..قصــه....( عــرفتــه و احببتـه وتـزوجتـه فـى يـوم واحـد )....

..قصــه....( عــرفتــه و احببتـه وتـزوجتـه فـى يـوم واحـد )....

..قصــه....( عــرفتــه و احببتـه وتـزوجتـه فـى يـوم واحـد )..

انه هنا فى هذا البيت؛ وهذه الشقه؛ فى هذه الحجره؛ تسكن بطلتنا .فتاه تبلغ20 سنه ذات بشره بيضاء هادئه مرحه ذات نسبه من الجمال.

لها وجه مريح تملك من البرائه ما يكفيها ليجعل من حولها يلتفون حولها ويسمعوها.

ويبتسمون لابتسامتها ونقاء قلبها .

هذا القلب الذى لايحمل سوى الحب فقط لكل الناس سواء تعرفهم ام لا .

كل من يراها يشعر بانها فراشه ترفرف دائما حول من حولها.

ومن يرى دموعها يدمع قلبه قبل عينها عليها.

انها هيا كما اسماها حبيبها الذى لاتعلم بحبه الا من كلام الاخرين.

انها رونى هو لم يعد حبيبها فقط بل اصبح زوجها ايضا كيف حدث ذلك؟.

تذكرت رونى عندما اتى هذا اليوم الذى بعث والدهااليها ودار بينهم هذا الحديث:

تعالى يا راندا اقعدى جنبى.

فابتسمت كعادتها او لنقل فانها دائما البسمه فهى تمشى على حديث الرسول صلى الله عليه وسلم بان البسمه فى وجه اخيك المومن صدقه .فجلست وقالت وقالت :نعم يا ابو راندا امر ك .

فضحك وقال :فى موضوع عايز اكلمك فيه واخد رايك واعرفى ان فى الاول والاخر الراى رايك ومش هغصبك على حاجه.

فابتسمت احلى ابتسامة وقالت :ايه يابابا انت جايب عريس ولا ايه ما اعتقدش انك زهقت منى وما اعتقدش ان فيه مغامر هيغامر بحياته كده اكيده الناس مش مستغنيين عن عيالهم ولا ايه.

فضحكباضحك وقال :هو فعلا فى عريس وبصراحه الواد عاجبنى وحاسس انه راجل بجد وهو من ساعت ما شفته اطمنتله وحاسس ان ده الهكون مطمن عليكى معاه .

فردت وقالت: ايه ده دا الموضوع شكله بجد لا ياحج دا انا بهزر معاك والله دا انا حتى مش بعتبر نفسى انى بنت وهتجوز والحركات دى خالص .

فابتسم وقال: انتى عارفه كام عريس اتقدملك وانا رفضتهم حتى من غير ما اقولك.

فبصتله باستغراب وقالت :انا ودول يعرفونى من اين انا اصلا مش بعرف حد من بره العيله وكلهم زى اخواتى بالنسبالى.

فابتسم وقال: عارفه اغلب قرايبنا ما فيش بيت مافهوش واحد الا واتقدملك.

فبصت وكل التعجب فى وهشا ومفتحها عنيها وقالت: انا ..ازاى دا انا بحب كل ولاد وبنات العيله زى اخواتى وعمرى ما اخدت تعامل اى ولد فيهم غير كده فابتسم بحب وقالها:عارف.. بس خلينا فى المهم ايه رايك فى العريس عشان مستعجل وعايز الرد؟

فقالت ومين ده كمان؟ انا اعرفه. يعنى من العيله واشمعنى ده الوافقت عليه ورفضت كل البتقول اتقدمولى .

فقالى سوال غريب: تعرفى مين من البيلعبوا كوره فى التلفزيون .

فاستغربت لسواله وايه داخله فى اللموضوع فقالت: انت عارف ان ماليش فى الكوره؛ بس عامه يعنى حسام وابراهيم الهما اخوات دول وحازم امام والغندور اممم مش عارفه يعنى مش فاكره يعنى.

لو قلت اسماء كام واحد تانى ممكن اعرفهم.

بس انت عارف ان مش بهتم بالكوره اصلا.

فابتسم وقال: طيب فى العشرينات تعرفى حد.

فقالت: لا.. الشباب لا لسه ما اخدوش فرصتهم معايا والله. اول ما اركز كده هاقولك.

فقال: طيب وليد الجاسر تعرفيه.

فبصت لبعيد شويه وعملت كانها بتفكر وقالت: شوف هو كمعرفه شخصيه لسه هو ما اتشرفش زى غيره من الشخصيات المعرفه بمعرفتى.

بس سمعت عنه بس بتسال ليه عنه؟ اه صح دا انا شفته فى فرح بنت عمتى فى مصر من سنتين. سمعت انه صاحب احمد اخوها بتسال ليه ياحج؟

فقالها: هو كلمك فى الفرح.

فصتله بزعل وقالت: يكلم مين يا بابا وحتى لو كلمنى مين دى الهترد عليه.

هو عشان مشهور وكده والبنات كانوا هيموتوا عليه ابقى اجرى اكلمه.

لا يابابا مش انا دا احنا جامدين قوى ورجاله قوى ودمنا صعيدى. دا لو اتجرى بس يكلمنى كنت قطعته قطيع .وقعدت تضحك باضحك.

ففرح ابوها بداخله لاحترام ابنته لذاتها وقالها: طيب هو متقدملك وعايز يتجوزك ايه رايك.

فبصتله بدون تصديق وقالت:مين يتجوز مين يعنى؟ هو يتجوزنى انا؟ وليه هو يعرفنى من اين اصلا وشافك فين؟ وشافنى فين؟ و...

فقاطعها والدها وقال :استنى هو شافك فى الفرح وسال محمد عليكى.

وحتى محمد قالى انه كان عايز يخطبك من ساعتها بس هو قاله انى برفض اى حد دلوقت عشان تعليمك بس ما قدرش يستنى اكتر من كده.

فقالت :وهو لسه فاكرنى ؟

فقالها: ايوه ها ايه رايك .

فقالت: انا ماعرفوش. طيب انا اصلا يمكن شفته فى الفرح كام مره بس ده لثوانى يعنى وخدت بالى فى التلفزيون من مقابله كان يديق احساس انه ولد محترم بس مش عارفه ليه انه فى لمحت حزن بيحاول يخفيها فى اللقاء ده مش عارفه كان ساعتها كان زعلان ولا حزين اينعم انا شفت 3 او4 دقايق ده بس الحسيته.

فاخفض اباها راسه باسف وقال: اصل باباه ومامته عمله حادثه وهو كان لسه فى ثانوى .

فهى صعب عليها قوى وقالت: لا حول ولا قوه الا بالله. طيب وهو عايش مع مين دلوقت.

وعمل ايه بعدهم وعنده اخوات.

فقالها: لا هو ما عندوش اخوات. وكمان من وقتها مرضيش يسكن مع حد قريبه.

وقال:مش هاقبل انى اكون عاله على حد .وكمان انا مش صغير وقربت اخلص ثانوى وادخل جامعه .

وهو وقتها كان بيلعب فى النادى بس لسه ما كنش مشهور زى كده.

وحط همه فى مذاكرته والكوره وبقا بياخد معاش باباه مع فلوس النادى ويصرف على نفسه لغايه لما خلص وبقى مشهور دلوقت. على فكره ابن عمتك بيشكر فى اخلاقه جدا وشفت بيته من تحت وانا رايح مشوار مع ابن عمتك. حتى عمتك بتقول لو عندى بنت مش هاقوله لا لو اتقدملها.

وراح باباها طلعلها صورته من جيبه وادهالها وقالها: هو ادانى الصوره دى وقالى ادهالك عشان شكلك ما عرفتهو فى الفرح.

فابتسمت وقالت: لا والله عرفته بس

باباها طلعلها صورته من جيبه وادهالها وقالها: هو ادانى الصوره دى وقالى ادهالك عشان شكلك ما عرفتهو فى الفرح.

فابتسمت وقالت: لا والله عرفته بس انت عارف ما ينفعش اتكلم مع ولد غريب وحتى لو مشهور مش عزر.

وبصت للصوره وقالت: هو مش كله مغرور شويه فضحك وقالها: وده برضوا من الصوره.

لا ياستى هو مش مغرور بس هو واثق من نفسه ومحدد اهدافه ومالوش فى الف والدوران.

كمان هو هادى ومش بيتكلم كتير.

بس هو عشان ابن عمتك صاحبه من زمان فعارفه كويس. وعمتك بتتمنى انك توافقى وعلى فكره لو وافقتى هو عايز يجى يخطبك ويكتب الكتاب الخميس الجاى.

فبصتله وقالت: ايه دا واضح انه مجنون. يتقدم ويكتب الكتاب وهو ما يعرفش عنى حاجه.

فقالها: هو عارف عنك حاجات كتير وطلب منى ان اسمحله يكلمك مره لو ما وافقتيش على كتب الكتاب عشان تعرفيه لانه صعب يجى ويقعد كتير عشان التدريبات والمباريات.

واخرج ابيها التلفون وقالها: انا هاتصل بيه وادهولك تكلميه واسالى الانتى عايزاه براحتك والهتتفقو عليه انا موافق سواء رفضتيه او وافقتى وصدقينى هو ده الاقدر ائمنه عليكى. وعلى فكره مش لانه مشهور او مستقبله كويس لا لان المستقبل بايد الله بس لانه لقيته راجل بجد فى كلامه معايا.

ولما سالت عليه على فكره انا ما اكتفتش بكلام عمتك وولادها انا رحت سالت عليه جيرانه وفى النادى والمدرب وزمايله فى النادى من غير ما يعرف.

والله الكل بيقول احلى كلام فيه وانتى كلميه واعرفى بنفسك.

واتصل ابيها به وبعد ان كلمه وسلم عليه وساله على رونى ورايها قاله :هيا لسه بتقول انها ما تعرفكش وادينى زى ما اتفقت معاك وهخليك تكلمها وانت زى ما تتفقوا اناهاوافق وواثق من ريكم.

واضاف واليه على سبيل المزاح :حتى لو غيرت رايك انت فيها .

فرد سريعا وقال: لا يا عمى مش هغير راى ان شاء الله. انت ما تعرفش انا نفسى فى نسبك اد ايه.

فرد ابوها وقال: ربنا ييسر الحال ان شاء الله ويوفقكم. واداها التلفون وقالها: انا هاخرج بره الاوضه وانتى براحتك واسالى الانتى عايزاه .

ومشى وهيا خدت التلفون وهى مرتبكه ومكسوفه وخايفه وحاسه انها بتحلم وفضلت ماسكه السماعه وبتبصلها وبتقول فى نفسها ايه ده هو البيحصل ده صحيح.

وبصت فى ايدها التانيه وشافت الصوره واخدت بالها ان فى جرح فى الجبها وقالت: ايه الجرح ده ومين عوره يا عينى اكيد كانت وجعاه قوى وممكن كان بيعيط فصعب عليها خالص واتمنت انه يكون قدامها عشان تطبطب عليه وتقوله معلش.

وصحيت من السرحان على صوت التلفون الفى ايدها وهو بيقول: الو عمى انت معايا على الخط فردت وقالت: ايوه.

فقال: رونى.

فاستغربت وقالت: السلام عليكم انا اسمى راندا مش رونى.

فابتسم وقال: وعليكم السلام ورحمه الله وبركاته. ازيك يا رونى انا عارف اسمك راندا بس من ساعت ما شفتك وانا مسميكى رونى لوده ما يدايقيش يعنى فقالت: هو رونى حلو كدلع بس ميصحش حضرتك تقولهولى يعنى حضرتك غريب عنى فميصحش. فابتسم وقال: من اول مره شفتك حسيت انك خطفتى روحى مش عارف والله ايه الجرالى. من اول مره عينى وقعت عليكى حسيت ان روحى هربت منى. نسيت نفسى وكل الناس والفرح ومش فاكر غيرك وانتى بتبتسمى كنت حاسس انك فراشه وبتطير بين الناس كان نفسى قوى اكلمك واقولك انت فعلا انسانه زينا انتى كده ازاى؟ مش عارف لقيت نفسى مش قادرارفع عينى عنك كنت فى الاول.

جاى اقعد شويه فى الفرح وامشى عشان خاطرمحمد صاحبى واهله.بس اول ما شفتك ما قدرتش ابعدعنك غير لما خلص الفرح ورجعتى البيت انتى ما اخدتيش بالك منى خالص.

اصل انا عارف انك مش بتتفرجى على المتشات خالص .

فقالت: بصراحه انا وقتها خدت بالى ان فى جنب هيصه وولاد فى جنب فى الفرح.

فسالت ابن عمى هو فيه ايه؟

فقال: الاعب وليد الجاسر جه. اصله صاحب ابن عمتنا وانا رايح اسلم عليه وسابنى ومشى.

وانا مشيت وراه من باب الفضول يعنى اشوف حد مشهور.

فوقفت بعيد عنكم شويه وبصيت عليكم شويه وانت بتتكلم وتهزر معاهم بس لما اخدت بالى انك شفتنى وحسيت انك من مش تنزل عينك عنى اتكسفت ومشيت.

فقالها: بس مخدتيش بالك منى او شفتينى تانى.

فقالت:يعنى لمحتك كام مره بس لما بحس انك بصتلى بابعد وشى على طول. بس ما كنتش فعلا يعنى متاكده انك بتبصلى انا.

بس فى مره لما طلعت بره القاعه ومشيت فى الجنينه وكنت واقفه عند شجره ورد وبكلم التلفون وبعدها لمحتك جاى فبصيت ناحيه الشجره. وقعدت اكلم الورده شويه ولم اتعدلت عشان ارجع اتفاجئت انك قريب منى.

واقف وحاطط ايديك فى البنطلون وبتبصلى ومبتسم. بصراحه كسفتنى جدا وانا اصلا كنت فاكره انك سبت الفرح وماشى. ما كنتش عارفه انك واقف ورايا وساعتها سبتك ومشيت.

بس بعد الفرح يعنى معرفتش عنك حاجه غير انك صاحب ابن عمتى وسمعتك مره فى التلفزيون ومرتين سمعت اخبار عنك فى التلفزيون بس بالصدفه والله مش قاصده.

فضحك وليد وقالها:عارفه انتى جميله فعلا زى ما حكولى عنك طيبه وصريحه وبريئه وكمان عجبتينى لما ما وافقتيش عليا على طول.

بحب اناالتقل ده والبنت الصعبه.

فقالت: بس انا ما كنتش بتقل. بس يعنى ما اعرفكش ازاى اقبل بواحد ما اعرفش عنه حاجه اعرف ممكن شويه معلومات عن كابتن وليد المشهور بس مش وليد الانسان.

فقالها: انا بحمد ربنا ان خلانى قابلتك واتمنى فعلا انك تكونى من نصيبى. وفعلا اوعدك ان شاء الله انى هاعملك بما يرضى الله؛ وصدقينى انتى غاليه قوى فى عينى وعلى قلبى بس اتمنى انك توافقى على كتب الكتاب عشان نعرف نتكلم مع بعض براحتنا وتعرفينى اكتر وصدقينى مش هتندمى.

فردت: بس كده بنتسرع يعنى مثلا خطوبه شويه الاول .

فقال :بصى انا من يوم الفرح هتجنن عشان اشوفك واسمع صوتك ومش عايز يخرج منى حاجه تغضب ربنا وعايزك تبقى براحتك معايا.

طيب هاسالك سوال انتى خايف منى؟ او مش مرتحالى ؟او فى حد تانى فى حياتك؟

ارجوكى ردى عليا بصراحه عايز حياتى معاكى نبداها صح. وصدقينى هكون ليكى صديق قبل ما اكون زوج؟

فردت وقالت:

طيب هاسالك سوال انتى خايفه منى او مش مرتحالى ؟ او فى حد تانى فى حياتك؟

ارجوكى ردى عليا بصراحه عايز حياتى معاكى نبداها صح وصدقينى ههكون ليكى صديق قبل ما اكون زوج ؟

فردت وقالت: اولا انا مش خايفه منك بالعكس حاسه انى مرتاحه بس فى حاجات ساعات هيا البفكر فيها بتخلينى متردده.

فقالها: زى ايه ؟

فقالت: انا معرفش عنك كوليد حاجه ؟ حياتك ميولك بتحب ايه ومش بتحب ايه ؟ وازاى عايش؟ وكده. فقاطعها وقال: بصى انا التدريب هيبدا دلوقت فمضطر اقفل بس اوعدك يا رونى انك لو وافقتى عليا باذن الله هتكونى اسعد وحده فى الدنيا. وهابقى كل دنيتك زى ما انتى كل حاجه حلوه فى حياتى وهاستنى ردك النهارده بالليل لو امكن؛ لانى بجد مش قادر اصبر اكتر من كده وعايز اطمن.

يلا هسيبك دلوقت عشان المدرب بيشاورلى بس عايزك تفهمى حاجه واحده بس انك ليا حلم من اول ما شفتك وباتمنى اليوم اليجى ويتحقق. يلا استودعك الله وخلى بالك من نفسك.

فردت وقالت: حاضر فى حفظ الله مع السلامه.

فرد: مع السلامه.

وقفلوا وراحت ادت

التلفون لباباها وقلها: ها ايه رايك.

فابتسمت وقالت: هاصلى استخاره وارد بالليل ان شاء الله عشان هو كمان مستنى الرد بالليل.

فقالها: ماشى براحتك وربنا يوفقك يا رب.

ومشيت راحت تصلى وتدعى ربنا لو ليها ا لخير فيه يوفقها معاه ولو شر يبعده عنها يارب وفضلت كده لغايه ما نامت مكانها.

وصحيت على ايد باباها بيصحيها و يقولها: انتى نايمه على المصليه قومى نامى على السرير.

فقامت وقبل ما تنام سالها: انتى نمتى ما فكرتيش ؟ وليد كان على التلفون اتصل يعرف ردك لما ما اتصلناش وانا ما رضتش اجى اسالك الا لو جيتى انتى تقولى ردك النهائى .

فردت وقالت: انت شايف ايه يا بابا فرد .

وقال: ما اتمناش احسن منه ليكى راجل محترم وشاريكى لا بعد حد. دا حتى قالى هامضى على ورقه بيضه وادهالك تحط الضمان اليعجبكم عشان نثق فيه فقالت باستغراب: ازاى..وهو ازاى يعمل كده من غير ما يعرفنا؟

فابتسم الوالد ورد وقال: هو انا قلت له زى ما انتى رديتى كده.

قالى: انا واثق فيكم. وانا متابعها عن بعد واعرف عنها حاجات كتير واعرف انكم بيت بتتقوا ربنا وواثق انكم هتتقوا ربنا فيا زى ما انا هتقيه فى بنتكم.

ففرحت بداخلها وقالت: انا صليت الاستخاره وحاسه انى مرتاحه. وشوف حضرتك ايه الصح واعمله يا بابا. وانا كمان واثقه فيك.

فاتصل ابوها وبلغه الموافقه .وان كتب الكتاب يوم الخميس وانتشر الخبر فى وسط العائله.

وابتدى الكل فى التجهيزات لحفلت الخميس.

واحتفال الكل بعروسه العائله الجديده. التى احبها الجميع وحاول الكل ان يبدى ما اقصى ما عنده لاسعادها والظهور بمظهر لائق لها.

حتى اتى يوم الخميس وحضر وليد فى الظهيره واستقبله الجميع باحلى ابتسامة؛ اجمل استقبال. واحضر معه الشبكه وكان معه بعض اصدقائه الذين اصروا على الحضور معه فى هذا اليوم.

والسفر كل هذا الطريق من القاهره الى الصعيد حتى يدخلوا الى قلبه السعاده. ويشعروه انه ليس لوحده فى هذا اليوم.

وحضر الماذون على العصر وكتبوا الكتاب فى المنزل لضيق الوقت.

وتم الاحتفال به فى المنزل لضيق الوقت الذى لم يستطيعوا ان يحجزوا قاعه ولكن زينوا المنزل وعملوا الحفل على اجمل ما يكون وكان الحفل منفصل و.

وعملوا الحفل على اجمل ما يكون وكان الفرح منفصل. يعنى الرجاله فى مكان والستات فى مكان. وطبعا لما جابوا الاكل للكل طبعا هو اتكسف يسيب اصحابه لوحدهم مع ناس مايعرفهمش وياكل معاها فاستاذن من باباها انه هيفضل مع اصحابه ؛

وبعد الاكل جاله باباها وقاله: ايه يا عريس مش عايز تباركل للعروسه.

فاتكسف وليد منه وقاله: اه طبعا بس يعنى عشان شايف ما شاء الله البيت مليان وكده فمش قادر اتكلم. فضحك باباه وقال: والله انا قلت مش هاعمل الا حاجه على الديق. بس زى ما انت شايف ماشاء الله كل دول اهلنا وناسنا. وكل اليعرف يقول لازم اجى. وهيا غاليا على الكل قوى والحمد لله زى ما انت شايف كل دول اهلنا وناسنا مفيش حد غريب.

فابتسم له وليد وقال: ماشاء الله ربنا يخليكم لبعض. معلش انا اهلى كل واحد الدنيا واخداه فالعدد الجه معايا قليل شويه؛ وخاصه عشان المشوار بعيد وانا محبتش اعزم ناس كتير عشان قلنا هنعمل حاجه بسيطه.

فرد الاب مدرك ما دار بداخل وليد: والله انا قلتلهم انا حاجه بسيطه. بس كل الانت شايفه اخواتها وشباب العيله هما العملوه. قالوا مش بنت عمنا الكتب كتابها يبقى على الضيق؛ لازم نفرحها هيا وعريسها وخاصه انهم بيحبوك كمان ومصدقوا يشفوك.

المهم تعالى معايا عشان تشوفها وتسلم عليها. واخذه معه وادخله احدى الغرف وقام بنداء احدى البنات وقال: يارا تعالى سلمى على العريس.

فابتسمت وقالت :اهلا وسهلا مبروك يا عريس والله عرفت تختار ربنا يباركلكم ان شاء الله .

فابتسم بدوره وقال: الله يبارك فيكى شكرا ربنا يكرمك ان شاء الله.

فقال لهاعمها: يلا يا يارا قولى لراندا كلمى بابا .

فردت وقالت :حاضر يا عمى عن اذنكم.

وذهبت لتناديها وعندما اتت قالت بتلقائيه وباسلوبها المرح دائما: نعم يا ابوراندا انت بعتلى وعايزنى.

وكانت لابسه كده

قصتى الاولى. حب العمــر <. قصه كامله >عرفته..واحببته ..وتزوجته ..فى يوم واحد..

اكيد وحشتك صح معلش اصلى معايا البنات هخلص عليهم؛ قصدى هخلص معاهم واجى اقعد معاك عشان تحكيلى عملت ايه من غيرى النهارده .

وبتبص ورا باباها لقيت وليد واقف والابتسامه ماليه وشه وواضح عليه الفرحه فتنحت وما نطقتش . وبسرعه البرق كانت اختفت من قدامهم.

فبص الاب ووليد ببعض باستغراب وانفجروا فى الضحك.

واعتذر ابوها منه وقاله :معلش يا ابنى هيا بس مكنتش تعرف انها هتشوفك هنا. بس من المفاجاه وكده ثوانى وانا هاروح اجيبهالك .

فرد وليد محرجا: لا يا عمى خلاص سيبها براحتها؛ هيا عشان مش متعوده عليا بكره تعرفنى وتاخد عليا. بس انا كان معايا حجات جايبها ليها واصحابى كانوا جيبين هدايا عايزين يقدمهالها.

بس خلاص يعنى حضرتك ابعت حد ياخدهم من العربيه والشبكه اهى اتفضل ادهالها. وان شاء الله اول ما الظروف تسمح هاجى تانى وابقى اتكلم معاها.

فرد ابوها محرجا: يا ابنى استنى وانا هندهالك معلش انت عارف البنات وكسوفها.

فردهو بدوره: خلاص ياعمى والله انا كان نفسى اشوفها واطمن عليها. بس طالما هى مكسوفه كده خلاص مش عايز احرجها اكتر من كده وانشاء الله تتعوض. وانا مضطر امشى عشان يادوب الحق اوصل واريح شويه عشان عندى تدريب.

فحاول ابوها ان يبيت معهم ولكنه اعتذر عشان التدريب. واخد اصحابه واقاربه وكل واحد ركب عربيته ولكنه هو كان معاه اصحابه الاتنين كانوا جايين مع بعض بعربيته وروحوا مع بعض.

وكان خالد صاحبه بيسوق ومحمد نام.

اما هو اغلق عينيه ولكن كان ابتسامته التى غابت اكثر الوقت من زمن عادت اليه.

فلم يكف عنها طول الطريق واخذا يفكر فيها منذ ان راها فى فرح بنت عمتها

وتذكر كلامها مع اخوها وهزارها معاه وكم تمنى فى هذه اللحظه ان يكون هو مكامه. وتذكر عنما خرجت من الفرح وكان مكان القاعه قريب من البيت ورجعت لبيت عمتها وقد كان قريبا من الفرح.

وهنا الخوف والغيره وكل المشاعرتملكته وسال نفسه هيا ايه الجابها دلوقت لوحدها والبيت فاضى ولكن بعد فتره قليله وجدها نزلت بس كانت مغيره هدومها فاستشف انه اكيد الهدوم اتوسخت او انه اتكب عليها حاجه عشان كده رجعت البيت.

ولانه كان واقف فى الشارع مستنيها وفضل ماشى وراها من غير ما تحس لغايه لما رجعت الفرح. وشاف قد ايه اول ما بتبقى فى مكان الكل بيتلف حواليها وحس اد ايه معاملتها حلوه مع الحواليها. وكم اتمنى انها تكون من نصيبه .وافتكر لما شافته النهارده وازاى اتفاجئه وهربت منه.

كان احساس لذيذ انه يشوفها بس حمد ربه انها هربت لانه ما كنش هيقدر يبعد عنها او كان هيحضنها بس ابوها واقف.

ولقى نفسه بيتنهد ويقول كنت فاكر لما اكتب كتابى عليكى هيهدى بالى واطمن بس لما شفتك النار الجوايا زادت اكتر وابتدا.

يقول ابيات الشعر دى :

راندا اما ان الاوان بان ابوح مشاعرى ..

واقول من بحر الغرام ما حوته دفاترى ..

فالعمر يجرى بيننا..

والبعد يقتل ناظرى ..

والقلب يقتله الضنا..

والليل فيك مسامرى ..

وانا المعذب فى هواك..

فهل بقلبى تشعرى..

كلمات الشعر

بقلم.ا.محمد عبد العاطى

وعدت الايام.. وجه وليد عشان يشوف رونى مره واتنين. بس كل مره مش بيشوفها الا دقيقه او اتنين وبيسلم عليها وهو ماشى.

وهيا حتى مش بتبص فى وشه.

بس بتهز راسها لما يسالها: ازيك؟

وتمشى وتسيبه عشان بيبقى كل قرايبها موجودين. والشباب جايين يتعرفوا عليه وعلى نسيبهم الجديد. وهيا طبعا بتبقى مكسوفه .

فبتسلم بسرعه وترجع اوضتها والمره دىالمره التالته. واصر بابها انه يبيت عندهم لانه اصلا هو وصل فى اخر اليوم.

فمش معقول يرجع فى نفس اليوم وكالعاده سلم على اهلها واقاربها وقعد معاهم لغايه الوقت متاخر وهيا اتكسفت تطلع قدامهم والكل دخل نام .

وتانى يوم الصبح باباها راح الشغل وقال هيستاذن ويرجع بدرى عشان وليد.

ومامتها راحت عند بيت جدها وحالا راجعه. واخواتها فى المدرسه. وطبعا رونى قافله عليها اوضتها مكسوفه تطلع من امبارح.

بس كانت قاعده تفكر يا ترى هو الحصل فى الفتره الاخيره ده حقيقى يعنى.

انا خلاص متجوزه دلوقت طيب وليد الكل ما اعرفش عنه حاجه غير البيحكيه الحوليا.

طيب وانا وهو مفروض اكون قريبه منه اكتر من كده واحول اشيل موضوع الكسوف ده.

انا ممكن اطلب منه نبقى اصحاب ونتعامل كاننا اخوات واصحاب وبكده مش هابقى مكسوفه منه. وممكن اقعد اتكلم معاه؛ ونفهم بعض وتكون خطوه لقدام فى حياتنا بدل ما هنفضل محلك سر كده. .

بصراحه انا صعب عليا دى تالت مره يجى المشوار ده ومشفهوش كام دقيقه على بعض مش عارفه ايه الجوازه دى دا حد باصصلنا فيها. (هههههههههه).

وتشجعت وخرجت من اوضتها وبصت حواليها ما لقتش حد فى الشقه.

بس لقيت فى باب اوضه مقفول فقالت اكيد هو جوه طيب هو صحى ولا لا؟.

بصت حواليها مالقيتش حد بالبيت قالت ايه ده هما كلهم طفشوا وسابولى البيت ولا ايه وقعدت تضحك على نفسها.

وافتكرت انه جوا وباب الشقه مقفول. فجريت وفتحت باب الشقه عشان لوحد جه فجاه ميزعقش ليها؛ عشان هيا ووليد لوحدها بالبيت.

وقرت شويه قران فى سرها ودعت ربنا يوفقها للفيه الخير.

وراحت خبطت بالراحه على اوضته عشان لو نايم متصحهوش وتمشى فرد وقال: ادخل.

فاتكسفت وقالت: ممكن يكون نايم وفاكر اخوها او بابا هو البيخبط.

طيب اعمل ايه؟

لقيته بيقول تانى :ادخل.

فقالت وهى محرجه :انا راندا.

ولقيت خلال 3 ثوانى الباب.

اتفتح وهو بيبصلها وهو مستغرب ومش مصدق انها قدامه وبتكلمه وقالها: ازيك يا رونى عامله ايه؟.

وبعدين شك فى الموضوع وبص حواليها وقالها: ايه هو فى حاجه حصلت ؟.

فردت بكسوف وقالت: انا كويسه. انا كنت عايزه اتكلم معاك شويه لو ينفع؟

فابتسم وفتح الباب على الاخر وقالها: طبعا اتفضلى. فمشيت وهيا باصه فى الارض وراحت قعدت على السرير وفضلت باصه على الارض ومش عارفه تتكلم ازاى او تبدا ازاى وتفهمه الجواها.

وعدت اللحظات وهيا ساكته وهو واقف بيبص عليها ومبتسم وفرحان.

وكان واقف ومدخل ايديه فى جيوب البنطلون ودى وقفته المفضله ونفسه يشدها وياخدها فى حضنه ويقولها وحشتينى.

بس قال بلاش اتهور يحسن تدايق.

اما هيا تشجعت ورفعت عنيها وبصتله فلقيته بيبتسم وهو بيبصلها.

فابتسمت لابتسامته وقالت :ازيك.

فهز راسه زى ما كانت بتعمل كل مره وده خلاها تزيد ابتسامتها وقالت : هو انا ممكن اقول حاجه.

فهز راسه تانى فده خلاها تضحك وقالت: طيب هو ممكن نكون اصحاب وكده ؟

فبصلها باستغراب.

وقبل ما يتكل كملت وقالت :اصل بصراحه موضوع كتب الكتاب جه فجاه.وانا ما اعرفكش ومش عارفه اتعامل مع واحد المفروض يعنى يبق .

وبصت فى الارض وهى مكسوفه تقول جوزى.

فقالت: يعنى كاتب كتابى وكده.

فبقترح يعنى نتعامل على اننا اخوات او اصحاب لغايه ما ناخد على بعض وكده.

وكملت: وطبعا بما اننا كاتبين الكتاب ده هيدينا حريه فى التعامل اكبر وهيبقى مش حرام اننا نبقى اصحاب .

وحبت تخلص من كسوفها ده فاضافت باسلوب مرح وهيا بتبصله ومبتسمه احلى ابتسامة:وبعدين هتلاقينى صاحب لذيذ.وممكن تعتبرنى كانى واحد صاحبك. وعلى فكره ان بعرف اكتم الاسرار كويس يعنى.مش هافتن عليك وكمان هتلاقينى جدعه اوى معاك. وتخيل بس انك تدخل النادى بتاعك وانا جنبك داانا هرسمك وهاعملك منظر.

وهخلى كل اصحابك يغيروا منك.انك ماشى ومعاك بنت زى العسل زيى كده. وعيش يا عم الحلم وهوافق على شروطك كمان ومش هغلس عليك. ايه رايك؟

انا بقول ان العرض مغرى حتى مش محتاج تفكر ولا ايه؟

وكانت بصاله وهيا مبتسمه وبمنتهى السعاده وحاسه انها بتبنى مستقبلها وفى طريقها لخطوه لقدام .

اما هو كان سعيد انها معاه وبتكلمه وبتحاول انها تقرب منه بعد ماكان ابتدا يياس ان ممكن يكون فى طريقه يقربوا لبعض.

بس ما ردش عليها واداها ضهروا وراح للدولاب عشان ياخد هدومه ويحطها فى الشنطه عشان هيسافر بعد الضهر وعايز يبقى جاهز.

فهى اتكسفت انه مردش وفضلت تانب نفسها.

وقالت فى نفسها ( ايه قلت الذوق دى مش عايز حتى يعبرنى بكلمه وبعدين. وقالت لنفسهااهدى اهدى هو ممكن يكون من النوع التقيل. لازم اهدى واصبر عشان اعرف اكلمه وافهمه مش هينفع الوضع الاحنا فيه يفضل كده)

فوقفت وحبت تهزر معاه وجات تضربه على ضهره وهيا بتقوله: هوانا مش بكلمك مبتردش ليه.

وقبل ما تكمل كان لف عليها ومسك ايدها قبل ما توصله ورفع ايده التانيه و..

وحبت تهزر معاه وجات تضربه على ضهره.

وهيا بتقوله :هوانا مش بكلمك مبتردش ليه.

وقبل ما تكمل كان لف عليها ومسك ايدها قبل ما توصله ورفع ايده التانيه ومسك ايدها التانيه وعمل كانها دايره. وبرجله جاب الكوره م جنب الدولاب وشاطلها.

وهيا ردتهاله برجلها فشاط تانى مره فهيا رجعتهاله. واستمروا كده كام دقيقه.

حست خلالها ان الانسان القدامها قريب منها جدا كانها تعرفه من فتره مش من دقايق بس الشافته لان فى المرتين الفاتوا ما كانتش بتستجرى ترفع عينها تشو فه وحسته ان قلبها ابتدا يدق للانسان ده.

وبصت على اديها الماسكها باديها وحست كانه بيثبتلها انها ملكه بتاعته وهيا نفسها حست انها ملكه فعلا وما كانتش زعلانه من الشعور ده بالعكس كانت فرحانه جدا وفهمت ان عدم رده عليها كان بيعاقبها على عدم ردها عليه؛ لما كان بيشوفها فى كل مره؛ ويسلم عليها وهيا كانت بتهز راسها من فوق لتحت وبس .

ورفعت عنيها لكتفه وراسه واول مره تاخد بالها انه اطول منها كده يادوب هيا توصل لكتفه او اطول شويه صغيرين. ودققت فى ملامحه وحست انها مالوفه ليها ومريحه بالرغم من انك او ما تشوفه تحس انه مغرور وواثق من نفسه قوى لكن من خلال تعامله مع والدها واقاربها اكدولها انه متواضع جدا بس هو واثق من نفسه وقليل الكلام.

وحست ان الحاجز البينهم تلاشى وكانه لم يكن ومافاقتش من سرحانها الا لما حست ان اديها اتكتفت ورا ضهرها. فاتفاجئت منه. وركزت فى وشه وهيا مازالت بتبصله .

اما هو لما حس انها ابتدت تفقد تركيزها معاه فى اللعب فرفع عينه من الارض وبصلها حس انها بتتامله وسرحانه فيه فابتسم ورفع الكوره برجله لفوق وقرب خطوه فاستقرت الكوره بينه وبينها.

وكتف ايديها لورها وهو مازال ماسكهم .

وبصلها بضحكه وغمزلها وقال: ايه معجبه ..

فبعدت عن عنيه عنيها وبصت للارض وهيا لسه بابتسامتها واتكسفت انه خد باله من سرحانها فيه وهيا نسيت نفسها .

لكن قطع صمت الخجل لما قال: تسافرى معايا؟

فبصتله بسرعه ومفاجاه واندهاش ولا ابالغ مستفاجأةلوقلت كنت مزهوله منه ومن ردود افعاله وسالته: ازاى ؟

قالها: عادى مراتى؟

هيا اول ما قالها مراتى حسيت كان جردل ميه اتكب فوق دماغى.وارتبكت واتكسفت منه خالص وبصيت فى كل حته فى الاوضه الا هو.

لقيته بيقولى :رونى.

قلت: نعم .

وانا ببص فى عنيه اول مره اشوف فى عيون حد حب كده حسيت انه مشتاقلى مع انى معاه حسيت كانه بيقولى برجاء اوعى ترفضى ان محتاجلك وخفت كمان ارفض لانى حسيت بانهياره وحسيت بعذابه قبل ما انطق بالرفض وهو اكيد كان متوقع برضوا رفضى .بس وانا بتامله سالت نفسى هو معقول بيحبنى قوى كده ؟وجاوبت على نفسى باكيد . اكيد طالما استنى السنتين دول من غير ما يكلمنى او حتى يقربلى وده بس عشان شافنى وكفايه انى حاسه بالارتياح معاه ويكفينى حب حد ليا بالشكل الانا شايفاه والحكالى عليه ابن عمتى ؛عشان اعمل عشانه اى حاجه ولما طولت التفكير والسرحان.

ردد تانى :رونى؟

فابتسمت للاسم عشان محدش قالهولى غيره.

وقلت: رونى اشمعنا؟

فابتسم وقال :مراتى وحبيبتى وبدلعها ايه المشكله؟

مش عارفه الواد ده مصر يكسفنى على طول كده؛وكمان قربى منه كده وما يفصلش بينا غير الكوره وهو لسه ومكتف اديا وماسكهم .

فقال :ها موافقه؟

فابتسمت وقلت: بس بابا وماما واهلى و....

وقطع كلامى وقال بنبره جديه: انا بسالك انتى موافقه مالكيش دعوه براى حد تانى انا هاتصرف.

رايك ايه؟ شعورك ايه؟ موافقه تسافرى معايا؟

برضاكى انا وانتى وبس؟

ابتسمت وهزيت راسى بالموافقه فاتسعت ابتسامته وقالى: قداك خمس دقايق تكونى لبستى وجهزتى نفسك. وما تجيبيش حاجات كتير الشقه هناك انا مجهزها والحاجات الخاصه بيكى والبس انا جايبلك شويه حاجات وان شاء الله اخدك وننزل تشترى كل الانتى عايزاه. فابتسمت بفرح للا نسان الجميل القدامى وحسيت قدابه ربنا كرمنى بانسان محترم وحنين وكان نفسى اجرى عليه واحضنه وقلت: انت هتسافر بقطر ولا اتوبيس.

فضحك وقال: لا بعربيتى. ويلا عشان ما اسيبكيش وامشى.

فسبته ورحت قعدت على السرير وحطيت رجل على رجل وقلت: هو انت تقدر تعملها؛ وطالما بالعربيه خلاص يبقى براحتنا مستعجل ليه.

فبصلى ورفع حاجب وقالى: رونى تلات دقايق والقيكى قدامى جاهزه .

فقلت: لو مستعجل كده انت شكلك خلصت شنطتك يلا بقى روح جهز شنطتى وبعدها هاجى اغير.

فبصلى بتسليه وهو رافع حواجبه وقال: لا وليه تعالى هاغيرلك كمان هوانا اكره.

ولقيته جاى عليا.

فوقفت بسرعه وجريت لبره .

قلت: لا شكرا انت ما بتصدق.

انت بتاخد على كلام العيال الزيى .

فسمعته بيضحك ويقول: والله مجنونه؛ وبموت فيكى؛ وفى جنانك.

وقعدت افكر وانا بالبس قدام المرايه واضحك على نفسى وقلت: وانا الكنت عايزه ادخل واتكلم معاه واخد خطوه لقدام اهى دخلت فى جواز دا انا خطوتى طلعت واسعه قوى هههههههههه.

ولقيت الباب خبط فعدلت نفسى وقلت :ادخل .

فلقيته هو وليد وانا كنت فاكره الهيدخل ماما او حد من اخواتى فاتفاجئت بدخوله وقفل الباب وراه.

قصتى الاولى. حب العمــر <. قصه كامله >عرفته..واحببته ..وتزوجته ..فى يوم واحد..

وجه وقف قدامى وحط ايديه على التسريحه وانا فى النص وقالى وهو واضح عليه الفرحه: ايه حبيبى لسه ماخلصتيش لبس .

فقلت وانا محرجه من قربه كده وبلعت ريقى بصعوبه :لسه الطرحه.

وكملت وقلت: هما وافقوا انى اسافرح معاك فعلا.

فابتسم وقال: انتى لسه فاكره تسالى دلوقت .

فرديت وانا سرحانه لبعيد وكنت باكلم نفسى بصوت عالى:والله مش عارفه ايه البيحصلى انا حاسه انى اتاخدتى من نفسى فجاه ومش بفكر اصلا وكانى مسيره مش مخيره زى المتنوم مغناطيسى .

ولقيته انفجر فى الضحك عليا وقالى: ايه ده كله من اول مره تقعدى معايا دا انتى و قعتى بقى.وغمزلى.

فارتبكت وحسيت قلبى بيدق بسرعه واديا تلجت ومش عارفه اعمل ايه.

حتى مش قادره احط عنيا فى عينه.

وقلت هو لسانى ده لو يبطل كلام شويه دايما جايبلى الكلام والاحراج كده.

ولقيته مسك الطرحه وحطها على شعرى.

وقالى: انتى بتلبسيها ازاى الفها ازاى.

فارتبكت وقلت: لا شكرا انا هالبسها لوحدى.

فابتسم وقال: ماتتكسفيش انا هالبسهالك.

تابعونى ..

فبصراحه كلامه كسفنى اكتر وقلت: لا شكرا والله هالبسها لوحدى.

ولفيت واديته ظهرى عشان البسها واديا بقت بتترعش ونسيت هيا بتتلبس ازاى .

وكانت لابسه كده.

لانه كان واقف ورايا وبيبصلى فى المرايا وزى الحس بارتباكى ومستنيى يشوف اعمل ايه.

فقلت بغيظ: انت واقف ليه كده؟

ممكن تخرج عشان اكمل لبسى.

فقلى ما تلبسى حد ماسكك وبعدين مراتى وواقف وحشانى وبملى عينى منها.

وغير كده باباكى اصر طالما مش هيبقى مافيش فرح اصر انه يعزم قرايبك على الغذا.

وانا اصريت ان نشتريه جاهز عشان مامتك ما تتعبش واتصلت بالمطعم يبعتولنا الاكل.

واخوكى اصر انه ينزل يشتريلك جاتوه وتورته وابن عمك اصر يجيب الساقع مع انى والله ما كنتش عايز حد يدفع حاجه بس هما حلفوا .

فقالت: وانت كنت معاك فلو س للاكل بابا اكيد كان هيتكفل بكل حاجه ودول اهلنا وفى بيتنا.

فابتسم وقال: وانا العريس والمسئول عن المصاريف دى وخدى بالك برضوا يعنى احنا فاجئناهم .

وما تخافيش انا معايا الفيزا يعنى اطلبى الانتى عايزاه.

وانا كمان اتفقت مع بابكى ان شاء الله لما نرجع هاعملك حفله اكبر من اى فرح فى البلد.

وبعدين سيبك من كل ده انا استاذنت اقعد معاكى شويه لغايه ما يجى قرايبكم يعنى هنفضل نتكلم على الناس خلينى اشبع منك شويه كفايا عذاب لغايه كده .

فبصتله برجاء وهو بيقربلى وقلت.

وانا كمان اتفقت مع بابكى ان شاء الله لما نرجع هاعملك حفله اكبر من اى فرح فى البلد .

وبعدين سيبك من كل ده انا استاذنت اقعد معاكى شويه لغايه ما يجى قرايبكم .

وفبصتله برجاء وهو بيقربلها.

وقالت: مممممعلش من غير ما تزعل اخرج لانى بجد مش قادره اتلم على اعصابى.

وشوف خد شنطتى وحطها فى العربيه واعمل كانك خرجت بحجت الشنطه .

فابتسم وقرب منى وباس دماغى وقال: ما تتكسفيش منى او تخافى؛ وان شاء الله ربنا يقدرنى واكون ليكى كل البتتمنيه.

وحطى فى دماغك انك اميرتى وانا رهن اشارتك خلاص ماشى يا قمرى.

وقبل ما ارد خد الشنطه وخرج.

وبعد ما مشى وقعدت على الكرسى وانا فرحانه بطيبته الحساها معاه البيشيل التوتر فيها والخوف منى شويه شويه وبيخلينى اخد عليه اكتر .

وحسيت ان فيه توافق بينا كبير ودعيت ربنا بيسر لنا الحال .وبعد شويه خبط واذنت له بالدخول.

وقالى: رونى انتى جعانه؟

فابتسمت وقلت: لا ليه؟.

فمسك اديا وقال: ايه رايك ناخد وجبتين ونسلم عليهم ونتكل على الله ونمشى.

انا مش عارف مالى مش قادر اصبر وعايز اخدك واطير على بيتنا.

عايز افرجك على كل حاجه فيه واقعد اتكلم معاكى كتير من غير ما حد يكون معانا.. ماشى..

فقلت وانا باصه فى الارض: زى ما تحب.

فباس ايدى وقال: ربنا يخليكى ليا.

وحط ايدى على ايده وخرجنا.

وسلمنا عليهم كلهم والدموع اتملت فى عنيا.

وهو لما لقانى هاعيط استذن ومسك ايدى وماشينا.

وانا ما كنتش شايفه من الدموع الماليه عنيا .

وزعلانة و باعيط

وما كنتش متخيله ان الفراق صعب كده وحسيت انى موجوعه قوى على بعدهم.

وما حستش بحاجه غير لما هزنى بايده فبصتله وبصيت للمكان الاحنا فيه.

لقيت اننا ركبنا العربيه ومشينا شويه وخرجنا من منطقتنا. وانا كل تفكيرى كان مع الناس الاول مره ابعد عنهم واروح مع واحد كل التعامل الحقيقى ابتدا بينا النهارده.

فقالى: رونى بصى انا عايزك تعرفى انى مش هاخطفك من اهلك.

بس والله انتى اغلى حد ليا فى الدنيا وكل البتمناه انى اكون معاكى؛ وما تغيبيش عن عينى لحظه.

بس طبعا عمر ما هتكون رغبتى على حساب رغباتك واحتياجاتك.

ولو انتى تدمانه او مش عايزه تسافرى معايا او عايزه ترجعى انا هرجعك دلوقت.

وما تشيليش هم حاجه.

وانا هاعتذرلهم ووقت ما تكونى مستعده هاجى اعمل الفرح واخدك بس اهم حاجه ما تزعليش .

فبصتله وشفت علامات الحزن والضيق على وشه وحسيت بالصراع الجواه حسيت بيه وبوجعه فمسحت دموعى وقلت: ما تفهمنيش غلط انا صعبان عليا فراقهم ودى اول مره. بس طبعا مش ندمانه.

وكملت وانا مبتسمه: دا كفايه انى هابقى مع وليدالجاسر. انت مش عارف قيمت نفسك يا كابتن.

فشدنى ليه وباس دماغى والفرحه ابتدت ترجعله وقالى: ربنا يخليكى ليا. وان شاء الله مش هاخليكى تندمى ابدا على القرار ده.

فابتسمت وقلت: ان شاء الله.

فقالى بمرح: تيجى نجيب شويه شيبسى وكانز وشويه حاجات نتسالى بيهم فى السكه.

فقلت: ماشى .. انت بتحب تجيب ايه وانت مسافر؟

فقال: وانا لوحدى مش بجيب حاجه انا ببقى مركز فى السواقه وببقا عايز اروح عشان ارتاح شويه قبل التدريب واشوف الورايا.

بس طالما انتى معايا الوضع يختلف بل كل دنيتى هتختلف.

فابتسمت وبصيت حوليا عشان ما اشوفش وشه.

وقلت: بص هناك فيه سوبرماركت تعالى نرحله وانا هظبطك .

قالى: ماشى ولما وقف العربيه جيت انزل.

قالى: على فين؟

قلت: هانزل اجيب.

قالى: انتى فاكره انك متجوزه كيس جوافه ..

لا يا حبيبتى انتى تقعدى اميره وتحطى رجل على رجل وتقولى طلباتك وانا تحت امرك .

فابتسمت بفرحه وحسيت قد ايه هو راجل بجد وفعلا فردت نفسى على الكرسى وحطيت رجل على رجل وقلت وانا بعد على صوابعى: عايزه شيبسى بالجبنه والكباب والفراخ ويكونوا من الحجم الكبير مش الصغير.

وكانز فانتا تفاح وبرتقال ولو فيه كوكاكولا مافيش مانع وتفتح تلاجت الشكولاته وتنوع بقى براحتك وعايزه ايس كريم شيكولاته وفانليا وبسكوت بوريو ولبان سماره وشكلس وكيك هوهوزز وكاراتيه بالجبنه وعصير مانجا وجوافه وتفاح.

وتجيب من المحمصه الجنب السوبر ماركت لب وسودانى وحمص وفشار ونوع فى الب والمخبز الجنبهم هات بتيه وشويه مقرمشات ومعجنات وفطير وبقسمات و... بص يعنى شوف بقى انت عايز ايه تانى .

وحطت ايدي على وشى وقعدت اضحك.

وقالت: بص ما فيناش من ضرب ماشى ..

وهيا بتضحك ولما هديت لقيته لسه واقف مبتسم وحاطط ايديه فى جيوبه وباصصلها .

وقال عارفه: وانتى بتتكلمى حسيت ان معايا طفله.

وميل عليها من الشباك وقالها: عارفه انا عايز اكلك انتى مش كل البتقولى عليه.

وسابها ومشى راح يشترى الطلبات وهيا قالت لنفسها ايه ده.

بدل ما هو احنا فينا من كده لا انا مش لاعبه.

وبعد شويه لقيته جاى وجايب اكياس كتيره .

وقالت: والله انا كنت بهزر انت ما تتعودش تسمع كلامى دا انا متعوده لما اخواتى يقلولى احنا عازمينك اقولهم كده.

وبصتله بحزن مصطنع وقالت: بس مش عارفه هما بيلغوا العزومه بعدها ليه؟

فقعد يضحك عليها وباس دماغها.

وقال: والله انتى زى العسل. ويا ستى انا معاكى وامرينى فى اى وقت وانا شبيك لبيكى وملك اديكى وانا بموت فى طلبات العيال الزيك بس انتى امرى.

فاتكسفت وقالت: شكرا .. ربنا يخليك.

فابتسم وقال: ماتشكرنيش دا حقك يا اميرتى ؛انتى مراتى والنعمه الربنا بيعوضنى بيها وانا كلى ليكى ..

يلا بقى نتوكل على الله ونمشى.

فردت وراه وقالت: توكلنا على الله.

وبصيت لقدام وقعدت باحمد ربنا يارب على انه رزقنى بواحد زيه راجل محترم وبيحبنى وحريص على سعادتى.

وكانت سفريه جميله جدا مش هنساها طو ل عمرى.

وبعد شويه سالته: انت ازاى شفتنى اول مره؟

فعلا كانت فى فرح ابن عمتى عايزه اعرف كل حاجه ممكن تحكيلى ؟

فابتسم وبصلى لحظات ورجع بص قدامه وقالى: بصى يا رونى انا فى حياتى من بعد موت بابا وماما الله يرحمه فى الحادثه وانا مقرر انه..

فابتسم وبصلى لحظات ورجع بص قدامه

وقالى: بصى يا رونى انا فى حياتى من بعد موت بابا وماما الله يرحمهم فى الحادثه وانا مقرر انه هاحاول على قد ما اقدر انى اتقى ربنا فى تصرفاتى وكان من ضمنها موضوع البنات واصلا انا مش بحترم البنت البتيجى تكلم ولد وعامله نفسها انه عادى وانهم اصحاب او فاكره انها بتصطاد عريس هيا ناسيه ان نصيبها هيجى لغايه عندها وانا طبعى ما بحبش اصاحب بنات

واضاف بشى من المرح :وانتى عارفه طبعا بما انى واد امور وكد فالعين عليا وبصلها وغمزلها

فبصتله بجديه وقالت: هو انت زعلت انى لما جتلك الاوضه قلتلك نبقى اصحاب ده زعلك

فبصلها بابتسامه وقال: لا طبعا انتى ما تتصور يش سعادتى كانت ازاى انتى مراتى يعنى غير اى وحده غريبه عنى واننا نكون اصحاب دا شى كويس دا انا اصلا كنت بفكر ايه الطريقه الممكن اخليكى تشيلى الكسوف الكنتى فيه وكان كل ما اجى مش بشوفك الا كام ثانيه وتدخلى اوضتك وما تطلعيش منها الا لما امشى .

فردت بابتسامه وهيا باصه فى الارض: خلاص ما يبقاش قلبك اسود كده كمل كلامك يلا وبعدين.

قالها: ماشى مفيش انا كنت قافل حياتى على نفسى اغلب وقتى بذاكر او فى التدر يب وحتى لما بطلع اى فسحه او سفريه بيكون عشانك

فبصتله باستغراب وقالت: يا سلام ازاى بقا.

قالها: كان نفسى اعرف كل الاماكن الحلوه عشان لما الاقى البنت الهتخطفنى من نفسى وتنسينى الدنيا وانا جنبها بعد ما اتجوزها هاخدها والف بيها كل مكان حلو اعرفه او سمعت عنه فى يوم من الايام

فبصتله بانبهار وقالت: مش ممكن معقول يكون فى ولاد بتفكر كده انا مش مصدقه دا انا ماما كانت دايما بتدعيلى بس مش عارفه انها كانت راضيه عليا قوى كده

فتعالت ضحكاته وقال :مش قوى كده بس انا كنت بحوش كل مشاعرى للانسانه الهتكون من نصيبى مش عايز اوزعها يمين وشمال وبعد ما اتجوز الاقى شويه مشاعر متبقيه بس جوايا واكون انا السبب الضيعت الحاجه الحلوه البلحلال دى منى .

فى اللحظه دى بصتله باحترام شديد وحمدت ربنا على نعمته عليا ودعيت ربنا انه يعينى واحافظ عليها وسكتوا شويه .

وسالها ممكن اسال سوال بس تجاوبينى بصراحه ؟ من غير كسوف ؟

فبصت فى الارض واتكسفت من قبل ما يسال

وقالت :اسال ؟

فقال انتى حبيتى قبل كده او اعجبتى بحد معين ؟ فضحكت بصوت عالى وردت بمنتهى السعاده وقالت :طبعا حبيت كتير هو فى حد بيعيش من غير ما يكون ليه حبيب واتنين وتلاته كمان.

فقوقف العربيه فجاه وهو مصدوم ولف عليها بهدوء وفى حاله صدمه واندهاش من الجرائه بالشكل ده والمفروض انها تبقى مكسوفه منه ومن التصرف ده مش مبسوطه بافعالها

وسالها وقال :ويا ترى مين الكنتى بتحبيه ولسه بتحبيه ؟ فردت وقالت: طبعا لسه بحبهم بص يابنى هو فى ناس فى حياتك لما حبهم بيدخل قلبك ما ينفعش يطلع منه كده زى بابا وماما واخواتى واهلى سواء اقارب بابا او ماما واولادهم واصحابى كل دول بحبهم جدا. وبصتله وهيا لسه بنفس الابتسامه

وقالت : ايه بتبصلى كده ليه .

فابتسم وقالها : عارفه انا نفسى فى ايه :

فقالت ببرائه :ايه .

فرد وقال: نفسى اجيبك من شعرك والطش فيكى لما اخلص فيكى كل العملتيه فيا .

فاختفت الابتسامه من على وشها ورفعت حواجبها وردت بتسال ( ليه هو انا عملت ايه.

فرجع ابتسم وقال :نزلتينى سابع ارض ورفعتينى لسابع سما انتى يا بنتى كنتى هتخلينى تجرالى حاجه . بقى بعد كل الحب الحبتهولك وانتى اول واحده تدخل قلبى واتعلق بيها كده تقولى انا ليا حبيب واتنين وتلاته عارفه انا مش عارف اوصفلك ازاى الانتى عملتيه.

وبصلها بنص عين وقال: بس ماشى يا رونى ان ما خلصت كل ده .

فبصتله بتوتر وقالت: بس انا يعنى ما اقصدش ازعلك وا اعمل فيك حاجه من انت قلتها دى .

فضحك عليها وعلى خوفها منه ومسك اديها وباسها وقال :انتى خفتى كده ليه انا بضحك معاكى .

فبصت للارض وقالت: مش انت قلت عايز تجيبنى من شعرى وتضربنى انا ما كنتش متخيله انك ممكن تعمل فيا حاجه كده .

فبصلها وشاف الحزن عليها فمد ايده ورفع وشها وبص فى عنيها وقال: رونى انا كنت بضحك معاكى انا مش ممكن اعمل كده مع اى حد فما بالك بيكى انتى حبيبتى وكل دنيتى وحياتى يعنى ما اقدرش ازعلك او حتى اشوفك زعلانه حتى لو مش منى وبعدين يا رب اموت قبل ما امد ايدى عليكى .

فردت بسرعه وقالت : بعد الشر عليك ما تقولش كده تانى حرام عليك.

فبصلها بسعاده و قال: خايفه عليا .

فسحبت ايدها منه وعدلت قعدتها وبصت فى الارض وسكتت

فابتسم على كسوفها وقال: ربنا يصبرنى عليكى يا رونى.

فردت وهيا باصه فى الارض وقالت: ايه لحقت زهقت منى لو كده روحنى احنا لسه فيها.

فعد ل نفسه وشغل العربيه وقال :اروحك لا يا حبيبتى انسى دا انا ما صدقت ما اخدتك دا انا ليا شهور وسنين باستنى اللحظه التجمعنا وانتى تقولى روحنى انسى يا حبى انسى .

فردت بكسوف من كلامه وقالت: خلاص يبقى ما تشتكيش بعد كده.

فضحك وقال: امرك يا ست البنات.

وقالت يلا ياشهر ريار كمل الحكايه بتاعتى .

فرد وقال: ماشى يارونى .

فبوزت وقالت :ايه مش هتقولى يا شهرزاد .

فهز راسه يمين وشمال وقال : لا طبع انا اعمل ايه بشهرزاد وغيرها وانا معايا رونى مراتى وحبيبتى وبتاعتى انا وبس. انتى يا رونى مالكيش زى .

ففرحت هيا وقالت: وانا باسحب كلامى ومش هاقول غير وليد جوزى وبتاعى انا وبس .

فبصلها وقال :انتى بتقولى ايه ؟

قالت : خلاص بقا انت مش كل حاجه اقولها تكسفنى كده .

فضحك وقال : ربنا يصبرنى عليكى يا رونى .

فقالت : خلاص بقى .

فقال : ماشى بقولك ايه بالنسبه لحاجات الجبناها مش هانكلها ايه انتى مش جعانه .

فقالت : عادى ايه هناكل الوجبات هنا .

قالها : ايه رايك ناكل شويه شيبى تصبيره لغا يه ما نلاقى مكان نقف ناكل فيه الوجبات.

فقالت : ماشى .ومدت ايها وجابت كيش شيبسى وفتحته ومدته ليه.

وقالت : اتفضل . فقال : هاكل ازاى وانا بسوق اكلينى يا عمرى .

فبعدت بارتباك وقالت : ايه لا طبعا ازاى يعنى .

فرد باستعطاف وقال : حرام عليكى جعان قوى اكلينى ولا ذنبى هيبقى فى رقبتك . وبعد تردد ابتدت تاكله وهو مستمتع وكل شويه يبعد رقبته وهيا تقرب عليه عشان تطلوله وهو عامل انه مشغول فى السواقه وكل ما تاكله يحاول شفايفه تلمس صوابعها وعامل انه مش واخد باله من كده.

وهيا اما جابت اخرها من الكسوف والاحراج

قالت :كفايه كده شيبسى انا هاكل ايس كريم تاكل معايا فرد وقال :ازاى ده زمانه ساح .

فقالت بابتسامه :انا اصلا مش باكله غير لما يبقى سايح جربه هيعجبك .

واخدت اتنين ايس كريم وقالت :وقف العربيه انا مش هاكل حد .

فضحك ووقف العربيه وقعدوا ياكلوه ويضحكوا على اشكالهم لغايه لما خلصوه طلع منيل ومسح اديه ووشه وبصلها وقال: عندك شنب جميل اوى عايزالك صوره .

فبصت فى المرايه وقالت : لا بجد.

فشدها وقالها : تعالى امسحولك .

فاتكسفت وقالت :لا انا معايا مناديل شكرا .

فقال : ايه يا رونى انا جوزك عادى يعنى . وشدها ليه لقاها غمضت عنيها بسرعه فابتسم وبدل ما يسمحلها بالمنديل مسح .

لا انا معايا مناديل شكرا .

فقال: ايه يا رونى انا جوزك عادى يعنى .

وشدها ليه لقاها غمضت عنيها بسرعه .فابتسم وبدل ما كان هميسحلها بالمنديل لقى نفسها بيمسحها بشفايفه. وهى كانت هتمسحها ولما شدها ليه اتكسفت وتلقائى غمضت عنيها بس اول ما حست بلمسته حست بكهربه فى كل جسمها وما قدرتش لا تفكر ولا تتحرك ولا حتى تفتح عنيها .

واول ما خلص حط جبهته على جبهتها وغمض عنيه واتنهد ثم ابتسماحلى ابتسامة

وقال :شفتى اخرت الايس كريم بيعمل فى الناس ايه وسكت. وفتح عنيه لقاها لسه مغمضه .

فقال: رونى معلش سامحينى انا والله كنت متفق مع نفسى انى مش هقربلك ولا هاعمل حاجه من كده الا لما تاخدى عليا شويه بس بصراحه انتى لذيذه قوى اكتر مما تخيلتك وكنتى شهيه قوى قدامى مقدرتش امنع نفسى .ما تزعليش منى .

وسكت لقاها لسه مغمضه فبعد عنها شويه وقالها بصوت فيه قلق :رونى انتى فعلا زعلتى؛من فضلك فتحى عنيكى وكلمينى .

وفعلا فتحت عنيها بس عدلت نفسها وبصت فى الارض وما اتكلمتش .

هيا اصلا من ساعه ما شافته وحست انها مرتاحه ليه ولما شافت نظرت الحب فى عنيه اطمنت اكتر بس ما فكرتش انها هتتعامل معاه كده هيا كانت واخده الموضوع اخوه وصحوبيه تحت اطار جديد عليها اسمه الزواج بس لما باسها حست بانها اتكهربت وحست بانها اتلخبطت وان مشاعرها مش عارفه توصفها وفى عز زحمتها وتفكيرها وكسوفها لقيته بيقولها لما حس بشده كسوفها منه :رونى حبيبتى انتى مراتى يعنى عادى يحصل كده بينا واكتر.

هو كان فاكر انه بيطمنها ويهديها بس هو زود كسوفها اكتر وارتبكت وخلاها حطت ايديها على وشها من كتر ما هيا مكسوفه منه .

فابتسم لحركتها الطفوليه وحب يستفزها عشان تطلع من المود الهيا فيه.

فقال :خلاص يا حبى قوليلى تحبى تاكلى تانى ايه.

وفعلا نزلت اديها من على وشها وصرخت فيه.

وقالت :لا. اكل تانى لا. مش هناكل اى حاجه تانى لما تروح كل الانت عايزه.

وهنا هو انفجر تانى ضحك عليها وعلى شكلها

وقال :شفتى اهو خليتك تبصيلى وتكلمينى.

باضحك وغمزلها وقال بس فيه ايس كريم كتير معانا هنسيبه يسيح كده مش هناكله .

وهيا اتكسفت وحمرت خدودها من شدت احراجه ليها وبصت قدام وربعت اديها.

وقالت بصوت مرتبك حاولت انه يبان جدى اتفضل سوق عشان نوصل احنا مش هنفضل اليوم كله هنا .

فابتسم وقال :تحت امرك يا اميره حياتى.وابتدا يسوق.

وقال باسلوب مرح :مش عايزه تعرفى انا شفتك ازاى . فقالت وهى بيتبصله وفرحانه :اه طبعا احكيلى بالتفصيل .وعدلت نفسها وكانت بصاله وحاطه اديها سانده وشها ومبتسمه .

وقالت : انا عارفه انه كان فى فرح بنت عمتى بس عايزه التفاصيل .

فرد وقال بصى يا قمرى :انا اصلا ماليش فى موضوع الافراح والدوشه بحب الهدوء اكتر بس لما حد عزيز عليا من اصحابى بيعزمنى على فرح اومناسبه بروح اقعد شويه صغيرين وامشى .

وابتسم وكمل :بس فى فرح اخت محمد صاحبى ده كان اول فرح اقعد للاخر . كان بالنسبالى نصف ساعه وامشى بس من ساعت ما شفتك نسيت نفسى والدنيا ولقيت مش حاسس بالحوليا الا بيكى وانتى كنتى كل شويه تروحى للعروسه تظبطيها وتنزلى تسلمى على الناس وترحبى بيهم وترجعى للعروسه وتنزلى تروحى للنا س كنت عامله ام العروسه . فبصتله

وقالت: يا سلا م .ليه يعنى دى قربتى وانا بحب قرايبى جدا وبحب اشوفهم فرحانين وده فرحها يعنى لازم تحس ان الكل مهتم بيها ويفرحوها مش هيسبوها كده قاعده وخلاص .

فابتسم وقال :عارفه عجبتنى حنيتك قوى معاها واهتمامك بيها وبالناس انا شفت ان حتى اخواتها ما اهتموش بيها زيك .انا كنت حاسس ان عندك قدره غريبه للاهتمام بكل الحواليكى وعجبنى البسمه العلى وشك ما سابتكيش لحظه فى كل الاوقات ومع كل الناس الكلمتيهم فردت .

وقالت :ما هما كلهم اهلى فلازم ابتسم فى وشهم.

فقال :عارف بس عارفه لما كنتى مع العروسه ولما لقيتى البنات طلعوا وخدوها عشان يرقصوا وانتى نزلتى ومرضتيش ترقصى معاهم فرحت قوى بيكى وعليتى فى نظرى وبعدها روحتى لترابيزه باباكى وعمامك وقعدتى تهزرى معاهم وبيقلولك مبروك وعقبالك ؛وانتى قلتى اعتبروه فرحى يلا بقا باركولى ولفيتى عليهم وسلمتى عليهم وبوستيهم كان نفسى وقتها يبقى ليا حكم عليكى عشان اجى اشدك واقولك ما تبوسيش حد تانى .

فردت باستغراب :ليه ما كلهم بابا وعمامى مافيش غيرهم.

فبصلها بنص عين وقال :طيب ما انا جوزك وانا اولى يلا تعالى بوسينى زيهم وشاور على خده .

فطبعا هيا اتكسفت وعدلت وشها الناحيه التانيه فحب يزيد كسوفها.

وقال :ايه يارونى اشمعنى انا يعنى .

وحب يستعطفها شويه .

فقال :ولا انا يعنى عشان ماليش اهل يبوسونى ويباركولى على العموم ؛ ليا رب اسمه الكريم .

فبصتله بحزن وصعب عليها وقالت :ما تقولش كده انت مش قلت ان انا كل اهلك وعلى العموم مبروك وربنا يسعدك وعلى موضوع انى بستهم هما اهلى وانا عايشه معاهم طول عمرهم وواخده عليهم .

فرد بجديه وقال :عارفه يارونى باتوجع قوى لما احس ان برغم كل حبى ليكى الفتره الفاتت وانك بقيتى كل حاجه ليا ان بحس فى المقابل انى واحد غريب عليكى اول يوم تقربى منه النهارده القلب ده بعيد. انا عارف انه ده الواقع بس ده واجعنى نفسى فى اليوم التبقى بتحبينى زى ما انا باعشقك كده.

هيا لما سمعت كلامه وحست بحزنه فعلا حبت تغير فكرته شويه وتخفف عنه فقالت : هو اينعم احنا النهارده اول يوم نتكلم مباشرمن غير وسيط وبس الحصل النهارده عايز شهور عشان يحصل مع غيرنا .واحنا قربنا لبعض لدرجه كبيره جدا ماكنتش اتوقعها ولا اتوقع انه فى كام ساعه اشوفك واقربلك كده انا حاسه انى اعرفك من وقت طويل حتى تلاقينى عماله اتكلم معاك وكاننا اصحاب من زمان دا انا من وقت ما خبطت عليك الباب وكان فى نيتى اننا نقرب شويه من بعض ونتكلم سوا بس ما كنتش اعرف ان ده كله هيحصل والله انا بقيت بعزك جدا زى اخويا بالظبط .

فبصلها ورفع حواجبه .

وقال :واواصحابيا خبر وكمان اخويا لا والله كتر خيرك اما بالنسبه للايس كريم وكده ده تبع اصحاب ولا اخوكى.

فضربته على كتفه وقالت :بس بقا دا انت غلس كل شويه تقولى ايس كريم ايس كريم مش هخليك تدوق من الباقى مهما اتحايلت عليا .

فابتسم وقال :وانا موافق انا مش عايز ايس كريم انا كفايه عليا امسحه وغمزلها .

فقعدت تضربه على كتفه وبتقوله :كفايه كده بقا اسكت محرجةانت مش بتبطل تكسفنى كده .

فقعد يضحك ومسك اديا بايد وحده وشدها ليه وحط ايده على كتفها ووشها 

كان فى صدره .

وقال: كفايه يا مجنونه مش عارف اسوق وبعدين كده لا قدر الله لو عملنا حدثه مش هنعرف نروح وتستفردى بيا وانا عريس ونبقى انا وانتى والشيطان تالتنا وكده.

فبعدت عنه وهيا مكسوفه وقالت :بطل كلام بقى اسكت عارف انت عايز واحد زى رايا وسكينه هيا الهتعرف تسكتك ؛ ولا ليه ما انا اهه.

وبصتله واتكلمت وهيا شاده على سنانها .

وقالت :دا انا مدوباهم اتنين.

فتصنع الخوف وقال : ايه ده يا وليد انت الجبته لنفسك محدش قالى على موضوع ريا وسكينه ده انتى ناويه تستفردى بيا عشان انا وحدانى وماليش اهل يسالوا عليا. فلقيت فجاه دموعها ملت عنيها وطبطبت على كتفه. وقالت : انا اسفه يا وليد حقك عليا وان شاء الله ربنا يقدرنى واعوضك عن التحرمت منه .وباست كتفه ومسحت عليه وقالت وهيا بتبتسم من بين دموعها :اوعى تشيل هم تانى وانا معاك واعتبرنى كل اهلك وناسك ودنيتك وان شاء الله عمرى ما هاخزلك ولا هازعلك .

ولما بص ولقاها فعلا بتعيط شدهازعلانة و باعيط لحضنه وباس راسه ومسح على ضهرها .

وقال :رونى حبيتى ما تعيطيش انا كويس وراضى بقضاء ربنا ويا حبيبتى انا باعتبر ان ربنا عوضنى بيكى وان بحنانك هتعوضينى كل الدنيا دى وانا مش عايز غيرك من الدنيا دى.

كلامه حسسها بقدايه هو حاطط امل فيها وده خلاها تحس انها مسئوله عنه ورفع راسها ومسح دموعها .

وقالها اوعى تعيطى تانى سامعه حتى لو عشانى . فابتسمت وقالت :حاضر .

فرد وقال :وانا مش عايز اكتر من البسمه دى انام واصحى عليها ربنا يخليكى ليا

فرد وقال :وانا مش عايز اكتر من البسمه دى انام واصحى عليها ربنا يخليكى ليا.احلى ابتسامة

وكمل كلامه وقال وبعدين يعنى انتى حلوه على طول كده زعلانه ولا فرحانه حلوه .

فاتكسفت وقالت عشان تدارى كسوفها :ايه هو عشان انا كتبت عليك هتاخد عليا ولا ايه.

فاستغرب وقال : لا يا شيخه . دا انا كنت فاكر ان انا الكتبت كتابى عليكى طلع العكس .

فقالت :لا طبعا انا الكتبت عليك اصلا انا منشنه عليك من زمان وكنت باعمل كده عشان اضحك عليك اصلا مش فاكر لما شربتك حاجه اصفره وكتبت كتابى عليك .

فاندهش وضحك وقال :هيا وصلت للاصفره يا رونى ؛ وانا كنت فاكر ان انا البجرى وراكى اتاريكى انتى البتضحكى عليا. وضحكوا على بعض .وبصلها وقال :عارفه انا حياتى كانت ليل وانتى الشمس الكنت مستنى انها تيجى تنور حياتى .فضحكت وقلت: ايه ده دا كله ليا بتجرى ورايا انا ؛ انا دا انا هتغر ومش هتعرف تتكلم معايا تانى.

فرد وقال: عارفه لو تعرفى الجوايا ليكى مش هتصدقى .

فابتسمت وقالت يا رب يديمه نعمه ويحفظه من الزوال .

فابتسم وقال : تحبى اكملك الحكايه بتاعتك .

فضحكت وقلت:مش عارفه ليه كل ماتتكلم كلمتين فى حكايتى تدخل فى موضوع تانى وننساها .

بص كمل وانا مش هقاطعك تانى .

فهز راسه لفوق وتحت كانه بيقول موافق.

وقالى :هو مش كتير يعنى بصراحه انا اصلا من ساعت ما عينى وقعت عليكى وانتى ما بعتيش عنها لغايه لما خلص الفرح بقيت باحفظ كل حركاتك وضحكتك والناس الكلمتيهم بصراحه من غير زعل فصصتك حته حته ؛ لغايه لما روحتى بيت عمتك واول ما شفت ابن عمتك سالته عنك ؛ وهو استغرب انى بسال على بنت والفضول جاله ووقف معايا لغايه لما جات لحظه الحوالينا مش واخدين بالهم من البقوله فميلت عليه ووصفتك ليه فضحك .

وقالى : انت بتوصفها ولا بترسمها .

فادايقت منه بس طبعا مش هينفع اتخانق معاه الا لما اعرف انتى مين وفعلا اول ما شافك جه جرى وكان مبسوط .

وقالى انك بنت خاله وانك اكتر بنت محبوبه فى العيله وكلهم بيعتبروكى اختهم وقعد يقررنى ويسال فيا بس انا الكنت غايز اعرف كل حاجه عنك .

ولما ادايقت منه قمت وقلت انا ماشى ؛ بس طبعا ما كنتش هامشى واحرم نفسى منك .

وعشان يصالحنى اشترطت عليه انه يحكيلى كل حاجه عنك حتى لو كانت حاجه صغيره مهما ان كانت وفضل اغلب الفرح جنبى يكلمنى عنك وانا مش قادر ابعد عنيا عنك واتفقت ان تانى يوم هاجى واخليه يعرفنى على باباكى وهو اتفاجى من السرعه بتاعتى بعد ما كنت مش بطيق البنات . المهم تانى يوم فعلا رحت وفى نيتى اخطبك .

بس اتفاجئت بابن عمتك بيقولى ان فى واحده كانت امبارح عايزه تخطبك لا بنها فى الفرح وباباكى رفض ؛

وقال انك لسه صغيره .

فقالى انه مش قدامى غير استنى شويه واتقدم لو انا عايزك انتى بالذات مش اى بنت عجبتنى وخلاص .

بس لما اتاكد انى متمسك بيكى اتفقت معاه دايما يجيبلى اخبارك وكان نفسى يدينى صوره ليكى من عندهم بس هو رفض بشكل قاطعى .

بس وعدنى انه كل شويه هيجس نبض البيت عندكم ولما يجى الوقت المناسب يبلغنى .

بس فضلت سنتين وكل فتره يقولى حد اتقدم وباباكى رافض او كل ما يجرجره بالكلام يلاقيه لسه رافض وطبعا الفتره دى كنت عايش على اعصابى وربنا يعلم بحالى لو عرفت ان حد شافك واعجب بيكى او حد اتقدملك كنت بتجنن ومش بيصيرنى غير ابن عمتك.

لغايه المره القبل كتب الكتاب انا عرفت انه هيجى فى شغل هنا واتجننت وحسيت مش هينفع استنى تانى لازم اكلمه باى شكل مهما حصل واتفقت مع ابن عمتك بعد ما ياس منى .

وجيت وكنت يا قاتل يا مقتول ؛ باى شكل لازم تبقى ليا .

المهم عرفنى عليه والحمد لله واتكلمنا واقتنع ؛

بس المشكله كانت انه قالى: انك مش بتحبى الكوره وده ممكن يخليكى ترفضى .

وانا قلت: لو رفضت هاسيب الكوره وهاعمل مشروع او شركه خاصه بيا .

فضحك عليا وقالى :طيب هيا ممكن ترفض كتب الكتاب كده على طول .

بس انا قلت : لو رفضت اسمحلى اكلمها لو مره فى التلفون وان شاء الله اقنعها . ولو ما اقتنعتيش كنت هاجيلك اتكلم معاكى مره واتنين وعشره لغايه ما تزهقى وتوافقى .

عارفه يا رونى كان نفسى اول مره اكلمك اشوفك وتشوفينى واكلمك وانا ببصلك بس كان استعجالى انك تبقى ليا وخوفى من بعدك اكبر من كده . فقلت اكتب الكتاب واقعد اتكلم براحتى معاكى .

بس للاسف ( وضحك بسخريه ) اتارى مكالمه التلفون ارحم من الحصلى بعد كتب الكتاب .

فردت وقالت :انا بقى باعتبر اول مره اشوفك واعرف النهارده لا وكمان نتجوز شفت عصر السرعه اشوفك واعرفك واتجوزك فى يو م واحد.

فابتسم وقالى :قولى انتى بقا ازاى الجرائه جاتلك بعد كل العملاه فيا ؛وتخبطى الباب عليا انا كدبت ودانى اول ما سمعت اسمك .

فضحكت باضحكوقلت: لو تعرف انا من امبارح وبشجع نفسى عشان اخبط عليك ؛وكان عندى فضول اشوفك بصراحه المرتين القبل كده ما عرفتش غير شكل الجزمه بتاعتك بس ما كنتش متجراه ابصلك .

بس اتفقت بينى وبين نفسى انى اتعمل معاك زى اخويا او قريبى او صاحبتى بس على ولد يعنى اعتبرك كحد ارتاحله وقلت لنفسى احنا مكتوب كتابنا يعنى عادى ممكن اكلمك .

فابتسم وقال طيب هو بعد الايس كريم وما بعد الايس كريم والحصل يعنى ينفع نكون اخوات وكده ولا ايه.

فضربته فى كتفه وقلت : كفايه بقى يا اخى مش عارفه ليه بتحب تكسفنى كده .

فابتسم وقال ك اعمل ايه مش انتى الكنتى مغمضه افهم ايه انا يعنى غير انك عايزه كده .

فبصتله بزهول وقلت :لا مش معقولانت فكرت كده والله ما اقصدش كده دا انا كنت مكسزفه من انك تمسحلى بمنديل واكون قريبه منك كده فغصب عنى لقيتنى بغمض عنيا .

فضحك وقال : حتى لو عايزه كده عادى انا جوزك ومن حقك كده واكتر .

فضربته تانى على كتفه وقلت :انت قليل الدب على فكره .

ما تتكلمش خالص تانى ورجعنى لبابا انا غلطانه انى وافقت اجى معاك .

( وكنت مكسوفه جدا)

فضحك وقال :فى واحده فى ليله فرحها تضرب عريسها كل شويه فى كتفه وتقوله روحنى .

فردت بغيظ وقلت : فرحنا هو فين ده .بص شريرةبقى انت جبته لنفسك انا مش هادخل الشقه الا بفستان الفرح اتصرف بقا . فبصلها باستغراب واتكلم بجديه :وقال ازاى كده .

احنا قربنا نوصل القاهره والفستان البنات بتلف عليه كذا يوم واحنا مش حاجزين قاعه ولا مجهزين حاجه .

اما انا عجبتنى الفكره وصممت عليها وقعدت تفكر فى حل .

وقلت : انا مش بقول نعمل فرح لانه عارفه عايز تجهيزات بفتره كبيره قبلها انا بقول فستان .

طيب بص هو مين فى اصحابك قريب منك قوى؟

فقال: خالد ومحمد .

فسالت ومين فيهم متجوز ؟

فقال :خالد فقالل هو عنده اولاد .

فاستغرب اسالتها بس عايز يشوف الاخر فقال لا اصلا هو متجوز قريب .

فقالت: تمام كده . اتصل بيه وقوله اننا قربنا نوصل القاهره وانت تخليه ينزل يحجزلى فورا فى بيوتى سنتر الراحت فيه عروسته او حد قريب من شقتنا مثلا او خلى مراته هيا التحجز ؛

ولو قالوا مش هينفع ترفع السعر شويه هيوافقوا ؛

والفستان اغلب البيوتى سنتر بيبقى تبعهم اتليه او قريب منهم واحد وانا ان شاء الله مش هحيرك فيه .

فبصلها وقال : وبعدين ايه الهيحصل .

فقلت :انت هتودينى وهتبقى مرات خالد هناك وهتسيبونا وتروحوا تاخد دش وتلبس بدله شيك وتيجى لما نخلص تاخدنا نتصور ونلف بالعربيه شويه على الكورنيش لو فى وقت ونروح .

ويبقى كده اقدر ابعت الصور لاهلى واقولهم انك عملت الفرح مفاجاه ليا على الديق وخلاص وهما يخلوا قرايبى واصحابى يشوف الصور ويتاكدوا انى عملت فرح وانا يبقى عندى صور حلوه لفرحى كذكرى .

ايه رايك فسكت شويه يفكر وبعدها مسك التليفون وكلم خالد وقاله على الفكره المجنونه .

ففرح وقاله ماشى وكلم مراته وفرحتلنا واتصلوا حجزوا وراحت تلبس وتنزل تختارلى احلى الفساتين فى البيوتى سنتر وتجهزلى مشتملاتهم .

وبعد خمس دقايق اتصل خالد بيسال وبيقول ان مراته بتساله انا مقاسى كام عشان تشتريلى صندل . فضحكت وقلت :لا انا معايا واحد فى شنطتى .

وفعلا اتنفذت الخطه وكان وليد فرحان بعد ما كان قلقان .

وودانى البيوتى سنتر وروح جهز ولبس . وكنت واثقه انه هيبقى زى القمر بس حاولت ابين انى ما اخدتش بالى من شياكته معجبةولا طعامته معجبةولا اى حاجه خالص معجبةههههههههههاحلى ابتسامة .واول ما خرجت وقف بصلى شويه .

وقالى :نعم .

فقلت: نعم الله عليك مالك فيه ايه ؟

قالى : ما فيش . مستنى عروستى .

فقلت :والله طيب تخرجلك بالسلامه ؛ عن اذنك انا بقى .

وجيت امشى فقالى :على فين ؟

فقلت :عادى لقيتك مش فاضى ؛ فقلت اروح ادور على عريس غيرك .

فضحك وقالى :وليه دا الاقربون اولى بالمعروف .

فقلت :خلاص زى بعضه انتى اولى من الغريب .

وقعدنا نضحك على نفسنا .

فقال: بس ايه يا بت الحلاوه دى دا انتى طلعتى قمرين مش قمر واحد ؟

فقلت :باستنكار بت ؟ حد يقول لعروسته يوم فرحهم يا بنت ؟

فضحك وقالى طيب ايه الحلاوه دى يا مزه .

فقربت منه وجزيت على سنانى وقلت : هو انا قلتلك قبل كده انك قليل الادب ؟

فهز راسه بالايجاب وهو مش قادر يبطل ضحك .

فقلت طيب اعتبر انى قلتها تانى .

فميل عليا وقال . تعالى نركب العربيه عشان الناس عماله تبص علينا . واحنا مش هنبات هنا .

فرسمت هاديه وبصيت على الحوالينا لقيت الناس عماله تبص علينا وخالد ومراته بيضحكوا لما دمعوا .

فوطيت صوتى وقلت يلا افتح باب العربيه عشان اركب وعيش اللحظه .

وهنا لقيت كل الحاول يتماسك بيها راح وانفجر فى الضحكباضحك باضحكوميل على العربيه وايده على بطنه وعمال يضحك .

فاتكسفت من الناس وضربت كتفه وقلت :كفايه كده فضحتنا يلا عشان نمشى .

وهو عمال يضحك .

فقلت : احنا مالنا ومال الافراح والجواز ما كنا روحنا على طول عاجبك الفضايح دىانا متنرفزة .

وبرضوا فطسان من الضحكباضحكباضحك .

فقلت طيب ادينى العنوان وانا اروح ولما تخلص ضحك تعالى ورانا .

وهو يضحك باضحك باضحكوكل ما اتكلم يضحك اكترباضحك باضحك وخالد ومراته سخسخوا خالص .

بصراحه اتكسفت قوى وان الناس كلها بتتفرج علينا واتغظت منه .

وقلت : بابتسامه كلها غيط طيب يا وليد لما نرح ان ما علقتك من صرصور ودنك وحطيت السيخ المحمى جواها ابقى اتكلم .وهو كانه واخد برشام الزغزغه

مش بيعمل غير الدحك وعنيه كلها دموع .

فقلت :طيب انا هارجع ادخل البيوتى سنتر تانى وانت لما تخلص الزغزغه الانت فيها ابقى كلمنى .

وكنت هامشى ؛لقيته مسك ايدى وفتح باب العربيه وهو برضوا بيضحك

وركب هو جنبى وخالد ومراته قدام . وكل ما واحد فيه يوقف ضحك التانى يفكره .

وكان نفسى امسكهم كل واحد منهم الطش فيه لما يقول كفايه بس فضلت اسكت عشان خدت بالى ان كلامى بيزغزغهم .ولما خلصوا ضحك حرك خالد العربيه من غير ما يتكلم بس كل شويه يتزغزغ لوحده ويضحك وطبعا هما يردوا الزغزغه قصدى الضحك ويضحكوا .

المهم وصلنا على الاستوديوا وهيا كانت ناقصه قلت ادب يعنى صور مش عارفه اقول ايه استغفر الله العظيم شويه حط ايدك وشويه حط رجلك وشويه ميل عليها ووليد سايق الاستعباط وعاجبه الوضع والزاد وغطى عايزينه يبوسنى قدامهم فانا رفضت رفض قاطع واتفقنا انه هيبوسنى على دماغى ولما قرب منى طبعا غمضت عينى تلقائى واتفاجئت انه باسنى زى المصور ما قال ولما حسيت بالبيحصل وفتحت عينى كنا اتصورنا وبعدت عنه وهو كمل وصلت الضحكوانا قعدت اضرب فيه واقوله انت قليل الادب وايز تتربى وانا هوريك. وهو بس يضحك وكتفنى وخدنى فى حضنه والمصور ما صدق وخد لقطه كده لينا .

وهو كمان يضحك ويقول ما فيش احلى من الطبيعى .

وانا اتغظت منهم وقلت ماشى ياوليد زعلت منك . واديته ضهرى وفعلا ادايقت منهم انا شفت المصور بيغمزله بس قلت ممكن تكون حاجه عاديه او بيظبط وضع ما كنتش عرف انهم بيظبطونى هههههه.

وهو باس دماغى وقالى خلاص ما تزعليش غصب عنى والله انتى دمك زى العسل ما كنتش اتوقع ان ليله فرحى تبقى كده خالص .

فقلت :لا فرح ايه البتتكلم عليه دى مسرحيه اعادل امام مش فرحنا .

فضحك عليا خلاص يا رونى ما تزعليش انا عارف اننا زودناها بس غصب عننا والله .

فابتسمت وقلت طيب يلا هنروح على طول.

فقالى مش هنلف بالعربيه .

فقلت لا كفايه عليك ضحك النهارده ابقى نكمل فى يوم تانى .

فضحك وقالى فعلا والله دا ضحك سنه قدام ؛ ربنا يخليكى ليا .

وركبنا العربيه وخالد اشترالنا عشا من مطعم عشان كان عايز يعزمنا .

فوليد قاله اننا تعبنا وعايزين نروح ولما وصلناعند العماره

لقينا مفاجاه ان محمد جاب فرقه زفه استقبلتنا قدام العماره وفضلوا يرقصوا بارقصبارقصبارقصلغايه لما تعبنا خالص .

وودعناهم وطلعنا وحط العشا على السفره طبعا كان طلع الشنط لما جه اول مره مع خالد وقعدنى شويه فى الصالون نرتاح .ووقفت فجاه وقلتله 

وكان وليد فرحان بعد ما كان قلقان .

والمفاجاه ان محمد جاب فرقه زفه استقبلتنا قدام العماره وفضلوا يرقصوا مع بعض لغايه لما تعبنا خالص وودعناهم وطلعنا. وحط العشا على السفره.

طبعا كان طلع الشنط لما جه اول مره مع خالد ؛

وقعدنى شويه فى الصالون نرتاح..

ووقفت فجاه وقلتله : يلا بقى كفايه كده اتكلمنا كتير وضحكنا كتير ولعبنا كتير كفايه كده .

واتفضل قوم قدامى على جوه .لقيته رفع حواجبه الاتنين وتنح وما نطقش .

فقلت برجاء :يلا والله تعبت وعايزه اغير هدومى تعالى ساعدنى .

فحسيت انه زاد استغراب .

وقال: انتى بتتكلمى جد عايزانى اجى اساعدك .

فهزيت راسى لفوق وتحت يعنى بالموافقه .

وقلت: معلش اصلهم حطوا علبت دبابيس كامله فى الطرحه عشان تسبت ومش هاعرف افكهم لوحدى .بصلى شويه وقالى :يلا .

فخرجنا من الصالون ومشينا فى طرقه طويله ما شاء الله الشقه كبيره قوى خمس اوض فشوفت اوضه نوم جميله وقلت :ماشاء الله دى حلوة قوى زوقك حلو .

فابتسم وقال طبعا والدليل انى اختارتك؛

بعد ما اشتريتها شوفت اوضه نوم تانيه حسيت انها محتاجه اميره تكون فيها مش اى حد فاشتريتها هيا كمان وقلت اكيد هتعجبك .

ومسك ايدى وخدنى بره وودانى للاوضه التانيه فعلا كانت رائعه مش جميله بس وما ينفعش عليها اى اسم غير اوضه الاميرات كانت منتهى الذوق والشياكه والاناقه وكل حاجه حلوه .

فكنت مش قادره اتكلم من جمالها وبلف حواليا وحاسه انى دخلت قصه وانا دلوقت فى اوضه الاميره بتاعت القصر. فابتسم وقالى :ايه رايك ؟

فبصتله وقلت :جميله جدا ورائعه معقول احنا عندنا حد يعرف يعمل الجمال ده كله .

اكيد تمنها غالى اوى اوى .

فابتسم وقالى:الغالى يرخصلك يا ست العرايس .

وقرب منى وقعد يشيل الدبابيس من الطرحه .

وقال : ايه ده دا فعلا حطوا علبه دبابيس كامله ايه كل الدبابيس دى؟

فكلمته وانا ببصله فى المرايه

وقلت :طبعا انت فاكر كنت بضحك عليك .

فقال : ما كنتش متوقع كل ده انا كنت فاكر زودوا العدد بس مش العلبه كلها وليه كل ده ؟

فابتسمت وقلت :عشان ما تقعش واتحرك براحتى وما ابقاش قلقانه .

وبعد ما خلص فتحلى جزء صغير من السسته .

ولفيت عليه بسرعه .وقلت:مرسى جدا والله تعبتك معايا يلا بقا عشان تلحق تغير هدومك .

فتنح وقال :انتى مش كنتى عايزانى اغيرلك فضحكت وقلت :لا طبعا انا كنت عايزه تفك الدبابيس من الطرحه والحمد لله فكيتهم والسسته كانوا عاملين الجزء الفوق بطريقه معينه عشان ما يتفكش الفستان والحمد لله شلت العقده العاملينه .

اما انا فهاعرف اغير لوحدى وشكرا واتفضل بقا عشان تلحق تغير انت كمان عشان ما تتاخرش اكتر من كده .فقالى: ايه رايك افضل معاكى يمكن يكون فى عقده هنا او هنا نسياهم .

فابتسمت بخجل وبصيت فى الارض وقلت: شكرا يلا بقى مع السلامه .

فخرج وهو عند الباب عدل وشه وقالى :هاخرج يا رونى ؟ فقلت: اتفضل .

قالى: هاتندمى؟

فابتسمت وقلت لا ان شاء الله مش هندم .

فقالى : لن انسى لكى هذا الموقف .

فضحكت عليه وقفلت الباب .

وفتحت شنطتى وخرجت بجامه كان نفسى البسها قوى من ساعت ما ماما اشتريتها فى جهازى كانت 3 قطع جاكت نص كم وبدى بحماله واحده وبنطلون براموده. ولبستها وبصيت فى المرايه حسيت انى شبه العرايس البشوفهم فى الافراح فرحت قوى بيها .

وبصيت لسرير الاميرات وقلت : ودلوقت الدور عليك .

ونطيت عليه وكان طرى وناعم .

وجو الاوضه مع التعب يشجع على النوم العميق وطبعا انا ما صدقت وكنت فى سابع نومه .

وما حستش بحاجه الا الصبح وبتلعب فى بطنى كاطراف اصابع او زغزغه مش عارفه .

فتحت عنيا بالراحه ولقيت واحد مدينى ضهروا ووشه على بطنى .

وبسرعه ضربته بركبتى فى وشه واول ما بعد عنى قمت فى ثانيه كنت عند الدولاب .

وببص لمين الولد العنده الجرائه يدخل اوضتى وانا نايمه وعمل كده .

ولقيته هو بتاع امبارح وليد .وهو ماسك وشه ومنحنى ضهره فى وضع الركوع وبيصرخ وايده على وشه .

وبعدها بصلى بغيظ وقالى :حد يعمل كده .

هيا دى صباح الخير يا رونى .

فرديت بعصبيه وقلت: انت ازاى جيت هنا وكنت بتعمل ايه وانا نايمه .

فبصلى بنص عين وقال : كنت نايم معاكى .

وصحيت عشان التدريب وقلت اصحيكى عشان تيجى معايا بس كنتى نايمه بعمق .

قعدت جنبك اتاملك وفرحان بيكى وانتى معايا .

وانا بتاملك لقيت بطنك البلوزه مرفوعه شويه وشفت الحسنه الجنب سرتك كانت جميله قوى فميلت عليها ابوسها .

وانتى ماشاء الله عشان بوسه تضربينى ضربه زى دى حرام عليكى يا رونى واحنا لسه عرسان وحتى لسه ما دخلناش وانتى بتعملى فيا كده .

فبصتله بمنتهى الضيق والغضب وقلت:ومين سمحلك تنام جنبى اصلا .

هو عشان بقيت مراتك خلاص ؛تنام جنبى مش فيه اوضه تانيه تنام فيها .

ومين قلك تبص عليا واصلا هيا البلوزه الترفعت وانا محستش بيها .

وبعدين ايه المدخلناش امال الحصل امبارح كان ايه .؟ فلقيته برق واتصدم وسال بجديه وقال :هو ايه الحصل امبارح يا رونى ؟

فقلت بنفاذ صبر : هو بعد الزفه مش دخلنا شقتنا؛ يبقى دخلنا ولا لا ودخلنا اوضه الصالون يبقى دخلنا ولا لا ودخلنا اوض النوم سواء دى او التانيه يبقى دخلنا ولا لا غير انا دخلت فى الفستان لما لبسته فى البيوتى سنتر احسب انت كام دخله دخلناهم وانت جاى تقول ما دخلناش ؟ فبصلى شويه وبيدقق فيا وقالى :رونى انتى فاهمه انتى بتقولى ايه .

هيا الدخله انك تدخلى الشقه والاوض وتدخلى فى الفستان ؟

فقلت بمنتهى الغيظ : لا طبعا اى واحده فيهم تكفى يعنى الناس الفقرا العندهم مثلا اوضه مش شقه او بيت او العندهم خيمه اى حاجه هيدخلوا فيها هتبقى دخله المهم بعد الفرح او على الاقل الناس تبقا عارفه انهم دول دلوقت متجوزين .

فقعد على السرير وبصلى شويه وقال : رونى انتى بتتكلمى جد ولا مكسوفه منى معقول انتى عندك 20 سنه.

وبتقولى كده مش ممكن ؟

فعقدت حواجبى وقلت : وهو ايه فى الانا قلت غلط ولا هو ايه اليكسف فى الموضوع عشان اتكسف منك فيه ؟ فسكت شويه وغمض عنيه واخد نفس واتنهد بصوت عالى وابتسم وهو لسه مغمض .

وفتح عنيه وقال :عشان كده كنتى بتتكلمى بقلب جامد وتعال ساعدنى اغير ؛وفكلى الطرحه اتاريكى من بتوع الميعرفوش الفرخه بتبيض ازاى .

وانا الكنت مستغرب الجرائه الكنتى فيها اتاريكى لسه طفله من بتوع الفرخه .

فدبيت رجلى فى الارض انا باغليوقلت :ما تقلش الكلمه دى تانى بتستفزنى قوى اصحابى احيانا بيبقوا يتكلموا واسالهم وانا مش فاهمه كلامهم .باضحكباضحكفيضحكوا عليا ويقلولى انتى لسه طفله لما تكبرى .

فلو سمحت ما تقولهاش تانى لانى بجد هازعل منك.

فابتسم وقال ما تزعليش كله بيعدى وبكره تكبرى زيهم . فقبل ما ارد لقيته بيضحك عليا وبيشاور عليا ومش قادر يمسك نفسه فاضايقت منه.

وقلت: لو سمحت اطلع بره .

فحاول يتماسك شويه .

وقالى : هو عشان تدارى الجزء المنتحت عشان ما اشوفش بطنك تشدى البلوزه كده وتظهرى الجزء الفوق . فبصيت لنفسى وخدت بالى انى من ساعت ما قمت من على السرير وانا شاده البلوزه على بطنى بالشكل ده. فاتكسفت ولفيت واديته ضهرى وحطيت ايدى على وشى وكنت مش قادره ابصله .

فقام وحضنى وباس دماغى وقالى خلاص يا حبيبتىدا انا جوزك عادى .

فضربته على صدره وقلت خلاص اسكت .

فكمل ضحك .

وقال عارفه انا كنت عامل حسابى انك هتاخدى وقت عشان تتعودى عليا وكده بس ما كنتش عارف ان المعلومات ميح خالص .

كده دا احنا معانا ربنا .

فبصتله بعدم فهم وقلت :معلومات ايه الميح ؟

هو ايه الانا مش عارفاه ؟.

فضحك وقال لما تكبرى هتعرفى .

فضربته كذا مره على صدره وصرخت فيه بغيظ .

وقلت :اطلع بره مش عايزه اشوفك وانا كبيره ومش عايزه اعرف حاجه من اى حد اطلع يلا.

وهو عمال يضحك .

فضحك وقال لما تكبرى هتعرفى .

فضربته كذا مره على صدره .وصرخت فيه بغيظ .

وقلت: اطلع بره مش عايزه اشوفك وانا كبيره ومش عايزه اعرف حاجه من حد. . .اطلع يلا.

وهو عمال يضحك ومش قادر يوقف ضحك .

ولقيت عنيا دمعت وبصيت للناحيه التا نيه .

وهو بطل ضحك ولفنى ليه .

وقال: ليه الدموع والله باضحك معاكى يا رونى .

فقلت عارف لما اصحابى بيقولوا كده وبيحسسونى انى طفله وصغيره قصتى الاولى. حب العمــر <. قصه كامله >عرفته..واحببته ..وتزوجته ..فى يوم واحد..بحس ان فيا حاجه اقل منهم او ان فهمى قليل مع ان والله ياوليد كل الناس بتقولى انى زكيه بس فى بعض الحوارات وخاصه عن موضوع الجواز والرجاله مش ببقى فاهمه قصدهم .

وحطت اديها على وشها وابتدت تعيط . فصعبت عليه فخدها فى حضنه وطبطب عليها .

وقالها والله يا رونى انتى ما عندكيش نقص ولا اى حاجه وحتى عشان اثبتلك والله انا كنت ناوى لما اخرج من عندك هروح اصلى ركعتين شكر لله ان ربنا كرمنى بوحده زيك طيبه وبريئه وانك الحمد لله جميله من جوه وبره كمان وبالعكس ان زمايلك دلول ممكن يكونوا بيغيروا منك مش احسن منك .

فبصتله وهيا مش مصدقه وقالت : هيغيروا منى ليه ؟ ؟فابتسم وقال: لانهم ماعندهمش الطيبه الجواكى ؛احنا قربنا من بعض من امبارح . اينعم انا دايما بخلى ابن عمتك يكلمنى عنك وياما حكالى مواقف عنك وكنت عارف انه فيكى صفات جميله كتير .

بس ما كنتش اعرف انك طيبه قوى كده وبريئه للدرجادى انا بشكر ربنا عليكى قوى وبحمده انك من نصيبى نادر لو لقينا فى زمانه ده واحده زيك.

بجد يا رونى انتى تستحقى قد الحب الحبتهولك الف مره . ومش هيكفوا حقك وربنا يقدرنى واعرف احافظ عليكى وما اكونش سبب زعلك ابدا .

فابتسمت وقالت :.شكرا . بس انا ما استاهلش الانت قولته ده كله .

فباس دماغها وقال :انتى اجمل جوهره قابلتها فى حياتى ؛وهقعد احمد ربنا عليكى طول عمرى .

وبعدها عنه شويه وقال: باسلوب مرح بس ده ما يمنعش انك ضحكتى عليا برضوا .

فبصتله باستغراب وقالت: ليه انا عملت ايه ؟

فرد وقال : انا عارف انك بتصلى الفجر حاضر واتكلت انك هتصحينى واحنا الاتنين ما صلناش حاضر ينفع كده .

فبصت على البلكونه بتلقائيه وهيا مدايقه واستغفرت ربنا وقالت: والله ما حستش خالص ربنا يسامحنا انا هاروح اتوضا واصلى دلوقت وربنا يسامحنى .

فقال :طيب ممكن كمان تلبسى بسرعه عشان ما نتاخرش على النادى.

فبصتله وقالت : ليه هو انا هاروح معاك .

فبصلها برجاء وقال؛ معلش يا رونى تعالى معايا غصب عنى مش قادر ابعد عنك خالص لو ده مش هيضايقك .

فردت بسعاده وقالت :لا والله دا انا هبقى مبسوطه جدا جدا :وانا عارفه ان السبب الحقيقى انك عايزنى عشان تتمنظر على اصحابك بالبنت الزى العسل المعاك ؛

بس زى بعضوا هديك الفرصه دى وهخليك تعيش الدور .وقطعت كلامها لما حست انه شالها من على الارض ولف بيها وهيا ماسك فيه وخايفه تقع .

وتقوله : خلاص نزلنى باضحك معاك .

ونزلها على السرير .

وقالها :يعنى اعمل فيكى ايه وانتى زى العسل كده وعايز اكلك اكل .

فتصنعت الخوف واتحركت لورا وقالت انت ايه حكايتك مع ان عايز تاكلنى انت متجوزنى وجايبنى لاخر الدنيا عشان تستفرد بيا وتاكلنى لا يا عم مش لاعبه روحنى لبابا. فمسكها من كتفها وشدها قدامه للحمام .

وقال: خلاص توبه مش هاكلك بس ما تقوليش تانى روحنى .ماشى .

فابتسمت .وقالت : ما تخفش انا على قلبك وهتلاقينى حتى لو طرتنى مش هامشى انت خلاص بقيت ابنى وصاحبى واخويا قبل ما تكون جوزى .

فمسك ايدها وباسها وقالها ربنا يخليكى ليا .

فقالت يلا انتى كمان البس وانا مش باخد وقت بالبس عشان انت عارف مش بحط ميكب وانا خارجه فمش هاتاخر .

فقالها ماشى وان شاء الله هنفطر هناك عشان ما نتاخرش .

فابتسمت وقالت ما فيش مشكله .

واخدت شور سريع واتوضت ولبست لبس خروج وصلت وخرجت .

وقالت :باسلوب مرحبرافو برافوايه النت لابسه ده دا انت كده هتتخطف منى مش هينفع نمشى سوا كده .

فابتسم وباس دماغها وقال والله انا الخايف يحسدونى عليكى وحط ايده على دماغها وقرا ايه الكرسى والمعوذتين وشويه ادعيه ومسك ايدها باسها ولف ايده على كتفها وخدها وخرج .

ونزلوا ركبوا العربيه وطول الطريق ماسك ايدها وكل شويه يبصلها ويبتسم ويدعى ربنا انه يحفظهاله ويديمها نعمه ونور على حياته .

واول ما وصلوا النادى اتلم الناس يباركوله .

وقالها :انا واثق ان محمد كتب خبر جوازى فى مجلت الحائط النهارده .

واكيد جه بدرى ولف على النادى كله يقولهم عشان كده شايفه الكل عارف .

فابتسمت وقالت :ماشاء الله واضح انهم بيحبوك قوى: وواضح انهم مش مجرد بيسلموا او يبارك دى مشاعرهم من قلبهم .

وبص لقى محمد وخالد وشويه زمايلهم جايين يباركولهم. ومحمد جايب كاميره يصورهم .

وهيا عشان مش بتسلم على اولاد فكانت اغلب الوقت (مانكجاه ) يعنى لافه ايدها من تحت ايده وايدها التانيه حطاها فوق ايده وهو كان بيسلم بايده التانيه ولما يحضن حد يبعدها عنه شويه صغيرين ولسه برضوا ماسك ايديها وكانت بتحيي الناس براسها او بابتساه او بترد عليهم بالله يبارك فيكم .ربنا يسعدكم .وكده .

لغايه لما جه يصورهم محمد فهيا بعدت شويه لورا فمحمد افتكر انها مكسوفه.

فراح بسرعه وقال :وهو رايحلها انتى مكسوفه مننا انتى بقيتى واحده مننا .

ولسه هيمسك ايدها ويشدها تقف معاهم فى الصوره فهيا رجعت خطوتين لورا .

وقالت :نقاش حاداحنا هنهزر ولا ايه خليك مكانك ما تقربش ..و

انا مومنه ان كل حاجه رزق ؛وانا عارفه ان رزقى هيجى لغايه عندى .

فمتشلش همى .ولو سمحت مش عشان ابقى مبسوطه تيجى على نفسك وانا البقولك كده .

ووقف وشبك ايده فى ايدى ورحنات المسجد صلينا الظهر.

وقلنا خلاص هنروح .

وقبل ما نخرج من النادى فجاه من تحت الارض لقيت واحده اترمت على وليد وحضنتوا جامد .

وبتقوله وليد وحشتنى شهر كامل ما شفتكش صدقنى لسه راجعه من السفر امبارح بالليل .

وقلت لازم الصبح اجى النادى عشان اشوفك بجد وحشتنى موت .

انا بقا سبت ايده ووقفت اتابع المشهد الرومانسى وخاصه انها لافه ايديها حوالين رقبته وعماله تتكلم .

وهو اول ما استوعب الوضع شدها بسرعه وبعدها عنه وزعقلها .

وقلها :لو سمحتى يا انسه سهى ما يصحش كده ابدا عيب بنت زيك تعمل كده مع ولد مش جوزها عيب انتى بنت ناس محترمين .

فقالت بدلع: ايه يا لودى احنا مش فى حكم المخطوبين .

فاستغربت جدا وحلفت على ليله مطينه بطين ومهببه هتكون النهارده على دماغه بس مستنيه اشوف المشهد هيوصل لفين والحساب يجمع .

اما هو فرجع خطوتين لورا وقال: ايه الانتى قلتيه ده مين قال الكلام الفارغ ده .

فردت باستنكار وقالت :ايه يا لودى هو احنا مش بنحب بعض وكل النادى عارف .

فقالها :ايه بنحب بعض دى والكل عارف .

ايه البلاوى دى وايه لودى دى ؛

هو انتى فكرانى وحده صحبتك . ده ايه القرف ده.

اولا اسمى كابتن وليد والكلام ده ليكى ولكل البنات الفى النادى .

(وهو قال كده عشان كانت جايه ومعاها صحباتها ).

ثانيا : انا لا عمرى وعدتك بحاجه ولا اصلا فكرت فى الجواز منك او من اى وحده فى النادى ولا وقفت اتكلمت مع واحده الا لو جات تكلمنى هيا او تسال على حاجه والموضوع ده مش بياخد دقيقتين او تلاته .

وده ذوقيا منى مش اكتر عشان ما احرجهاش قدام البنات مع انى مش بحترم اى بنت تيجى تقف عشان تكلمنى او تهزر معايا او مع غيرى .

وياريت كل واحده تتلم وتحترم البيت الهيا خارجه منه . ومسك ايدى وقال :عن اذنكم .

واول ما مشى خطوتين صرخت وقالت : هيا دى الفلاحه الرحت جبتها من البلد عشان تتجوزها ؛

هيا دى الهتشرف وليد الجاسر وتقف وراه فى الحفلات والمجتمع الراقى يا كابتن .

فبصلها باستخفاف وقال :ايوه بالظبط دى الهتشرفنى بدليل انى جبتها قدام الكل وقلت دى مراتى.

دى الهتصونى ؛ دى الهحافظ عليا ؛ دى الانام وانا واثق انها بتتقى الله فيا هيا .

دى الهتشرف انى اجيب منها عيالى .

وما اتكسفش لو سالونى انت اخترت مين تبقى امنا .

هيا دى الملت عنيا وقلبى ودنيتى هيا دى عملتلى الكلكم ما تقدروش تدهونى.

هيا دى الجزمتها اللبسها ليها قيمه عندى من وجودك نفسه انتى وغيرك .

واعتقد عرفتى الفرق الشاسع البينك وبنها .

فردت وقالت بكره تندم يا كابتن. وبكره تشوف انى مش هاهنيك بيها وهارجعها للفلاحين الجات منهم .

فرد وقال : لو فيكى خير ورينى هتعملى ايه وساعتها هتعرفى وليد الجاسر ممكن يعمل ايه .

ومسك ايدى ومشى .وركبنا العربيه وهو حط ايده على وشه وقعد يستغفر ربنا شويه . ونزل ايده .

وبصلى وقال :رونى بصى انا عايز اشرحلك الموضوع .

فقلت بلاش نتكلم دلوقت لما نروح يبقى بينا كلام تانى .

فقال :رونى والله اول مره تعمل العملته النهارده ده وما كنتش اتوقع ان فى بنات بالجرائه وقلت الادب دى ؛

وما كنتش فاكر انها بتفكر كده .

وقطعت كلامه وقلت : وليد .

واتنهدت وقلت: بالرغم انى ما عشتش معاك كتير وما اعرفش انك بتتعامل معاهم ازاى بس الكلام السمعته من بابا وقرايبنا عنك خلانى اطمنلك واطمن لحياتى معاك وده يمكن من اهم الاسباب الخلتنى اوافق اجى معاك .

بس مش هسامحك لو لقيتك خدعتنى او على علاقه باى بنت حتى لو قبل ما تعرفنى وده عشان مش عشانك .

ده لانى انا متاكده انه كما تدين تدان وان ده من الديون اللازم الواحد بيتعاقب فيها فى دنيته .

ومش هاسمح لا ليك ولا غيرك ان اكون تصفيت حسباتهم فيا .

وابتسمت بسخريه وقالت :وبالرغم من كل الحصل قدامى مش عارفه ليه واثقه فيه وما منالك ومش ندمانه على وجودى معاك بس يا رب يفضل ده شعورى على طول .

فقال : والله يا رونى عمرى ما اتعديت حدود ربنا وديما بتقيه وان شاء الله مش هتندمى ابدا على جوازك منى .

فابتسمت وقلت :ان شاء الله .

بس لو سمحت نعتبر الموضوع الحصل ده كانه ما كانش ومحدش فينا يتكلم فيه تانى .

فقالى :متاكده مش عايزانى اتكلم او اشرحلك عن اى نقطه فيه .

فقلت يمكن جوايا وجعنى شويه من كلام البنت دى .

بس خلاص مع الايام هيتنسى ؛ بس بينى وبينك الموضوع ما نتكلمش فيه تانى ويلا نروح عشان ما يفتكروش انهم نجحوا يفرقوا بينا او ا ننا بنتخانق عشانهم فباس دماغى وقال ربنا يخليكى ليا وساق العربيه ومشينا 

فمسك علبتين . وخدنى وقعدنا على السرير.

وقال: دى لعيد ميلادك الاول من بعد ما شفتك والتانيه لعيد ميلادك التانى .

والاولى ده خاتم والتانيه اسوره يلا افتحيهم عشان البسهملك وفتحتهم ولبسهملى وباس ايدى .

وقالى :كل سنه وانتى طيبه يا رونى وعقبال 10000000000 سنه. فضحكت وقلت : وانت طيب يا وليد وقطع كلامنا صوت التلفون بتاعه . فتنهد ..وقال :مين الغلس المتصل دلوقت ؛ فضحكت وقلت : اكيد واحد بيحبك . فابتسم وقال :والله ..طيب هو جابه لنفسه ..وقام جاب التليفون . واتسعت ابتسامته وقال : وجه وقت الحساب يا غالى وجه الوقت الاطلع عليك العملته فيها كله يا محمد يا ابن طنط ام محمد . ورد فيه نبره ضيق وقال : نعم ..هو حد يتصل بحد الساعه دى هو ده مش وقت نوم ولا البعيد ما يعرفش فى الذوق ؟ ولا انت هتجيبه من اين الذوق ده وانت محروم منه عايز ايه انطق يا بارد ؟ وبعد السماعه شويه عشان يضحك والمتصل ما يحسش بيه وهو بيضحك وشغله اسبيكر. وانا استغربت جدا انا شفت تعامله مع اصحابه. مين ده البيبهدله كده. فرد الطرف التانى المدعوا محمد وقال : بقى كده ماهو خلاص خلصت حاجتى من جارتى الله يرحم لما كنت بارجع من الشغل القيك قاعد مستنى فى البيت بالساعات عشان اطمنك بخبر ولا جمله تبرد نارك. فرد وليد وقال : وانت عملت فيا شويه دا انت زليتنى زل محدش زلهونى . بس انا وعدتك انى بس اتجوزها واردهولك اضعاف مضاعفه . فرد المدعوا محمد العرفت من صوته انه ابن عمتى الكان بيجبله اخبارى . وقال : وانت ماشاء الله رحت ضحكت على الراجل الطيب بكلمتين وانتهزت فرصه انك كاتب عليها وخدتها معاك .

لا يا راجل ليهم حق يسموك الكبير بصراحه ضربت معلم . فرد وليد وقال :وانت مالك :يا بارد واحد ومراته وحماه ايه اليدخلك فى وسطينا .

ايه يحشرك .صحيح ناس ما عندهاش دم . انا اتخضيت وقلت ايه ده بيتخانقوا بسببى فشاورت لوليد عشان يهدى. فضحك وقالى بهمس : ما تخافيش احنا متعودين على كده. وكملوا غلاسه مع بعض . فرد محمد وقال : مهو للاسف انا الجايبك . وانت محسوب عليا . يعنى يا مفترى البت ما تعرفش عنك حاجه وبتكره الكوره وما شفتش وشك قبل كتب الكتاب وفى ظرف 3 اسابيع تكون فى بيتك يا مفترى .

امال لو تعرفك كنت عملت ايه؟ فضحك وليد وقاله لو متغاظ قوى روح اتجوز وخلصنا مش تقعد تنق علينا واليسالك عنى قول ما اعرفوش . فقاله .

انا مش عايز وشك. وقال انا بقلبى الكبير قلت اتصل اباركلك مع انى عارف جنانك بس بصراحه المرادى جون ولا بتوع كاس العالم . دا انا صاحبك واتفاجئت بالخبر . بص ادينى بنت خالى حبيبتى اكلمها قلبى عندها مش عارف هتتحملك ازاى . فرد وليد وقال : حبيبتك فى عينك اسمها مدام راندا .

بص انت اصلا ما تكلمهاش انساها هيا بقت ليا لوحدى وانا هنسيها الناس كلها واولهم انت ومعرفتك الزى وشك . فرد وقاله : يا ناكر الجميل لولا معرفتى ماكنتش عرفتها يا اصيل . فضحك وليد وقاله :عارف احلا حاجه فى معرفتك انى عرفتها. فرد محمد وقال : بلها واشرب ميتها يا غالى .

بس اندها تكلم عمتها عشان تباركلها .

فرد وليد وقال : عمتو حبيبتى هات اكلمها دا وحشانى . فقال محمد : عمتو وكمان حبيبتى ....الله يرحم ايام طنط ويا حجه .والله يرحمك يا رجوله . فى يو م بقيت تقول عمتو يا وليد ؛ عليه العوض فى الرجاله . خد يا خويا عمتو معاك اهى . وردت عمتو وقالت : ازيك يا وليد يا ابنى عامل ايه والف مبروك يا بنى ؟

فرد وليد وقال : الله يبارك فى حضرتك واسمحيلى هقولك يا عمتو زى رونى . فردت وقالت : يا حبيبى انت تقول الانت عايزه انت زى ولادى ومتربى قدام عينى وصاحب محمد من وانتو صغيرين . والله يا بنى لو كان معايا بنات تانى كنت انا الخطبتك ليهم . بس رونى اغلى بنات اخواتى وزى بنتى خلى بالك منها. دى قطه مغمضه ما تعرفش حاجه عن الدنيا وبلاويها .

وانت دلوقت بدل اهلها كلهم حافظ عليها .

واتقى الله فيها .هيا طيبه وبنت حلال وانت احسن والله وربنا يباركلكم يا ابنى . فابتسم وليد وقال : والله هيا فى عنيا وانا اخدت بالى من كل كلامك .وان شاء الله ربنا يقدرنى واصون الامانه المعايا واحافظ عليها وانا جيت اخدت التلفون منه وقلت :ازيك يا عمتو وحشانى والله ياعسل انتى عامله ايه . فقالت :ازيك يا بنت اخويا ازيك يا راندا عامله ايه يا غاليه وحشانى والله. والف مبروك عليك وليد . هو والله ابن حلال ومتربى ومحترم حطيه فى عنيكى وحافظى عليه دا زى ابنى اوعى تزعليه . فضحكت وقلت : ما تخافيش ان شاء الله ما فيش زعل. انتى عامله ايه واخباركم ايه وكل الفى البيت وحشتونى كلكم . فردت عمتى وقالت : كلنا كويس يا حبيبتى وفرحنالك . وان شاء الله عايزين نيجى نباركلك نيجى امتى ؟ فقلت :فى اى وقت تنورونا طبعا . فردت عمتى وقالت :لا يا حبيبتى ما تديش معاد لحد غير لما تستاذنى جوزك .

وتشوفى يوافق ولا لا وهو فاضى امتى الاول ما تنسيش الاصول يا غاليه .

وانتى دلوقت عندك بيت ومسئوله خلى بالك منه . فاتكسفت عشان هو سامع خد التلفون وكلمها واتفقوا على يوم اجازته يوم الجمعه وادانى التلفون تانى اكلمها وسابنى وخرج من الاوضه . فكلمتها وقالت : مش عايزه اجبلك حاجه معينه وانا جايه او نفسك فى حاجه اعملهالك .

فقلت : شكرا مش عايزه حاجه . فقالت :ان محمد عايز يباركلى . واول ما كلمنى قالى :قولى بسرعه قالك ايه عشان ترضى تروحى معاه ؛وانتى اصلا بتتكسفى تكلميه مش تسافرى معاه . فحبيت اضحك معاه شويه وكنت باكلمه وانا بابص من ورا ستاره الشباك وقلت :اقولك ايه يا محمد على القاله احلى كلام ممكن يتقال . فرد محمد وقال: طيب بالله عليكى لتقولى قالك ايه .؟ فضحكت وقلت: ليه بتحلف بس ؛ مش كتير .

هو قال : تيجى معايا وانا وافقت ؛وخلاص . فمحمد ماكنش مصدق وقال: مش ممكن ليه يعنى هو سحرلك ولا ايه .

يا هبله يفتكرك واقعه عليه وما صدقتى حد يبص فى وشك ايه الدلقه الانتى فيها دى . فاتغظت منه وقلت :انت مالك جوزى وعايزنى معاه انت تعبان ليه . انا اصلا اول ما شفته نسانى الدنيا وما فيها ومكنتش اقدر غير اقوله نعم وحاضر . فاطلع انت منها ومالكش دعوه . فرد وقال : معقول وليد برمجك من يوم .

مش مصدق البتتكلم دى البت راندا البتتكسف تبص فى وشنا تقولى اول ما شفته نسانى الدنيا . اوعى تكونى حبتيه من اول نظره دا انتى كويس انه خلوك روحتى معاه . بدل ما كنتى هتولعى فى البيت وتقولى ماليش دعوه انا عايزه وليد بحبه يا بابا . بصراحه اتكسفت وما قدرتش اكمل فى دور الجرائه الكنت بحاول امثله .

ولما ما ردتش لقيت ايد وليد .

خد التليفون واتفاجئت انه واقف ورايا من بدرى وانا الهبله مش واخده بالى . وانا سبته ورحت على السرير واتغطيت حتى راسى .

مهو مش هينفع ابصله بعد السمعه منى . ورد عليه وقال :كفايه رغى يا واد احنا مش فاضيلك . فرد محمد وقال : ايوه طبعا عريس ويحقلك بس اعمل حسابك هاجى مع ماما وتحكيلى بالتفصيل الممل كل حاجه . هاسيبك تستمتع يا وحش . فرد وليد :سلام يا خفيف .وقفلوا . وجه وليد نام جنبى على السرير .

وقال ايه انتى مش كنتى هترتبى الهدوم . فابتسمت وانا تحت مفرش السرير وقلت : لا يوم تانى ان شاء الله . فقال بكل سهوكه : اقولك ايه يا محمد على القاله احلى كلام ممكن يتقال .

وتنهد. وقال بهيام : انا اصلا اول ما شفته نسانى الدنيا وما فيها ومكنتش اقدر غير اقوله نعم وحاضر . فصرخت وقلت : اسكت خلاص .

انت مش تكح او تعمل صوت . انا اصلا كنت فكراك روحت تقعد قدام التليفزيون او تعمل اى حاجه مش واقف ورايا . فضحك وقال :انا اصلا كنت رايح اجيب الشاحن عشان ما يفصلش واشحنه . بس جيت لقيتك هيمانه وواقعه فى غرامى ولا ايه يا رونى ما تتكسفيش قولى قولى يا حبيبتى عبرى عن احساسك . فقلت فى نفسى انا عارفه مش هيسكت غير لو اضرب . وفعلا رميت المفرش وطلعت وقعدت اضرب فيه وهو يضحك واقول اسكت كفايه كلام وهو يضحك . ومسك ايديا ونيمنى على السرير وبصلى فى عنيا وقال :بحبه ياابه . هتلى وليد يا ابه . هو انتى كنتى فعلا هتولعى فى البيت لو كنت سبتك ؟ فضربته با ديا ورجليا واقوله :اسكت اتلم اسكت ما تتكلمش تانى .

وهو يضحك ولف ايه حواليا وشدنى نيمنى فى حضنه وقال ايه انتى طلعتى قطه بتخربش كمان . فضحكت وحاولت افلت بس ما قدرتش وقلت خلاص عشان خاطرى كفايه تكسفنى اكتر من كده مش هاتكلم مع حد تانى عشانك . فباس دماغى وقال والله بحبك قوى يا رونى ربنا يخليكى ليا . يلا بقى خلاص ننام ولما نصحى نشوف موضوع الشنط .

وكمل وقال : بس ما قلتيش هو انتى جايبه ايه فى الشنط دى .

فقلت هدوم بنات عمامى هما الرتبوها وانا رحت ساعتها اغير عشان البس لبس خروج عشان ما اتاخرش عليك . انت بتسال ليه .

فضحك وقال : باطمن على مستقبلى يعنى فيه هدوم من البتبقى مقطعه دى بتاعت العرايس ولا لا .

فضربته وقلت :اطلع بره يا قليل الادب انت عايزنى البس الهدوم المقطعه دى بتاعت العرايس دول مش مودبين .

فضحك وقال :ليه يا حبيبتى هو انتى مش عروسه .

فقلت :عروسه بس محترمه .مش زيهم .وانت عايزنى ابقى مش محترمه .

فضحك وقال :يا ريت .

فقمت وقعدت اضرب شويه واقول انت قليل الادب شويه واطلع بره شويه .

وهو كل ما يهدينى يرجع يناكف فيا وفضلنا كده لغايه لما نمنا .

.بس اصر انى انام فى حضنه .

وانا طبعا رفضت بس شدنى ولف اديه حوليا وغمض عنيه وما رضيش يرد عليا .

لغايه لما بطلت كلام وانا مكسوفه انى انام كده جنبه طيب يقول عليا ايه مش مودبه.

بس محستش بنفسى لما غمضت عنيا ورحت فى سابع نومه .

قومى البسى يا شاطره عشان نروح التدريب طالما مش هنام النهارده .

فبصتله وقلت :وليد انا عايزه اطلب منك طلب .

قالى امرى انا وروحى ملكك .

فابتسمت وبصيت لارض .

وقلت : عايزه اتصل اصبح على بابا وماما .

قالى : وايه المشكله .انتى فين تليفونك ؟

فاتكسفت : وقلت هو بابا كان اشترالى واحد من كام شهر بس انا حسيت انه مالوش لزمه معايا فاديته لاختى .

هيا ممكن تحتاجه اكتر .

وما جبتش واحد قبل ما اجى .

فبصلى باستغراب وقال :انت ما فتحتيش باقى الهدايا الفى الدولاب .

فابتسمت وقلت :لا انا قلت كل كام يوم افتح واحده عشان ما افتحمش مره واحده ؛وبعد كده يبقى ماعنديش هدايا .

فضحك وقام وطلع علبه وقال : يا حبيبتى افتحيهم واجبلك غيرهم .

بس انا اقصد تليفونك ده مش الباباكى اشترهولك .

وفتحت العلبه لقيته واحد زى بتاعه اخر موديل طبعا بس بتاعه اسود وانا روز وفرحت بيه قوى وكان منتهى الشياكه وفيه سلسله قلب مكتوب جواها رونى .

فقلت انا هاكلمهم منه .

فضحك وقال :بس لسه ما فهوش خط قومى البس ننزل ننروح النادى واشتر يلك خط واحنا فى الطريق .

وقمنا لبسنا وروحنا النادى واشترالى خط وقعدنى مكانى فى الاستاد.

وركبهولى وعرفنى ازاى اتصل واستقبل الرسايل ودخل يغير .

ولقيت جانى رساله فاستغربت وفتحتها لقيتها منه وكان بيقول :

(اذا حكم القدر على قلبى حبك ...ساظل ليس لى به حيله ...ساظل احبك الى الابد ...)

انا فرحت جدا بيها وقعدت اقراها واكرر فيها وكل مره اعيده استمتع بحبه ليا .

لغايه لما جه وقعد جنبى ومسك ايدى .

وقالى :ايه انتى لسه شيفاها دلوقتى ؟.

فقلت لا شفتها من ساعت ما بعتها .

فقالى طيب كلمتى باباكى ومامتك .

فاتكسفت وابتسمت وقلت :لا لسه .

فاستغرب وقال :ليه دا انا قلت اتاخر شويه تكونى اتكلمتى براحتك .

فقلت :اصلى من ساعت ما بعت الرساله وانا عماله اقراها وكل ما اخلصها اعيدها .وما حسيتش بالوقت .

فضحك بصوت عالى وقال : ايده ما احنا حلوين اهه وليا فى الرمانسيه .

فقعدت اضربه على كتفه واقوله امشى يلا من هنا . انا غلطانه اصلا انى قلتلك حاجه .

فمسك ايدى وباسه وقال بس يا مجنونه الناس تاخد بالها.

وقبل ما ارد لقيت خالد بينده ومعاه محمد وشويه من الاعيبه واقفين بيضحكوا وبيبصوا علينا .

انا بقى ابتكسفت جدا منهم .

ولقيت خالد بيقول : ايه يا كبير نطلع نحوش عنك.من اولها كده.

فقله وليد : امشى يلا من هنا مالكش دعوه .

فرد خالد : انا ماليش دعوه وناس تانيه براحتهم ؛ بس قولى هو الفى البيت بيحصل ايه لما القدامنا كده .

فقال وليد : اتلم يا خالد بدل ما انزلك .

فقاله خالد :ماشى يا كبير .طيب مش هتنزل تقعد معانا شويه .

فرد وليد وهو بيحط ايده على كتفى :وانا اعمل بيكم ايه امشوا يلا من هنا قطعتوا علينا اللحظه .

فقعدوا يضحكوا .وعلق واحد.

وقال : الله يسهلك يا كبير .وعقبالنا يارب .

ومشوا وانا اصلا فى نص هدومى وكل ده وانا ببص فى الارض ومش قادره لا ابص ليه ولا ليهم وخفت اكون كسفته قدامهم .او ادايق منى.

فاول ما مشيوا .

قلت: وليد انا اسفه والله نسيت نفسى سامحنى ما تزعلش منى .

فابتسم وقال :عادى يا رونى بتحصل فى احسن العائلات .

على الاقل انتى مراتى يعنى مش واحده صحبتى .

تعالى شوفى المناظر الهنا وانتى تعرفى الفيها وغير كده انا عارف لما لقيونى سبتهم وجتلك . فجم عشان يغلسوا علينا .

فابتسمت وقلت: وليه يغلسوا علينا .

فضحك وقال : عايزين يشوفوا الفرق بين وليد قبل الجواز ووليد بعد الجواز .

فضحكت وقلت :هو فيه فرق ؟.

فضحك وقال :طبعا فيه فرق وللاحسن كمان .

فضحكت وقلت : معقول من يومين .

فبصلى وقال : اليومين العشتيهم معايا دول بعمرى الفات كله .

بجد يا رونى ربنا يخليكى ليا ويسعد ايامك زى ما مليتى ايامى سعاده وضحك وهنا .

فابتسمت وقلت :شكرا .

فوقف وقال : شكرا . لا العفو يا رونى اى خدمه .عن اذنك انا هاروح اقعد معاهم .

ولما لقيته زعل :قلت حد يسيب حبيبته وينزل يقعد مع العيال السيس دى ؟

فرفع حاجبه وضحك وقال : عيال وكمان سيس اه لو سمعوكى يا رونى .

وقعد جنبى .

فقلت : سيبك منهم .اصلا كفايه انك جنبى عشان ما افكرش لا فيهم ولا فى غيرهم .

مش عارفه ليه تنح وطلع عنيه ؛ وبص حوالينا وبعدين .

وقال : الكلام ده ليا تقصدينى ؟.

فضحكت وقلت :اه .

فمسك قلبه فى حركه مسرحيه وقال : قلبى الصغير لا يتحمل .

فقلت : وليد بس الناس ممكن تكون بتبص علينا .

ومديت ايدى وشلت ايده من على قلبه .

فمسك ايدى وباسها وقال :ربنا يخليكى ليا .

وهنا صفر الحكم ونزل وليد للتدريب

تهربى من انك تنامى فى حضنى .

طبعا انا اتكسفت انه كشفنى كده من الاول .

فخبيت وشى باديا وهو بيضحك على شكلى وخدنى فى حضنه ونمنا ...

وصحينا بعد المغرب صلينا جماعه ..وعملت اتنين نسكافيه الحاجه الوحيده الموجوده فى البيت ..

وقلت :هو احنا هنفضل كده من رواد المطاعم على طول ..

فابتسم وقال :مش فاهم ؟..

فقلت :يعنى كل يوم هنفطر ونتغدى ونتعشى هناك ؟

فقال :لو عايزه نطلبها دليفرى وناكل هنا عادى براحتك .

فضحكت وقلت : مش ده قصدى يعنى ما شاء الله مالى البيت هدايا وهدوم بس الاكل ميح ..

انا قصدى اننا نشترى لوازم المطبخ ونعمل الاكل هنا منه اوفر وانضف ونبقى فى بيتنا براحتنا ..

فضحك وقال: يا حبيبتى هو انتى بتعرفى تطبخى ؟

فقلت: فى حاجات باعرف اطبخها وحاجات ممكن اسال ماما على الطريقه او اعرفها من النت .

والصعب خالص ابقى نشتريه لما يبقى عايزينه او نفسنا فيه بس ما ينفعش كله بره كده ..

فقال: طيب انتى شايفه ايه دلوقت ؟

قلت : نقوم نكتب طلبات المطبخ وننزل نشتريها .

وابتدى اجرب فيك لغايه لما اتقن الصنعه .

فضحك وقال : نعم هو انا حقل تجارب ؟.

فقلت : هو اصلا كل الولاد المتجوزين جديد حاليا حقل تجارب .

فباس ايدى وقال :وانا تحت امرك .

بس انتى لسه عروسه يعنى ندلع كام يوم وبعدها اعملى الانتى عايزاه .

فقلت: ما تهربش انا هجرب فيك مهما حاولت .

فضحك وقام جاب دفتر وقلم ومسك ايدى وخدنى على المطبخ .

وقال :شوفى الاجهزه الكهربائيه الانا جايبها والناقص منها عشان نشتريه بالمره .

وشفنا الاحنا عايزينه من طلبات الاكل وكتبناها .

بس استغربت ان المطبخ مفهوش غير الاجهزه الكهربائيه ما فيش حاجه للاكل غير النسكافيه فسالته

ورد وقال :اصلا انا ما كنتش عايش هنا ؛

كنت عايش فى بيت بابايا بس لما شفتك وقررت انك تكونى ليا فدورت على شقه كبيره ومكان شيك وعجبنى المكان هنا واشتريت الشقه دى ؛

وكل ما تعجبنى حاجه اشتريها لغايه ما كملت فرشها .

وكل فتره اجى اقعد كام يوم فيها افتكرك .

وخاصه بعد ما اشتريت اوضه الاميرات كنت متاكد انها هتعجبك فكنت باقعد فيها واتخيلك حواليا واكلمك واقولك كل النفسى فيه .

حتى لو مضدايق اشكيلك بس ما كنتش بنام فيها .

لانى اقسمت انى ما انام فيها الا اذا كنتى فى حضنى .

فاستغربت واندهشت وقلت :احيانا بيقولوا عليا مجنونه بس يجوا يشوفوا الجنان العلى اصله .

فضحك وشالنى وودانى اوضه النوم وقالى :يلا غيرى والبسى جزمه ارضى يعنى من غير كعب عشان هنلف كتير ..

فقلت : وليد هو انت ليه مخلى هدومك فى اوضه وهدومى فى اوضه ؟

فابتسم وقال :لان الهدوم الانا جبتهالك ملت الدولاب ومبقاش ليا مكان .

فقلت لا سبلى الموضوع ده انا هوضب الدولاب وافضيلك مكان .

فقال كلمه استغربتها قال: لما تسمحيلى ادخل مملكتك انا بنفسى هجيب هدومى بنفسى واحطها معاكى .

فقلت ازاى يعنى ما انا بقولك تعالى .

فباس دماغى وقال :شكرا ليكى . بس انتى من زمان اقتحمتينى وسكنتى جوايا . لما احسن انى انا كمان سكنت جواكى هدومى هاجيبها يا رونى .

المهم انتى يلا البسى عشان هافسحك فسحها مالهاش حل .

ولبست وهو لبس ونزلنا ورحنا مول من اكبر المولات الفى القاهره .

وكان شكله جميل قوى اول مره اعرف ان مصر فيها الحاجات الحلوه دى .

وهو قالى : عارفه بالرغم من انى كنت بدايق لما كنت بعرف قد ايه خوف عيلتك عليكى و ان اى مشوار باباكى لازم يكون معاكى رايح جاى مهما كان بسيط وده طبعا ؛ قلل الفرص التكتشفى الدنيا حواليكى بس لما عاشرتك قدرت تعبهم وخوفهم لانك فعلا طيبه قوى وسهل يضحك عليكى والناس خداعه ؛

الا انه فرحنى انه فرصه كويسه انك تكتشفى الدنيا من خلالى .واكون المرشد بتاعك .

فضحكت وقلت :عارف انا عمرى ما حسيت انهم مقيدين حركتى .

يعنى مثلا انا عمرى ما رحت رحله تبع الدراسه خالص لا وانا صغيره ولا انا كبيره .

كنت باجى اقولهم بس طبعا عارفه انهم هيقولوا لا .

انه كنت باعتبر ان كل حاجه رزق ولو ليا نصيب هاروح ولو مش نصيبى مش هاروح عشان كده ما كنتش بازعل مع ان اخواتى كانوا ببروحوا رحلات عادى بس ما كنتش بازعل من ده .

واليضحك بقى ان اخواتى دايما بيقولوا انهم بيحبونى اكتر منهم وانهم بيدلعونى اكتر منهم .

بس انا كنت بدلع اخواتى اكتر من بابا وماما نفسهم عشان ما يبقوش مدايقين منى .

ودخلنا مكان كبير فيه كل المنتجات .واشترينا حاجات كتير اكتر من الورقه بكتير .

وخدنى قسم المكياجات والعطور .فقلت انا مش بحط .

فابتسم : وقال : يعنى مش بيجى وقت بيبقى نفسك تستعملى الحاجات دى .

فاتكسفت وهزيت راسى بالايجاب .

فضحك وقال :بصى الحاجات دى كتير وبصى براحتك وخدى وقتك بس اعملى حسابك نبات فى البيت النهارده .فضحكت وقلت : وليد انا مش هاحط ميكب بره . يعنى الهجيبوا مهما كان هيبقى بيت وبس .

فابتسم وقال :والله بحبك وبحب كل حاجه فيكى .

وانا اصلا فرحان بالموضوع ده وفرحت اكتر انهم اصلا كانوا مانعين الميكب عندكم فى البيت .

بس انا عارف ان البنات بتحب تقف قدام المرايا وتلون فى وشها عشان كده هديكى الفرصه دى .

ففرحت قوى .

ورحت اشترى بس كان فى حاجات مش عارفه اصلا بتستخدم ازاى وقعدت اقرا طريقه الاستعمال .

وجه وليد وقال :شمى البرفن ده حلو قوى .اجيبهولك فقلت :ليه انت جايبلى كذا واحد .

فابتسم وقال : حبيبتى وانا عايز اجبلها كل حاجه عندك مانع .

فضحكت : وشميتها كانت هاديه وجميله قوى .

اول ماشميتها غمضت عنيا وخدت نفس عميق منها واتنهدت وفتحت عنيا بالراحه وبصتله بحالميه .

وقلت اسمها ايه دى جميله قوى .

لقيته مركز معايا قوى .

وقال :بصى يا رونى لغايه ما نروح بيتنا مش عايز نتكلم ما بعض .

فبصراحه ادايقت وقلت :ليه هو ايه الحصل؟ .

فميل عليا وقال : اصل فى كاميرات هنا ومش عايز ياخدنا بوليس الاداب .

فاتكسفت : وقلت هو البرفن ده مش حلو مش عايزينه .

فضحك وقال :لا ماهو واضح خالص.

دا اناانتى شكلك هتاخديها فى حضنك بدالى .

فحبيت اغيظه فقلت :ليه هو انا اصلا باخدك فى حضنى عشان اخده بدالك .

فغمزلى وقال : بسيطه يا حبيبتى من النهارده مش هنام غير فى حضنك .

فقلت :خلاص والله هو انا كل ما اجى ادايقك انيلها خالص وتيجى على دماغى احنا اصلا كده حلوين قوى وبلاش من البرفن الهيخلينا نخسر بعض .

فضحك وحطها تبع حاجاتنا وقال :لا هاخدها دا انا دخلت مزاجى قوى وحبيتها مش عارف ليه .

فضحكت عليه وخدنها الحاجات وحاسبنا ومشينا .

ورحنا مطعم نتعشى لاننا كنا هلكانين مش هنقدر نجهز اكل خالص .

وروحنا وشلنا الحاجات وصلينا ونمنا على طول ..

وصحينا صلينا الفجر و جهزنا فطار وفطرنا ولبسنا ورحنا النادى وعدى اليوم عادى وروحنا وقبل ما ننام لقينا ماما وصاحبتها بيتصلوا .

وبعد ما سلمت على ماما وعرفت انها بتشترى شويه حاجات من المول .

لقيت صاحبتها خدت السماعه منها وبعد ما باركتلى وسلمت عليا بتقولى :هو جوزك بيحب الوان ايه ؟.

فقلت :ما اعرفش فقعدت تقول كلام ما فهمتش نصه وبعدين سالته فقال:الاحمر والاسود .

وقلتلها .وبعدين قالت :هنجيبلك شويه حاجات هتخليه طاير بيكى .وسلمنا وقفلنا .

وسالنى وليد هو فيه ايه وبتسالينى ليه ؟

فحكيتله على الكلام المش فهماه وسالته عن معناه .

فقال وهو بيبتسم :كلام ستات ماتخديش فى بالك .

وقلت :يمكن عايزين يجيبولك لبس فعايزين يعرفوا ايه البتحبه عشان كده قالت انهم هيجيبواحاجات هتخليك طاير بيهم .

ومسكت التلفون اتصل بيهم وانا باتصل سالته انت مقاسك كام ؟

اصلهم ما يعرفوش مقاسك فقلت افكرهم .

فمسك التلفون من ايدى وفصل الخط قبل ما يرن .

وخلاه جنب السرير على الكومدينوا .

ونيمنى على السرير ونام وخدنى فى حضنه .

وقال حبيبتى لما الحاجه تيجى هتفهمى هما كانوا يقصدوا ايه

فقلت :طيب ليه ما هما ممكن يجيبوا حاجه صغيره عليك فمش هينفع حتى تظبطهم .

فضحك وقال :مالكيش دعوه انا هاتصرف ساعتها .

فادايقت وقلت :كان نفسى اقولهم عشان الحاجه تيجى عليك .

فضحك وقال نامى يا حبيبتى ربنا يهديكى ويعدى الليله من غير خساير .

فقلت : ليه خساير ايه دى ؟

فضحك وقال:رونى الله يخليكى سيبينى انام احسن ما نخسر بعض لو كملنا كلام .

فادايقت وقلت :هيا وصلت لنخسر بعض ماشى يا وليد زعلانه .

فباس دماغى.

وقال :والله يا حبيبى ما اقصدش الفهمتيه .

بس انا مش هاعرف اسيطر على نفسى لو زودنا فى الكلام فخلينا ننام احسن وخلى كل حاجه لوقتها احسن .

فقلت :طيب انت نام وانا هاتصل بيهم وهما يفهمونى و...؟

وقبل ما اكمل اتكلم بجديه وقال :رونى البيحصل بينا ما يخرجش بره .

وانا قلت سيبى الموضوع للوقت المناسب يبقى خلاص .ماشى هازعل قوى لو اتكلمتى مع اى حد فى المواضيع دى .ماشى ؟

فقلت ماشى تصبح على خير غمضت عنيا .

وهو اتنهد وقال :وانتى من اهل الخير يا طفلتى ..

وكان اول مره يقولى يا طفلتى .