... ﻭ ﻛﺎﻥ ﺧﺎﺹ ﻛﺎﻉ ﺍﻸﺳﺎﺗﺬﺓ ﺑﺎﺵ
ﻳﺤﻈﺮﻭ ﻗﺒﻞ ﺑﺎﺵ ﻛﻞ ﻭﺍﺣﺪ ﻳﻌﺮﻑ ﺑﺮﻧﺎﻣﺞ ﺍﻟﺴﻨﻮﻱ ﺩﻳﺎﻟﻮ ﻭ ﺃﻱ ﺃﻗﺴﺎﻡ
ﻏﺎﺩﻱ ﻧﻘﺮﻳﻮ .. ﻟﻤﻬﻢ ﻣﺸﻴﺖ ﻛﺎﻥ ﻧﻬﺎﺭ ﻟﺨﻤﻴﺲ ﺩﺧﻠﻨﺎ ﺍﻺﻳﺪﺍﺭﺓ ﻭ ﻛﺎﻥ ﺑﺰﺍﻑ
ﺩﻳﺎﻝ ﺃﺳﺎﺗﺬﺓ ﻓﻲ ﻋﺪﺓ ﺗﺨﺼﺼﺎﺕ ﺗﻌﺎﺭﻓﻨﺎ ﻭ ﻫﻀﺮﻧﺎ ﻣﻊ ﺑﻌﻀﻴﺎﺗﻨﺎ ... ﺗﻤﺎ
ﺣﺴﻴﺖ ﺷﻮﻳﺔ ﺑﺎﻟﺮﺍﺣﺔ ﻭ ﺍﻧﺴﺎﺟﻤﺖ ﻣﻊ ﺍﻟﻮﺿﻊ.. ﻭﺍﺧﺎ ﻛﺎﻧﻮ ﺩﺍﻳﺮﻳﻦ
ﻣﺠﻤﻮﻋﺎﺕ ﺻﺤﺎﺏ ﻟﻌﺮﺑﻴﺔ ﺑﻮﺣﺪﻫﻢ ﻭ ﺻﺤﺎﺏ ﺍﺟﺘﻤﺎﻋﻴﺎﺕ ﺑﻮﺣﺪﻫﻢ ﻭ ﻧﺎﺱ
ﺍﻟﺘﺮﺑﻴﺔ ﺍﻺﺳﻼﻣﻴﺔ ﺑﻼﻣﺎ ﻧﻬﻀﺮ ﻋﻠﻴﻬﻢ ... ﻭﺟﺪﺕ ﻭ ﺟﺎ ﻭﻗﺖ ﺍﻟﺼﺢ .. ﻭﻟﻴﺖ
ﻧﺠﻤﻊ ﺷﻌﺮﻱ ﻟﻔﻮﻕ ﻭ ﻧﻠﺒﺲ ﺳﻮﺭﻓﻴﻄﺔ ﻭ ﺳﺒﺮﺩﻳﻠﺔ ﻭ ﻣﺎﻛﻴﻦ ﻏﻴﺮ ﻟﺨﺪﻣﺔ
... ﻭﻟﻴﺖ ﻋﺰﻳﺰﺓ ﻋﻠﻰ ﺗﻼﻣﻴﺬ ﺩﻳﺎﻟﻲ ﺣﻴﺖ ﻛﺎﻥ ﻋﻨﺪﻱ ﺣﺲ ﺍﻟﻨﻜﺘﺔ ﺳﻮﺍ
ﻟﻮﻼﺩ ﻭﻼ ﻟﺒﻨﺎﺕ.. ﻛﺎﻧﺪﺭﺑﻬﻢ ﺑﺎﻟﻀﺤﻚ ... ﺩﺍﺯﺕ ﺷﻲ 15 ﻳﻮﻡ ﻋﻠﻰ ﻟﻘﺮﺍﻳﺔ ﻭ
ﻛﻨﺎ ﻓﻲ ﻭﻗﺖ ﺍﺳﺘﺮﺍﺣﺔ ﺍﻸﺳﺎﺗﺬﺓ ﻛﻨﺎ ﺗﺎﺟﻠﺴﻮ ﻓﻮﺍﺣﺪ ﺟﻬﺔ ﻓﻲ ﺍﻺﺩﺍﺭﺓ ﻛﻨﺎ
ﺟﺎﻟﺴﻴﻦ ﻭ ﺗﺎﻧﺸﺮﺑﻮ ﺃﺗﺎﻱ ﺍﻟﻠﻲ ﻛﺎﻥ ﺗﺎﻳﻌﻤﺮﻭ ﻟﻴﻨﺎ ﻋﻤﻲ ﺻﺎﻟﺢ ﻟﺤﺎﺭﺱ ﺩﻳﺎﻝ
ﻟﺒﺎﺏ ... ﺷﻮﻳﺔ ﺩﺧﻞ ﻟﻤﺪﻳﺮ ﻣﻌﺎﻩ ﻭﺍﺣﺪ ﺍﻟﺸﺎﺏ ﻣﻠﺘﺰﻡ ﺑﻠﺤﻴﺘﻮ ﻭ ﻫﺎﺯ
ﻟﻜﺎﺭﻃﺎﺑﻞ ﺩﻳﺎﻟﻮ ﻛﺎﻥ ﻧﻘﻲ ﻭ ﺍﻟﻨﻮﺭ ﺧﺎﺭﺝ ﻣﻦ ﻭﺟﻬﻮ ... ﻣﺎﻋﺮﻓﻨﺎﺵ ﺷﻜﻮﻥ
ﻫﻮ .. ﺣﺘﻰ ﻗﺎﻟﻨﺎ ﻟﻤﺪﻳﺮ ﺑﺎﻟﻠﻲ ﻏﺎﺩﻱ ﻳﻘﺮﻱ ﻓﻲ ﺛﺎﻧﻮﻳﺘﻨﺎ ﻓﻲ ﺑﻼﺻﺔ ﻭﺍﺣﺪ
ﺍﻸﺳﺘﺎﺫ ﺟﺎ ﻟﻘﺮﺍﺭ ﺩﻳﺎﻝ ﺍﻺﻧﺘﻘﺎﻝ ﺩﻳﺎﻟﻮ ... ﺃﻧﺎ ﺍﻟﺼﺮﺍﺣﺔ ﺑﻘﻴﺖ ﻧﺸﻮﻑ ﻓﻴﻪ
ﺣﻴﺖ ﺃﻭﻝ ﻣﺮﺓ ﻧﺸﻮﻑ ﺷﻲ ﺣﺪ ﺑﺬﺍﻙ ﺍﻟﺼﻔﺎﺀ ﺍﻟﻠﻲ ﻓﻲ ﻭﺟﻬﻮ ﻭ ﻣﺎﻗﺪﺭﺗﺶ
ﻧﺤﻴﺪ ﻋﻴﻨﻴﺎ ﻋﻠﻴﻪ .. ﻗﺎﻟﻴﻨﺎ ﺍﻟﺴﻼﻡ ﻭ ﻋﻠﻴﻜﻢ ﺭﺩﻳﻨﺎ ﻋﻠﻴﻪ ﻭ ﻋﻠﻴﻜﻢ ﺍﻟﺴﻼﻡ ﻭ
ﺟﻠﺲ ﻓﻲ ﺟﻴﻬﺔ ﺍﻟﺮﺟﺎﻝ ﻭ ﺑﻘﺎ ﻛﺎﻳﻬﻀﺪﺭ ﻣﻌﺎﻫﻢ ﻭ ﻛﻞ ﻭﺍﺣﺪ ﺑﺪﺍ ﻛﺎﻳﻌﺮﻑ
ﻟﻴﻪ ﻋﻠﻰ ﺭﺍﺳﻮ ﻭ ﻫﺬﺍﻙ ﺍﻟﺸﺎﺏ ﻛﺎﻳﺘﺼﻨﺖ ﻟﻴﻪ ﻭ ﻣﻠﻠﻲ ﻭﺻﻠﺖ ﻧﻮﺑﺘﻲ ﻧﻌﺮﻑ
ﻋﻠﻰ ﺭﺍﺳﻲ ﻗﻠﺐ ﻭﺟﻬﻮ ﺟﻬﺔ ﺃﺳﺘﺎﺫ ﺍﻼﺟﺘﻤﺎﻋﻴﺎﺕ ﺍﻟﻠﻲ ﻛﺎﻥ ﺣﺪﺍﻩ ﺓ ﺑﺪﺍ
ﻳﻬﻀﺮ ﻣﻌﺎﻩ ... ﺩﻳﻚ ﺍﻟﺴﺎﻋﺔ ﺗﻌﺼﺒﺖ ﻭ ﺃﻧﺎ ﻣﻦ ﺍﻟﻨﺎﺱ ﺍﻟﻠﻲ ﻛﺎﻳﺮﻓﺾ ﺷﻲ
ﺣﺪ ﻳﻌﺎﻣﻠﻮ ﺑﺤﺎﻝ ﻫﻜﺎﻙ ﻭ ﻣﻦ ﺫﺍﻙ ﺍﻟﻨﻬﺎﺭ ﻭ ﺃﻧﺎ ﺩﺍﻳﺮﺍﻩ ﻓﻲ ﺑﺎﻟﻲ ﻋﻼﺵ
ﻳﺪﻳﺮ ﻟﻲ ﻫﻜﺎﻙ ... ﻛﺎﻧﺖ ﺑﻼﺻﺔ ﺍﻟﺮﻳﺎﺿﺔ ﻗﺮﻳﺒﺔ ﻟﻠﻘﺴﻢ ﺍﻟﻠﻲ ﺗﺎﻳﻘﺮﻱ ﻓﻴﻪ
ﻳﻌﻨﻲ ﺿﺮﻭﺭﻱ ﻧﺪﻭﺯ ﻣﻦ ﻗﺪﺍﻡ ﻗﺴﻤﻮ ... ﺇﻼ ﻛﺎﻥ ﻣﺜﻼ ﻭﺍﻗﻒ ﻗﺪﺍﻡ ﺑﺎﺏ
ﻗﺴﻤﻮ ﻭ ﺑﻨﺖ ﻟﻴﻪ ﺟﺎﻳﺔ ﻛﺎﻳﺪﺧﻞ ... ﺑﺤﺎﻝ ﺇﻼ ﻛﻴﺒﺎﻥ ﻟﻴﻪ ﺇﺑﻠﻴﺲ .. ﻭﺯﺩﺕ
ﺣﻠﻔﺖ ﻋﻠﻴﻪ .. ﻭ ﻟﻴﺖ ﻓﻴﻨﻤﺎ ﻧﻘﺮﺏ ﺣﺪﺍﻩ ﻧﺤﻴﺪ ﻟﺒﺎﻧﻀﺔ ﻭ ﻧﻄﻠﻖ ﺷﻌﺮﻱ ﻭ
ﻧﺪﻭﺭ ﺭﺍﺳﻲ ﻭ ﻫﻮ ﻛﺎﻳﺪﻳﺮ ﺭﺍﺳﻮ ﻣﺎﺷﺎﻑ ﻭﺍﻟﻮ ﻭ ﻛﺎﻳﺪﺧﻞ ... ﻭ ﻻ ﻣﻠﻲ
ﺗﺎﻧﻜﻮﻥ ﻏﺎﺩﺍ ﻭ ﺗﺎﺑﻌﻴﻨﻲ ﺍﻟﺘﻼﻣﻴﺬ ﻏﻴﺮ ﺗﺎﻧﻮﺻﻞ ﺣﺪﺍﻩ ﺗﺎﻧﻘﻮﻝ ﻟﻴﻬﻢ ﻳﻘﻮﻟﻮ un
deux trois ﺑﺎﻟﺠﻬﺪ ﻫﻬﻬﻪ ﻭ ﺣﺘﺎ ﻫﻤﺎ ﻣﺎﺷﻲ ﻣﻦ ﻟﻌﺎﻛﺰﻳﻦ ﻛﺎﻳﻐﻮﺗﻮ
ﻛﺎﻧﺼﻤﻜﻮ ... ﻭ ﺣﺘﻰ ﻫﻮ ﺭﺍﺳﻮ ﻗﺎﺍﺍﺍﺍﺻﺢ ﻭ ﻣﺘﺸﺒﺖ ﺑﺄﻓﻜﺎﺭﻭﺍ ﻭ ﻗﺮﺍﺭﺍﺗﻮ ...
ﻓﻴﻨﻤﺎ ﻛﺎﻧﺖ ﻭﻗﺖ ﺍﺳﺘﺮﺍﺣﺔ ﻛﺎﻥ ﻛﺎﻳﺘﺤﺸﺎﻧﻲ ﻣﺎﻛﺎﻳﻘﺮﺑﺶ ﺟﻴﻬﺘﻲ ﺣﺘﻰ ﻓﻜﺮﺕ
ﻭ ﻭﻟﻴﺖ ﻧﺪﺧﻞ ﺃﻧﺎ ﺍﻸﺧﻴﺮﺓ ﺑﺎﺵ ﺣﺘﻰ ﻧﺸﻮﻓﻮ ﻓﻲ ﺟﻠﺲ ﻭ ﻧﺠﻠﺲ ﺣﺪﺍﻩ ﻫﻬﻪ
ﺣﻴﺖ ﻣﻠﻲ ﺗﺎﻧﺠﻠﺲ ﺃﻧﺎ ﻟﻮﻟﻮﺓ ﻛﺎﻥ ﻛﻴﺸﻮﻓﻨﻲ ﻛﺎﻳﺠﻠﺲ ﺑﻌﻴﺪ .. ﺗﻘﻮﻝ ﺃﻧﺎ
ﻣﺮﺍﺕ ﺃﺑﻲ ﻟﻬﺐ ... ﻫﻮ ﻛﺎﻥ ﻋﺎﺟﺒﻨﻲ ﻟﻜﻦ ﻣﻌﻔﺮ ﺑﺰﺍﻑ ﻭ ﺣﺪﻭﺩﻱ .. ﻭﺍﺣﺪ
ﺍﻟﻨﻬﺎﺭ ﺟﻠﺴﺖ ﺣﺪﺍﻩ ... ﺣﻂ ﻟﻴﻨﺎ ﻋﻤﻲ ﺻﺎﻟﺢ ﻟﺒﺮﺍﺩ ﻭ ﺧﺮﺝ ﻭ ﺃﺳﺘﺎﺫ
ﺍﻟﺮﻳﺎﺿﻴﺎﺕ ﻛﺎﻥ ﻣﻦ ﺟﻴﻬﺘﻲ ﻻﺧﺮﺓ ﻫﻮ ﺍﻟﻠﻲ ﺧﻠﻒ ﺃﺗﺎﻱ ﻭ ﺯﻋﻤﺎ ﺣﻴﺖ ﺃﻧﺎ
ﺍﻟﻠﻲ ﻗﺮﻳﺒﺔ ﻟﻴﻪ ﺑﺪﻳﺖ ﻧﻔﺮﻕ ﻋﻠﻴﻬﻢ ﻟﻜﻴﺴﺎﻥ ... ﻭ ﻣﺪﻳﺖ ﻟﻴﻪ ﻫﻮ ﺍﻟﻠﻮﻝ
ﻟﻜﺎﺱ ﻭ ﺑﺪﺍ ﺗﺎﻳﺤﺮﻙ ﻟﻴﺎ ﻓﻲ ﺭﺍﺳﻮ ﺯﻋﻤﺎ ﺣﻄﻴﻪ ﻓﻲ ﺍﻟﻄﺒﻠﺔ ﻋﺎﺩ ﻧﻬﺰﻭ ...
ﺣﻠﻒ ﻻﻳﺸﺪﻭ ﻣﻦ ﻳﺪﻳﺎ ... ﻗﻠﺖ ﻟﻴﻪ ﻓﺨﺎﻃﺮﻱ ﻟﻬﻼ ﻳﺸﺮﺑﻮ ﻟﻴﻚ ... ﺷﻮﻳﺔ
ﺩﺭﺕ ﺭﺍﺳﻲ ﻛﺎﻧﺘﻜﺴﻞ ﻭ ﻧﺸﺮﺕ ﻳﺪﻳﺎ .
ﺿﺮﺑﺘﻮ ﻟﻨﻴﻔﻮ ﻭ ﻗﻠﺖ ﻟﻴﻪ ﺳﻤﺢ ﻟﻴﺎ ﻗﺎﻟﻲ ﻣﺎﺷﻲ ﻣﺸﻜﻞ ﺃﺧﺘﻲ ﻟﻔﺎﺿﻠﺔ ...
ﺃﺧﺘﻲ ﻟﻔﺎﺿﻠﺔ !!!!!!!!!!!!!!!!! ﺑﺪﻳﺖ ﻧﻜﻤﻜﻢ ﺑﻤﻔﻲ ﺟﺎﻟﺲ ﻟﻮﺍﻟﺪﻳﻚ ﺗﺨﻄﺐ ﻓﻲ
ﺍﻟﺒﺮﻟﻤﺎﻥ .. ﻗﺎﻟﻲ ﻣﻮﻝ ﺍﻟﺮﻳﺎﺿﻴﺎﺕ ﻧﻌﻢ ﺷﻨﻮ ﻗﻠﺘﻲ .. ﻗﻠﺖ ﻟﻴﻪ ﻗﻠﺖ ﻟﻴﻚ
ﻗﺮﺑﺎﺕ ﺍﻼﺳﺘﺮﺍﺣﺔ ﺗﺴﺎﻟﻲ ﺑﻼﺗﻲ ﺗﻜﻮﺣﺰ ﻟﻠﻮﺭ ﺧﻠﻴﻨﻲ ﻧﺪﻭﺯ ... ﻭﻗﻔﺖ ﻭ
ﻣﺸﻴﺖ ... ﻛﻨﺖ ﻋﻨﻴﺪﺓ ﺑﺰﺍﻑ ﻭ ﻣﺎﻛﻨﺘﺶ ﻓﺎﻫﻤﺔ ﻻﺵ ﻛﺎﻳﺪﻳﺮ ﻫﻜﺎﻙ ...
ﻭﺍﺵ ﻣﺎﻛﺎﻧﻌﺠﺒﻮﺵ ! ﻟﻤﻬﻢ ﺑﻘﻴﻨﺎ ﻋﻠﻰ ﻫﺎﺩ ﻟﺤﺎﻝ ﺣﺘﻰ ﺩﺍﺯﺕ ﺍﻟﺪﻭﺭﺓ ﺍﻟﻠﻮﻟﺔ
ﻭ ﺷﺪﻳﻨﺎ ﻟﻌﻄﻠﺔ ﻭ ﺃﻧﺎ ﻗﺒﻞ ﻣﺎﻧﺸﺪﻭﻫﺎ ﻣﺸﻴﺖ ﺍﻺﻳﺪﺍﺭﺓ ﻭ ﺷﻔﺖ ﺍﻟﻀﻮﺳﻲ
ﺩﻳﺎﻟﻮ ﻭ ﺧﺪﻳﺖ ﻧﻤﺮﺗﻮ ﻗﻴﺪﺗﻬﺎ ﻋﻨﺪﻱ ... ﻭ ﺃﻧﺎ ﻓﻲ ﻃﺮﻳﻘﻲ ﺧﺪﻳﺖ ﻧﻤﺮﺓ
ﺟﺪﻳﺪﺓ ... ﻛﺎﻧﻮ ﻋﻄﺎﻭﻧﺎ 15 ﻳﻮﻡ ﻓﻲ ﺍﻟﻌﻄﻠﺔ ﻭ ﺃﻧﺎ ﺍﻟﺼﺮﺍﺣﺔ ﺣﺴﻴﺖ ﺑﻴﻬﺎ
ﺑﺤﺎﻝ ﺇﻼ ﺩﺍﺯﺕ ﻋﺎﻡ ... ﻭﻟﻔﺖ ﻧﺸﻮﻓﻮ ﻛﻞ ﻧﻬﺎﺭ ﺧﺼﻮﺻﺎ ﻛﺎﻥ ﻓﻲ ﺗﻮﻗﻴﺘﻲ
... ﻭﺍﺣﺪ ﺍﻟﻠﻴﻠﺔ ﺗﻌﺸﻴﺖ ﻣﻊ ﻣﺎﻣﺎ ﻭ ﺑﺎﺑﺎ ﻭ ﺧﻮﺗﺎﺗﻲ ﻣﺎﻛﻤﻠﺘﺘﺶ ﻛﺎﻉ ﻟﻌﺸﺎ ﻭ
ﻣﺸﻴﺖ ﻟﺒﻴﺘﻲ ﺭﻛﺒﺖ ﺍﻟﻨﻤﺮﺓ ﺟﺪﻳﺪﺓ ﻭ ﺻﻴﻔﻂ ﻟﻴﻪ ﻣﻴﺴﺎﺝ ﺧﺎﻭﻱ ... ﺩﺍﺯﺕ
ﻭﺍﺣﺪ ﻧﺼﻒ ﺳﺎﻋﺔ ﻭ ﺻﻮﻧﺎ ﻋﻠﻴﺎ ﻭ ﻣﺎﺟﺎﻭﺑﺘﻮﺵ .. ﻋﺎﻭﺩ ﺻﻴﻔﻂ ﻟﻴﻪ ﻭﺍﺣﺪ
ﺁﺧﺮ ﻭ ﺷﻮﻳﺔ ﺟﺎﻧﻲ ﻣﻴﺴﺎﺝ ﻓﺮﺣﺖ ﻗﻠﺖ ﻣﻊ ﺭﺍﺳﻲ ﻣﻌﺮﻓﺖ ﺷﻨﻮ ﻏﺎﻳﻜﻮﻥ
ﻛﺘﺐ ... ﻭ ﻟﻘﻴﺘﻮ ﺧﺎﻭﻱ .. ﺃﻫﺎﻩ ﺣﺘﻰ ﺍﻧﺖ ﻛﺎﺗﻌﺮﻑ ﻟﻘﻮﺍﻟﺐ ... ﺍﻟﻠﻴﻞ
ﻛﺎﻣﻞ ﻭ ﺍﺣﻨﺎ ﻧﺘﺼﺎﻳﻔﻄﻮ ﺑﻤﻴﺴﺎﺟﺎﺕ ﺧﺎﻭﻳﻦ ﺣﺘﻰ ﺳﺎﻼ ﻟﻴﺎ ﺻﻮﻟﺪ ﻭ ﻣﻠﻲ
ﺑﻐﻴﺖ ﻧﻌﺲ ﺳﻴﻔﻂ ﻟﻲ ﻣﻴﺴﺎﺝ ﻓﻴﻪ ... ( ﺗﺼﺒﺤﻲ ﻋﻠﻰ ﺧﻴﺮ ﺃﺧﺘﻲ
ﻟﻔﺎﺿﻠﺔ ) .... ﻣﻠﻲ ﻗﺮﻳﺘﻬﺎ ﺗﺼﺪﻣﺖ ﻭ ﺣﺸﻤﺖ ﻭ ﺣﻤﺎﺭﻳﺖ ﻭ ﺻﻔﺎﺭﻳﺖ ...
ﻧﺎﺍﺍﺍﺍﺍﺍﺍﺭﻱ ﻣﻴﻤﺘﻲ ﺁﺵ ﻫﺎﺩ ﺍﻟﺸﻮﻫﺔ ﺩﺭﺕ ﻟﺮﺍﺳﻲ .... ﺷﺪﻳﺖ ﻟﻮﺳﺎﺩﺓ
ﺑﻐﻴﺖ ﻧﺨﻨﻖ ﺭﺍﺳﻲ ﻭﺍﻋﻌﻌﻌﻌﻌﻊ ﺩﻭﺯﺕ ﺩﻳﻚ 15 ﻳﻮﻡ ﻋﻠﻰ ﺃﻋﺼﺎﺑﻲ ﻭ
ﻣﺎﺑﻐﻴﺘﺶ ﻧﺮﺟﻊ ﻟﺪﻳﻚ ﻟﻤﺪﺭﺳﺔ ﺩﺭﺕ ﺷﻬﺎﺩﺓ ﻃﺒﻴﺔ ﺑﺎﺵ ﻧﻐﺒﺮ ﺳﻴﻤﺎﻧﺔ ﺁﺧﺮﺓ
ﻭ ﺩﻭﺯﺕ ﺩﻳﻚ ﺍﻟﺴﻴﻤﺎﻧﺔ ﻏﻴﺮ ﻓﻲ ﺍﻟﻨﻌﺎﺱ ﻭ ﻛﺎﻧﻔﻜﺮ ﻛﻴﻔﺎﺵ ﻏﺎﺩﻱ ﻧﺘﻘﺎﺑﻞ
ﻣﻌﺎﻩ ﻣﺰﺍﻝ ... ﻭ ﺟﺎ ﺍﻟﻨﻬﺎﺭ ﺍﻟﻠﻲ ﺧﺎﺻﻨﻲ ﻧﻤﺸﻲ ﻧﻘﺮﻱ ﻓﻴﻪ .. ﺩﺧﻠﺖ
ﺑﺎﻟﺴﻠﺘﺔ ﻭ ﺩﺭﺕ ﻣﻦ ﻭﺭﺍ ﻟﻘﺴﻢ ﺑﺎﺵ ﻣﺎﻳﺸﻮﻓﻨﻴﺶ .. ﺣﺘﻰ ﻣﻦ ﺗﻼﻣﻴﺬﻱ
ﻭﻟﻴﺖ ﻧﻌﻄﻴﻬﻢ ﻟﻜﻮﺭﺓ ﻳﻠﻌﺒﻮ ﻭ ﺃﻧﺎ ﻧﺘﺨﺒﻰ ﻭﺳﻂ ﺷﺠﺮ ﺍﻟﻠﻲ ﺗﻤﺎ .
ﻛﺎﻧﺒﺪﺍ ﻧﻄﻞ ﻋﻠﻰ ﻗﺴﻤﻮ ﻣﻦ ﺑﻌﻴﺪ ﻛﺎﻧﺸﻮﻑ ﻓﻴﻪ ﺟﺎﻟﺲ ﻛﺎﻳﺸﺮﺡ ﻭ ﻳﺤﺮﻙ
ﻓﻲ ﺇﻳﺪﻳﻪ ... ﻭ ﻓﻲ ﻭﺍﺣﺪ ﺍﻟﻠﺤﻈﺔ ﺑﺪﺍﺕ ﺍﻟﺸﺘﺎ ﻛﺎﺗﻨﻘﻂ ﺣﺘﻰ ﺑﺪﺍﺕ ﻛﺎﺗﺠﻬﺪ
ﻭ ﺑﺪﻳﻨﺎ ﻛﺎﻧﺠﺮﻳﻮ ﻭ ﺗﻠﻤﻴﺬﺍﺕ ﻛﺎﻳﻐﻮﺗﻮ ﻭ ﺣﻨﺎ ﻛﺎﻧﺠﺮﻳﻮ ﺟﻴﻬﺔ ﺍﻼﺩﺍﺭﺓ ﻫﻮ
ﺳﻤﻌﻨﺎ ﻭ ﻭﻗﻒ ﺣﺪﺍ ﻟﺒﺎﺏ ﺑﻘﺎ ﻛﺎﻳﻀﺤﻚ ﻭ ﻣﻠﻲ ﺑﻐﺎ ﻳﺮﺟﻊ ﻳﺪﺧﻞ ﺯﻟﻖ ﻭ
ﻭﻟﻴﺖ ﺃﻧﺎ ﻧﻀﺤﻚ .. ﻭﺍﺧﺎ ﻓﺰﻛﺖ ﺿﺤﻜﺖ ﻣﻦ ﻗﻠﺒﻲ .. ﻭ ﻓﺮﺣﺖ ﺣﻴﺖ ﺃﻭﻝ
ﻣﺮﺓ ﻧﺸﻮﻓﻮ ﻛﺎﻳﻀﺤﻚ ﻭ ﻛﺎﻳﺒﺘﺴﻢ ... ﺩﺍﻙ ﺍﻟﻨﻬﺎﺭ ﻣﺎﺧﺪﻣﺘﺶ ﻟﺤﻘﺎﺵ ﻣﻠﻲ
ﻛﺎﺗﺼﺐ ﺍﻟﺸﺘﺎ ﻣﺎ ﻳﻤﻜﻨﺶ ﻟﻲ ﻧﺨﺪﻡ ... ﻣﺸﻴﺖ ﻟﻠﺪﺍﺭ ﻭ ﺑﺪﻟﺖ ﺣﻮﺍﻳﺠﻲ ﻭ
ﻛﻠﻴﺖ ﻭ ﻗﻠﺖ ﻧﺘﻜﺎ ﺷﻮﻳﺔ .. ﺗﻔﻜﺮﺕ ﺍﻟﻨﻤﺮﺓ
ﻭ ﻟﻘﻴﺖ ﻣﻴﺴﺎﺝ ﻣﻦ ﺳﺎﻋﺘﻴﻦ ﻭﺍﺻﻠﻨﻲ ﻣﻦ ﻋﻨﺪﻭ . (ﻓﻴﻪ ﺑﺎﻟﺼﺤﺔ ) . ﺑﺘﺴﻤﺖ ﻭ ﻗﻠﺖ ﺑﻼﻣﺎ ﻧﺴﻴﻔﻂ ﻟﻴﻪ ﻧﺨﻠﻴﻪ ﻛﻴﻔﻤﺎ ﻛﺎﻥ ﺩﺍﻳﺮ ﻟﻲ ﻧﺪﻳﺮ ﻟﻴﻪ ﺣﺘﻰ ﺃﻧﺎ ... ﻭ ﻧﻌﺴﺖ ﻭﺍﺣﺪ ﺍﻟﻨﻌﺴﺔ ﻳﺎ ﺳﻼﻡ .. ﻟﻤﻬﻢ ﻟﻐﺪ ﻟﻴﻪ ﻛﺎﻧﺖ ﺷﻤﻴﺴﺔ ﻳﻌﻨﻲ ﻟﺨﺪﻣﺔ .. ﺧﺪﻣﺘﻲ ﺑﺤﺎﻝ ﺩﻭﻙ ﺗﻴﻠﻴﺘﻮﺑﻴﺲ ﻛﺎﻳﺨﺮﺟﻮ ﻏﻴﺮ ﻓﻲ ﺍﻟﺸﻤﺲ .. ﻫﺰﻳﺖ ﻣﻦ ﺍﻺﺩﺍﺭﺓ ﻣﻠﻒ ﺩﻳﺎﻟﻲ ﻟﻲ ﻓﻴﻪ ﺍﻟﺘﻤﺎﺭﻳﻦ ﺩﻳﺎﻝ ﺩﺍﻙ ﺍﻟﻨﻬﺎﺭ ﻭ ﻛﺎﻥ ﻭﺳﻄﻮ ﻭﺍﺣﺪ ﺳﻴﺪﻱ CD ﻣﺎﻋﺮﻓﺘﺶ ﺩﻳﺎﻝ ﻣﻦ ﻭ ﻻ ﺣﺘﻰ ﻛﻴﻔﺎﺵ ﻭﺻﻞ ﻟﻠﻤﻴﻠﻒ ﺩﻳﺎﻟﻲ ﻟﻤﻬﻢ ﺧﻠﻴﺘﻮ ﻋﻨﺪﻱ ﺣﺘﻰ ﺳﺎﻟﻴﺖ ﻭ ﻣﻠﻲ ﻛﻨﺎ ﺧﺎﺭﺟﻴﻦ ﻣﻊ 12 ﻭ ﺃﻧﺎ ﺩﺍﻳﺰﺓ ﻣﻦ ﻧﻔﺲ ﻟﺒﻼﺻﺔ ﻛﺎﻥ ﻫﻮ ﻭﺍﻗﻒ ﻫﺎﺯ ﻛﺎﺭﻃﺎﺑﻞ ﺩﻳﺎﻟﻮ ﻭ ﻛﺎﻳﺸﻮﻑ ﻓﻲ ﺳﻴﺪﻱ ﺍﻟﻠﻲ ﻫﺎﺯﺓ ﺑﺤﺎﻝ ﺇﻼ ﺑﻐﺎ ﻳﺘﻴﻘﻦ ﺑﺎﻟﻠﻲ ﻭﺻﻠﻨﻲ ... ﻣﺎﻓﻬﻤﺘﺶ ﻭ ﺟﺎﻧﻲ ﻟﻔﻀﻮﻝ ﻧﻌﺮﻑ ﺷﻨﻮ ﻓﻴﻪ .. ﺭﻛﺒﺖ ﻃﻮﻣﻮﺑﻴﻠﺘﻲ ﺍﻟﺼﻐﻴﺮﺓ ﻭ ﻣﺸﻴﺖ ﻃﺎﻳﺮﺓ ﻟﻠﺪﺍﺭ ... ﺩﺧﻠﺖ ﺩﻏﻴﺎ ﺑﺴﺖ ﻣﺎﻣﺎ ﻭ ﺩﺧﻠﺖ ﻟﺒﻴﺘﻲ ﻫﺰﻳﺖ ﻟﺒﻴﺴﻲ ﺩﻳﺎﻟﻲ ﻭ ﺩﺧﻠﺘﻮ ﻧﺸﻮﻑ ... ﻛﺎﻧﺖ ﻭﺍﺣﺪ ﺍﻟﻨﺪﻭﺓ ﻟﻮﺍﺣﺪ ﺍﻟﺸﻴﺦ ﻋﻠﻰ ﺍﻟﺤﺠﺎﺏ .. ﺍﻟﺼﺮﺍﺣﺔ ﺃﻧﺎ ﺗﻘﻠﻘﺖ ﺣﻴﺖ ﻫﺎﺩﺷﻲ ﻣﺎﺧﺎﺹ ﺣﺘﻰ ﺣﺪ ﻳﺪﺧﻞ ﻓﻴﻪ .. ﺩﺍﻙ ﻧﺺ ﻧﻬﺎﺭ ﻛﻠﻮ ﻭ ﺍﻧﺎ ﺗﺎﻧﻔﻜﺮ ﻓﻲ ﻟﻤﻮﺿﻮﻉ .... ﻭ ﻣﺎﻋﺮﻓﺖ ﻛﻴﻔﺎﺵ ﻧﺘﺼﺮﻑ ﻣﻌﺎﻩ ﻭ ﻣﺎﺑﻐﻴﺘﺶ ﻧﺼﻴﻔﻂ ﻟﻴﻪ ﻣﻴﺴﺎﺝ .. ﺗﻤﺸﻜﻠﺖ ﻭ ﺗﺮﻭﻧﺖ ..ﺷﺪﻳﺖ ﺳﻴﺪﻱ ﻭ ﺣﻄﻴﺘﻮ ﻓﻲ ﻭﺍﺣﺪ ﻟﺒﻼﻛﺎﺭ .. ﻣﻦ ﺑﻌﺪ ﻓﺎﺵ ﻣﺸﻴﺖ ﻟﻤﺪﺭﺳﺔ ﻟﺒﺴﺖ ﻭﺍﺣﺪ ﻟﻜﻮﻟﻮﻥ ﻭ ﺳﺒﺮﺩﻳﻠﺔ . ﻭﺍﺧﺎ ﺟﺎﻧﻲ ﻟﺒﺮﺩ ﻣﺸﻴﺖ ﺑﻜﺮﻱ ﻭ ﻟﻘﻴﺘﻮ ﺣﺘﻰ ﻫﻮ ﺟﺎ ﺑﻜﺮﻱ ﺷﺎﻓﻨﻲ ﻗﻠﺖ ﻟﻴﻪ ﺍﻟﺴﻼﻡ ... ﺭﺩ ﺳﻼﻣﻲ ﻭ ﻣﺸﺎ ﻏﻴﺮ ﺩﺧﻞ ﻟﻘﺴﻢ ﺳﺪ ﻟﺒﺎﺏ ... ﺣﺴﻴﺖ ﺑﻴﻪ ﻣﺎﻋﺠﺒﻮﺵ ﻟﺤﺎﻝ ... ﻭ ﺣﺘﻰ ﺃﻧﺎ ﺑﺎﻥ ﺍﻟﻠﻲ ﺍﻟﺘﺼﺮﻑ ﻟﻲ ﺩﺭﺕ ﺩﻳﺎﻝ ﺩﺭﺍﺭﻱ ﺍﻟﺼﻐﺎﺭ ... ﻣﺎﺣﻤﻠﺘﺶ ﺭﺍﺳﻲ ... ﻓﺎﺵ ﻣﺸﻴﺖ ﻟﻠﻤﻠﻌﺐ ﺑﺎﻥ ﻟﻲ ﻣﻦ ﺍﻟﺸﺮﺟﻢ ﻛﺎﻳﺸﺮﺡ ﻭ ﺷﻮﻳﺔ ﻭﻗﻒ ﺩﺍﺭ ﺟﻴﻬﺘﻲ ﺃﻧﺎ ﺣﺪﺭﺕ ﺭﺍﺳﻲ ... ﻭ ﺭﺟﻌﺖ ﺍﻟﻠﻮﺭ ﺑﺎﺵ ﻣﺎﻧﺒﺎﻧﺶ ﻟﻴﻪ ... ﻋﻘﻠﻲ ﻣﺎﺑﻐﺎﺵ ﻳﺘﻮﻗﻒ ﻣﻦ ﺍﻟﺘﻔﻜﻴﺮ ﻭ ﻋﻴﻴﺖ ﻭﺍﺧﺎ ﻣﺎﻋﻤﺮﻱ ﺗﺨﻴﻠﺖ ﺭﺍﺳﻲ ﻧﺒﻐﻲ ﺃﺳﺘﺎﺫ ﺍﻟﺘﺮﺑﻴﺔ ﺍﻺﺳﻼﻣﻴﺔ ... ﺣﻴﺖ ﺑﻌﺎﺩ ﻛﻞ ﺍﻟﺒﻌﺪ ﻓﻲ ﺍﻟﺘﻔﻜﻴﺮ ﻭ ﻛﻴﻒ ﺗﺮﺑﻴﻨﺎ ... ﺣﺘﻰ ﻣﻦ ﺻﺤﺎﺑﻲ ﻣﺎ ﺑﻘﻴﺖ ﻛﺎﻧﺘﻼﻗﻰ ﻣﻌﺎﻫﻢ ﻭ ﻟﻴﺖ ﻭﺣﺪﺍﻧﻴﺔ ﻛﺎﻧﺠﻠﺲ ﺑﻮﺣﺪﻱ ﻭ ﻧﺘﻔﻜﺮ ﺗﺼ
ﻭﺍﺣﺪ ﻟﻌﺸﻴﺔ ﺑﻘﻴﺖ ﻓﻲ ﺍﻟﺪﺍﺭ ﺑﻮﺣﺪﻱ ﻣﺎﻣﺎ ﻣﺸﺎﺕ ﻋﻨﺪ ﺧﺎﻟﺘﻲ ﻭ ﺑﻘﻴﺖ ﻛﺎﻧﺪﻭﺭ ﻏﻴﺮ ﺑﻮﺣﺪﻱ ﻓﻲ ﺍﻟﺪﺍﺭ ﻧﺤﻞ ﺍﻟﺜﻼﺟﺔ ﻭ ﻧﺴﺪﻫﺎ ﻧﺤﻞ ﻟﻔﺮﺍﻥ ﻭ ﻧﺴﺪﻭ ﻣﻠﻴﺖ ... ﺩﺧﻠﺖ ﻟﺒﻴﺘﻲ ﻭ ﺑﻘﻴﺖ ﻧﺸﻮﻑ ﻓﻲ ﺫﺍﻙ ﻟﺒﻼﻛﺎﺭ ﺣﻠﻴﺘﻮ ﻭ ﺧﺪﻳﺖ ﺩﺍﻙ ﺳﻴﺪﻱ CD ﻭ ﺭﺟﻌﺖ ﺗﻔﺮﺟﺖ ﻓﻴﻪ ﻭ ﺑﻘﻴﺖ ﻣﺮﻛﺰﺓ ﻣﻌﺎﻩ ﺣﺴﻴﺖ ﺑﻮﺍﺣﺪ ﺍﻟﺮﺍﺣﺔ ﻓﻲ ﻟﺪﺍﺧﻞ ﺩﻳﺎﻟﻲ ﻧﻀﺖ ﻣﺸﻴﺖ ﻟﺒﻴﺖ ﻣﺎﻣﺎ ﻫﺰﻳﺖ ﻟﻴﻬﺎ ﻭﺍﺣﺪ ﺍﻟﺸﺎﻝ ﻭ ﺭﺟﻌﺖ ﻟﺒﻴﺘﻲ ﻗﺪﺍﻡ ﻣﺮﺍﻳﺘﻲ ﻛﺎﻧﺠﺮﺏ ﻓﻴﻪ ... ﻋﺠﺒﻨﻲ ﺑﺪﻳﺖ ﻛﺎﻧﺪﻳﺮ ﻛﺎﻉ ﺍﻟﺸﺪﺍﺕ .. ﻣﺸﻴﺖ ﺭﺟﻌﺘﻮ ﻟﺒﻼﺻﺘﻮ ﺧﺪﻳﺖ ﻓﻠﻮﺳﻲ ﻭ ﻫﺰﻳﺖ ﻃﻮﻣﻮﺑﻴﻠﺘﻲ ﺩﻳﺮﻳﻜﺖ ﻟﻠﺴﻮﻕ ... ﺷﺮﻳﺖ ﻛﺎﻉ ﺃﻧﻮﺍﻉ ﺍﻟﺰﻳﻮﻓﺔ ﻭ ﺍﻟﺸﻴﻼﻥ ﺧﺪﻳﺖ ﺳﻮﺭﻓﻴﻄﺔ ﻭﺍﺳﻌﺔ ﻭ ﻃﻮﻳﻠﺔ ﺷﻮﻳﺔ ... ﻭ ﺭﺟﻌﺖ ﻟﻠﺪﺍﺭ ﻭ ﺣﻄﻴﺘﻬﻢ ﻓﻲ ﻟﻤﺎﺭﻳﻮ ﺩﻳﺎﻟﻲ ﻭ ﺗﻜﻴﺖ ﻧﻌﺴﺖ ﻭ ﻟﻐﺪ ﻟﻴﻪ ﻓﻘﺖ ﻟﺒﺴﺖ ﺩﻳﻚ ﺳﻮﺭﻓﻴﻄﺔ ﺍﻟﻠﻲ ﺷﺮﻳﺖ ﻭ ﺩﺭﺕ ﺍﻟﺰﻳﻒ ﻭ ﻣﺸﻴﺖ .. ﻏﻴﺮ ﻭﺻﻠﺖ ﻟﻠﻤﺪﺭﺳﺔ ﻛﻠﺸﻲ ﺑﻘﺎ ﻳﺸﻮﻑ ﻓﻴﺎ ﺣﺘﻰ ﺣﺪ ﻣﺎﻓﻬﻢ ﺷﻲ ﺣﺎﺟﺔ ... ﺩﺯﺕ ﻣﻦ ﺣﺪﺍ ﻗﺴﻤﻮ ﻣﺎﻋﺮﻓﻨﻴﺶ ... ﺍﺑﺘﺴﻤﺖ ﻭ ﻛﻤﻠﺖ ﻃﺮﻳﻘﻲ ﺷﻮﻳﺔ ﻭ ﻫﻲ ﺗﺴﺮﺍ ﻣﻌﺎﻩ ﺧﺮﺝ ﻣﻦ ﻟﻘﺴﻢ ﺑﺎﺵ ﻳﺘﺄﻛﺪ ﺑﺎﻟﻠﻲ ﺃﻧﺎ ... ﻣﻠﻲ ﺩﺭﺕ ﻭﺭﺍﻳﺎ ﻟﻘﻴﺘﻮ ﺩﺍﻳﺮ ﺍﺑﺘﺴﺎﻣﺔ ﻋﺮﻳﻀﺔ ﻏﻴﺮ ﺷﺎﻓﻨﻲ ﺷﻔﺘﻮ ﻗﺎﺩ ﻧﻀﺎﺿﺮﻭ ﻭ ﺩﺧﻞ ... ﻭ ﻓﺪﻳﻚ ﺍﻟﺴﺎﻋﺔ ﺳﻴﻔﻂ ﻟﻴﺎ ﻣﻴﺴﺎﺝ ﻓﻴﻪ ﻣﺒﺮﻭﻙ ﻭ ﻗﻠﺖ ﻟﻴﻪ ﺍﻟﻠﻪ ﻳﺒﺎﺭﻙ ﻓﻴﻚ .. ﻭ ﻣﺎﺑﻘﺎﺵ ﺩﻭﺍﻧﻲ ﻣﺎﻓﻬﻤﺖ ﻭﺍﻟﻮ ﻗﻠﺐ ﻭﺟﻬﻮ ﻭﻼ ﺛﺎﻧﻲ ﻛﺎﻳﺪﻳﺮ ﻟﻲ ﻛﻴﻒ ﺍﻸﻭﻝ ﺗﻌﺼﺒﺖ ... ﻭﺻﻞ ﺍﻟﺼﻴﻒ ﺣﺴﻴﺖ ﺑﺮﺍﺳﻲ ﻣﻘﺠﻮﺟﺔ ﺑﺎﻟﺰﻳﻒ ﻟﻜﻦ ... ﻣﺎﺣﻴﺪﺗﻮﺵ ﺣﻴﺖ ﻭﺍﻋﺪﺕ ﺭﺍﺳﻲ ﻏﺎﺩﻱ ﻧﺒﻘﻰ ﺩﺍﻳﺮﺍﻩ ... ﻗﺮﺏ ﻳﺴﺎﻟﻲ ﻟﻌﺎﻡ ﻭ ﻫﻮ ﻗﺎﻟﺐ ﻭﺟﻬﻮ ... ﻭ ﻓﺪﻳﻚ ﺍﻸﻳﺎﻡ ﻧﻴﺖ ﻛﺎﻥ ﺩﻭﺍ ﺑﺎﺑﺎ ﻣﻊ ﻣﺎﻣﺎ ﺑﺎﻟﻠﻲ ﺑﻐﺎﻧﻲ ﺷﻲ ﺣﺪ ﻳﺠﻲ ﻳﺨﻄﺒﻨﻲ ﻭ ﺃﻧﺎ ﻛﻨﺖ ﺭﺍﻓﻀﺔ ﺣﻴﺖ ﺣﺒﻴﺖ ﺃﺳﺘﺎﺫ ﻧﺒﻴﻞ ﺩﻳﺎﻝ ﺍﻟﺘﺮﺑﻴﺔ ﺍﻺﺳﻼﻣﻴﺔ ﻭ ﻣﺎﻋﺮﻓﺖ ﻛﻲ ﻧﻮﺻﻞ ﻟﻴﻪ ﻭ ﻻ ﻛﻴﻒ ﻧﻘﻮﻟﻴﻪ ﻛﺎﻧﺒﻐﻴﻪ ﻭ ﻫﻮ ﺳﺎﺩ كاع لبيبان...
. ﺣﺴﻴﺖ ﺑﺮﺍﺳﻲ ﻣﺨﻨﻮﻗﺔ ﻣﻦ ﻛﻠﺸﻲ ... ﺷﺪﻳﻨﺎ ﻟﻌﻄﻠﺔ ﻭ ﺭﺟﻌﺖ ﻟﻠﺮﻭﺗﻴﻦ ﺩﻳﺎﻝ ﺩﻳﻤﺎ ﻏﻴﺮ ﻧﻌﺎﺱ ... ﺣﺘﻰ ﺟﺎ ﺑﺎﺑﺎ ﻗﺎﻟﻴﻨﺎ ﺑﺎﻟﻠﻲ ﺩﻭﻙ ﺍﻟﻨﺎﺱ ﺍﻟﻠﻲ ﺩﺍﺭ ﻣﻌﺎﻫﻢ ﻏﺎﻳﺠﻴﻮ ﻓﻲ ﻟﻌﺸﻴﺔ ﺑﺎﺵ ﻧﺘﻌﺮﻓﻮ ﻋﻠﻴﻬﻢ ... ﺃﻧﺎ ﺑﻘﻴﺖ ﺳﺎﺩﺓ ﺑﺎﺑﻲ ﻭ ﻛﺎﻧﺒﻜﻲ .. ﻋﻼﺵ ﻣﺎﻋﻨﺪﻱ ﺯﻫﺮ ﻓﻠﺤﺎﺟﺔ ﺍﻟﻠﻲ ﺑﻐﻴﺖ ... ﺟﺎﺕ ﻣﺎﻣﺎ ﻗﺎﻟﺖ ﻟﻲ ﻟﺒﺴﻲ ﻭ ﺗﻘﺎﺩﻱ ﺍﻟﻨﺎﺱ ﺭﺍﻩ ﺟﺎﻭ ﻳﺸﻮﻓﻮﻙ ... ﻣﺎﺑﻘﻰ ﻋﻨﺪﻱ ﻣﺎﻧﺪﻳﺮ ﻟﺒﺴﺖ ﻭ ﺩﺭﺕ ﺯﻳﻔﻲ ﻭ ﺧﺮﺟﺖ ﻟﻌﻨﺪﻫﻢ ﺷﻮﻳﺔ ﺗﺨﺎﻟﻄﻮ ﻟﻴﺎ ﺍﻟﺪﻣﻮﻉ ﺩﻳﺎﻝ ﻟﺒﻜﻰ ﺍﻟﻠﻲ ﻛﻨﺖ ﻧﺒﻜﻲ ﻭ ﺩﻳﺎﻝ ﻟﻔﺮﺣﺔ ﺣﻴﺖ ﻟﻘﻴﺖ ﺃﺳﺘﺎﺫ ﻧﺎﺑﻴﻞ ﻓﻲ ﺍﻟﺼﺎﻟﻮﻥ ﻣﻊ ﻭﺍﻟﺪﻳﻪ ... ﻣﺎﻓﻬﻤﺘﺶ ﻛﻴﻔﺎﺵ ﻭﺻﻞ ﻟﻌﻨﺪﻧﺎ ﻭ ﻻ ﻛﻴﻔﺎﺵ ﺩﺍﺭ ﻟﻴﻬﺎ ... ﺣﺘﻰ ﺷﺪﺍﺗﻨﻲ ﺗﻘﻔﻘﻴﻔﺔ ... ﻭ ﺗﺨﻠﻌﻮ ﻳﺼﺤﺎﺏ ﻟﻴﻬﻢ ﺭﺍﻛﺒﻨﻲ ﺟﻦ ﺟﺎ ﻳﺠﺮﻱ ﺑﺪﺍ ﻳﻘﺮﺍ ﻋﻠﻴﺎ ﺍﻟﻘﺮﺁﻥ ﻭ ﺃﻧﺎ ﺭﺍﻩ ﻏﻴﺮ ﻟﻔﺮﺣﺔ ﺗﺨﻠﻄﺎﺕ ﻋﻠﻴﺎ ﻛﻴﻔﻤﺎ ﻣﻠﻠﻲ ﺗﺎﻧﺎﻛﻠﻮ ﺑﺰﺍﻑ ﻭ ﻛﺎﻧﺨﻠﻄﻮ ﻟﻤﺎﻛﻠﺔ ﻛﺎﺿﺮﻧﺎ ﻟﻤﻌﺪﺓ ﺇﻳﻮﺍ ﻫﺎﻛﺎ ﻃﺮﺍ ﻟﻴﺎ .... ﺩﺍﻭﻧﻲ ﻟﻠﺒﻴﺖ
ﻭ ﺭﺟﻌﻮ ﻫﻤﺎ ﻛﻤﻠﻮ ﻫﻀﺮﺗﻬﻢ ﻭ ﻣﺎﻣﺎ ﻭ ﺍﻸﻡ ﺩﻳﺎﻟﻮ ﺟﺎﻭ ﺑﻘﺎﻭ ﺣﺪﺍﻳﺎ ... ﺍﻟﺼﺮﺍﺣﺔ ﺍﻼﻡ ﺩﻳﺎﻟﻮ ﺍﻟﻠﻪ ﻳﻌﻤﺮﻫﺎ ﺩﺍﺭ ﻭ ﺣﻨﻴﻨﺔ ... ﺩﺍﺯﺕ ﻟﺨﻄﺒﺔ ﻋﻠﻰ ﺧﻴﺮ ﻭ ﻛﻨﺖ ﺳﻮﻟﺘﻮ ﻛﻴﻔﺎﺵ ﺟﺎ ﻟﺪﺍﺭ ﻗﺎﻟﻲ ﺃﻧﺎ ﻣﺎﻧﺠﻴﻜﺶ ﻣﻦ ﺍﻟﺸﺮﺟﻢ ﺗﺎﻧﺠﻲ ﻣﻦ ﻟﺒﺎﺏ ﻭ ﻛﻴﻒ ﺩﺭﺗﻲ ﻧﻬﺎﺭ ﺧﺪﻳﺘﻲ ﻧﻤﺮﺗﻲ ﻣﻦ ﻟﻤﻠﻒ ﺩﻳﺎﻟﻲ ﺃﻧﺎ ﻣﺸﻴﺖ ﺧﺪﻳﺖ ﺍﻟﻌﻨﻮﺍﻥ ﺩﻳﺎﻝ ﺍﻟﺪﺍﺭ ﻭ ﺑﺎﻥ ﻟﻲ ﺍﻸﺏ ﺩﻳﺎﻟﻚ ﺧﺎﺭﺝ ﻫﻀﺮﺕ ﻣﻌﺎﻩ ﻭﺍﺧﺎ ﻛﻨﺘﻲ ﺧﻔﻴﻔﺔ ﻛﻨﺖ ﻋﺎﺭﻑ ﺑﺎﻟﻠﻲ ﻗﻠﺒﻚ ﺑﻴﺾ ... ﺣﺸﻤﺖ ﻣﻦ ﻫﻀﺮﺗﻮ ﻭ ﺯﺍﺩ ﻛﺒﺮ ﻓﻲ ﻋﻴﻨﻲ ﻭ ﻓﻲ ﺩﺍﻙ ﺍﻟﺼﻴﻒ ﻧﻴﺖ ﺗﺰﻭﺟﻨﺎ .. ﻟﻜﻦ ﻣﺎﺩﺭﻧﺎﺵ ﻟﻌﺮﺱ .. ﺩﺭﻧﺎ ﻋﺸﺎﺀ ﺑﻴﻦ ﻟﻌﺎﺋﻠﺔ ﻭ ﺍﻟﻄﻠﺒﺔ
ﻣﻊ ﺍﻟﺮﺟﺎﻝ ... ﻭ ﻣﻦ ﺗﻤﺎ ﻭ ﺍﺣﻨﺎ عايشين فرحانين ____النهاية__
ليست هناك تعليقات:
إرسال تعليق