انا سميتي شروق 25 سنة عندي حقي في الزين ولكن اكثر حاجة كتميزني هي سيقان ديالي او حفرة الزين ... جيت نعاود ليكم قصتي مع الحب لي بدات ملي كانت في عمري 14 سنة.. انا بنت عائلة محافظة من البادية الاب ديالي رجل تعليم التم ديالي متعلمة ولكن ما كانتش علاقتنا بيها كيخاصها تكون كانت ديما بعيدة علينا انا او ختي او مبنية عؤى الخوف .... لميهيم انا كنت قراية او كاع الاساتذة كيشهدو ليا بيها من الابتدائي لحد الساعة ... انا بديت كنكبر او دزت الكوليج تعرفت على صديقة كانت ليا نعم الاخت
اوباقا كتربطنا علاقة قوية لحد الساعة وخا تزاوجات او دابا هي في الخارج... لمهم كنا
اوباقا كتربطنا علاقة قوية لحد الساعة وخا تزاوجات او دابا هي في الخارج... لمهم كنا
 |
| ةقصة شروق 25 سنة |
داخلين سوق روصنا في الثانية اعدادي قررت انا و ياها نتحجبو او نصليو او فعلا عمرنا كان احسن قرار لي مازلنا محافضين عليه.. معاناتي بدات في الثالثة اعدادي ملي بدا كيجي عندنا زميل اختي في الدراسة يراجعو نع بعضهم في الدار عندنا حيت هوما كانو في الثانية ثانوي ديك الساعة ... او كانت ماما كتقولي كلسي مهاهم حضيهم او راجعي تانتي لمتحانك... دكشي لي كنت كندير ولكن زميل ختي بدا مرة مرة كيبقا شاد فيا او نبقاو نتناغرو انا وياه او مرة مرة يعاوني في الفرنسية لدرجة واليت كنبقا نتسناه حدا الباب حتى يجي ... كان احساس زوين بزاف او حسيت تاهوا كيبادلني الشعور... ختي بدات كتحس شي حاجة ماهياش ولات كدور فيه ما يبقاش يدحك معايا... ولكن شي مرات كنكون غادا القراية بحكم الظريق بعيدا كونا نتلاقاو او نمشيو انصومبل او معايا صاحبتي زهرة لي ماكانتفارقوش او ديما كيلمحلي بلي كايحبني او كا يجيبلي قصائد معا كان يكتب الشعر او انا طااايرة... لمهم نجحنا او انا كيف العادة ناجحة بمتياز فرحولي كلهم واحد النهار قاتلي ختي يالاه تمشي معايا عند يوسف راه ماماه بغات تشوفنا او تعرف علينا انا فرحت بزاف او مشيت كنبز وصلنا تعرضات لينا عي الباب بالفرحة عنقاتني قاتلي نتي شروق ما شاء الله ولدي كيعرف يختار انا حشمت او كترحب او تعاود او ناضت دخلاتني لدار معا كونا كالسين في الجردة و داتني لواحد البيت قاتلي ها بيتك نتي او يوسف انا حشمت او في نفس الوقت فرحت عرفت بلي كيعاود لماماه عليا او نقز هو من موراها قاليها فضحتينا هههه فرشاتو لمهم دازت عشي زونة ماي بغينا نمشيو قالينا بيلا راه مسافر ما يجي تا تبدا القرايا انا
بقا فيا الحال بزاف ما غا نشوفوش شهرين بزاف
بقا فيا الحال بزاف ما غا نشوفوش شهرين بزاف
واليت نهار او ماطال او انا مقابلة الباب ا و طريق او بليل نبكي تا نسرد وسادتي او عاد نعس الم فضيع واحد الناهر تعصبت او انا نوض شعلت العافية في دفتر ذكراياتي لي كنت جامعة فيه كا قصائد الشعر د يوسف او ماتبة شحال كان يعجبني والالكين النار لي في قلبي ماطفاتش زادت شعلات او دازت 15 ليوم ديك ليلة حلمت بيه رجع او نضت في صباح قولتها لختي قاتلي تصطيتي واصلات العشرة دصباح انا مخرجا تجفيفة تا كنحس بشي حد وقف ... هزيت عيني ... ههه اه يوسف وليت كنفرنس غا بوحدي تفو.خاصني مانبينش لكن اشنو غا ندير كايضحكلي في وجهي قاليا توحشتك يالاه بغيت نقولو تانا وقفات ختي قاتليه ايوا والاه الا ختي خاصنا نزوروها حلمات بيك جيتي هانتا نيت جيتي قااي بصح حشمت او دخلت هههه ... بقينا على داك الحال وصلات لقرايا دابا هادشي ولا مختالف حيت غا نولي نقرا في ليسي معا ختي او يوسف فرخت حيت غادا نواي نشوفو بزاف زعمة... ولكن بابا قالينا نتحولو لفيلاج باش نوليو قراب القراية حيت ختس عندها الباك او انا بقا فيا الخال حيت يوسف مابقاش غادي يجي عندنا بزاف لمهم بقينا انا وياه نظران من بعيد.. وليت كنمشي نجمع مع ختي او دراري لي كيقراو معاها او كيبقاو يسولوها شكون هادي كاتقول ختي كايكدبوها حيت انا وياها ماكانتشابهوش نهائيا هي سمراء انابيضة هي رقيقة انا مفورميا شي لي خلاهم يوليو يسلمو عليا اويضحكو معايا و لكن لاحظت ان يوسف ولا كيتهرب مني الا كان واقف معاهم كنوقف انا كيستاذن هو شي لي زاد عذبني او عزت نفسي منعاني نمشي نهدر معاه او نسولو
لمهم داز شي شهر على الحالة واحد نهار جات عندي بنت تقرا معايا قاتلي شروق بغيت نسولك قوتليها تفضلي قاتلي كيكايجيك يوسف.... انا قوتليها ضريف علاش قاتلي راه طلب مني نتصاحبو او جابلي كارت بوستال او ماتب ليهاجوتيم او كاتب ليها القصائد لي كان يكتبلي انا تصدمت عيني غلبوهم دموع تخنقت الارض ضاقت بيا علاش ا يوسف شنو ذنبي حبيتك او عطيتك قلبي علاش ... تحرقني ... واش كنتي كضحك عليا ... شنو درت ليك وانا نحلم بيك ليل او نهار فيقني صوتها من دوامتي ... شروق مالك قتليها لا والو الله يكمل عليكم راه ضريف او مشيت او خليتها جريت صاحبتي زهرة او عاودت ليها .دموعي شلال واساتني او قاتلي نسايه ما يستاهؤكش كان كيلعب بيك اصاحبتي .. صافي قررت نكرهو او نخرجو من حياتي ولكن ما قدرتش نار كتحرقني كل ما شفتو معاها او كندعي الله ياخد فيه الجق ... فعلا ما ظولوش شي شهرين عطاتو عضم فاش يكدد هههه كما تدين تدان فرحت حيت بغيتو يجرب والكن حالو.ماعجبنيش والا كايدير شي رفقاء تاع السوء ولا قرايتو هاملها او تا ختي ولات كتقولي عليه تبدل بزاف و لكن انا قلبي ما طاوعنيش او وليت كنطلب الله يرد بيه قرب الامتحان صافي حنا شدينا العطلة دوزو هو و ختي او نجحو.غا بزز حيت ختيكانت كاسولة ههه ماشي بحالي.. لمهم قاتلي نمشيو عندهم نباركو لماماه او من تما نتواداو معاهم حيت كنا غا نتحولو لمدينة
صافي مشينا ماماه تاني استقبلاتني بتعناق او ماخاصهاش او شادا فيناكي العادة انا او.يوسف انا حادرة راسي او كانقول فخاطري نتي ما عارفاش ولدك كي تفنن في تعذيبي... شوي ناضت اة عيطات لختي بقيت انا او.يوسف هزيت عني فيه قوتلو علاش قالي شنو قوتلو علاش درتي هاكاك سكت او قالي نتي ما عارفا والو قوتلو ليوم باغا نعرف يالاه بغا يهدر دخلات ختي قاتلييالاه تعطلنا راه تابعنا الرحيل سنعها تصدم قاليها انا رحيل قاتول راه باب شرا في المدينة غادين نعشو تما دخلات ماماه بدات كتعنق فيا قاتلي بقاو تجو عندي قوتليها اكيد اخالتي.. تصيفطنا او مشينا لدار او انا بقا الفضول كياكلني ولكن ما عندي ما ندير رحلنا لدا نا جديدة فبلاصا جديدة ناش جدرد ما عرفتش واش نقدر نتاقلم اولا لا خيت قربات القرايا او انا خايفة حيت المدينة ماشي بحال العروبية غدا يمشي باب يسجلني او غادا نمشي معاه
مالي دخلت ل ليسي كان كبيير بزاف ماشي بحا لاخور البنات معريات لابسين بحال الحويج د لبحر او غادين معنقين مع الولاد انا تصدمت حيت في العروبية ماعندناش داكشي وليت خايفو او كنقول لماما واش غتقريوني هنا ف وسط هاد المسخ قاتلي دابا تولفي هخهه مشيت ديك العشية كنبكي قوتليهم رجعوني لعروبية مابغيتش هنا قالولي باراكا من تبعكيك سيري تقراي ..لغد ليه مشيت فعلا دخلت القسم ديالي بنات مكنعرفهمش او هوماكيعرفو بعضهم قلت سالام جاوبوني جلست بعيدة عايطولي نقرب عرفتهم براسي تاهوما كذلك شوية وحدة كانت كتهدر على صحبها باسني مشيت معاه دارلي هاكاك ما حشمت ما عرقات شوية وقفتها قوتليها واش هادشي عندكم عادي قاتلي اه صافي سكت باش ما يقولوش هادي منين ماجية بقيت هاكاك حتى خرجنا لبت بنت غادا معايا في نفس طريقي او كاتقارا معايا فرحت بزاف او هي كانت مخطوبة او المفاجءة بنت جيرانا ... ولينا كنترافقو في الطريق ولات علاقتنا زوينة بزاف والكن ماكنعاود ليها والو من حياتي الشخصية او انا كاع ها الفترة حب يوسف فيقلبي كيكبر الحب اللول فكرتوني هههه الله يعطيني حبة.. لمهم مادرتش راسي فيداكشي وليت عزيرة على الاساتدة كاع كيشهدولي بالسلوك او الاجتهاد واخا ما كنتش كاندير سوايع ولكن جيت التانية فيالدورة الاولى كلشي تصدم فيا هاد العروبية لي لبسها كجرتل حيت بابا كان مازم كونر نتكساو غير من جوطيا رو.كنشري داكشي فضفاض خيت كندير الزيف او ما كنديرش المكياج
لمهم الدورة الثانية كلشي ولا كيهتم بيا حيت كنت مرزناماشي بحال البنات ماكنتصاحبش حيت قلبي عامر بيوسف .... كنت هبيلة ههه.. لمهم اادورة الثانية جات سكنات حدانا بنت كتقرا تاهيا في نفس ليسي تقربنا من بعض حيت كانمشيو مجموعين في طريق وحدا كانت كتعاودلي على صحابها حيت هيا بنت المدينة نيت او قصصها لمهم جراتلي لساني تا عاودت ليها قصت حوبي ليه
.. قاتلي نسايه ماكيبغيكش لمهم هي كانت كتبطل بزاف كنخرج كاتقولي نبقاو قدام ليسي انا كنقوليها لا عندها شيرفايق فشي شكل ولات كتحاول تجرني ولكن انا الحمد لله او جريتها ولات تمشي لدار فيالوقت ولكن تا الاخر قرب الامتحان هي اداب انا علوم انا صافي سديت عليا في الدار لحفاضة او الماكلة او الشقا خاجو وحدة لي مطيحاني الفرنسية كنخاول ولكن مكينش الجهد حين نيفو ف العروبية كايكون طايح دوزت لمتحان مزيان الا الفرنسية عرفتها غادا طيحني ولكن 15 ليجبت الحمد لله كنت فرحاتا اما امل صاحبتي صقطات او لوخرا لي كانت باغا تزوج.نجحات ولكن كان عرسها قرب او.قاتلي ما عاداش تقرى الباك
انا مشيت صافرت عند خالي لشمال كانت اندو مدرسة خصوصية او كايديرو الدعم في اللغات في الصيف او دخلني مسكين نقرا معا التلاميذ الفرنسية او الانجليزية شهر واخا مرتو داوزاتها عليا فيالشقا الله يسمح ليها .. لمهم تعلمت مزيان او ستغليت الفورصة خالي عجبو الحال حيت الاساتدة كيشوكروني او هوا كايتباها بيا حيت ما والدش مسكين ساليت سوايع قوتلو توحشت نمشي صافي هبتنا مجموعين او قربات لقرايا ها العام الباك خاصني نجمع راسي او نيت دخلت محلفا على القرايا صاحبتي مريم دارت العرس او امل رجعات تعاود العام اوهي زايدا في التفلاس كنصحها او والو انا كنجلس اللور او نضحك معالبنات او الولاد د القسم وليت جتماعية ولكم في حدود الدراسة برا منعقلش عليهم هههه و لكن واخا هاكاك رادا البال لقرايتي اولا نوضني شي اوساد كنحمر ليه الوجه المهم الفروض الاولى جبت النقط الاولى في جميع المواد ولكن ما قلتها لحد حتا جات العطلو د الدورة الاولى ا ملي رجعنا جا الحارس العام عندنر القسم انا كي العادة في الطاولة الاخيرة او مجمعا قال شروق فاضل انا مسمعتوش تا نغزاتني صاحبتي قاتلي تكؤمي نضت قلت قفرتها شي مونتيف هادا قااي نها الجمعة جيبي ولي امرك او جي مع4 قوتلو ياك لاباس قليا باس تستلمي جائزة الطالب الاول كلشي تصدم او حل فومو فيا اه انا جيت الاولة الاستاد د المات هناني او قاليهم راهكنقوليكم راها كتقرا او.كتهدر هههه ايوا ديرو بحالها ههه
لمهم وليت محل اهتمام بابا فخور بيا اواستدتي حيت ما عمري زدت السوايع وليت كملت العرم او بريباريت الباك او دوزت مزيان الحمد لله او خديتو ب 15 ولكن اناكنت معمرا راسي غير ب القرايا مادفعت لتا مدرسة من غير ENCG Tanger عايطولي مشيت دوزت نجحت في الكتابي بقا الشافوي ولكن وقع حذث لي سقطني نهار الامتحرن جاتني لخبار بان جدي مات او هوا كان غزيز عليا بزاف ... الله يرحمو.. بكيتوني توجشتو... الله يرحمو.. دخلت عند اللجنة يالا قاليقدمي راسك قدمت راسي طرح السؤال الثاني او انا نتفركع بكا ما فهمو.والو سولوني بتليهم سامحولي ولكن جدي مات دابا حاولو يسكتوني او نكمل ولكن ما قدرتش انا بوحدي في مدينة كبيرةبغيت غير حضن نبكي عليه والو خرجت شديت طوبيس المحطة مشيت قطعت تيكي او.طلعت طريق كلها او انا كنبكي تلاقالي بابا في كازا او داني ديريكت غير شافوني دررو العزو من جديد دازت ايام الجزن بقات قدامي غير لافاك بابا مشا سجلني رو دازلي شعبة ماباغاهاش ولكن رغم عليا مقرا فيزيك مات شيمي كانت قاصحا او انا قادا عليها ولكن رغبة ماعنديش..
بقيت كنمشي مرة ندخل مرا لا ولا بنتخالي قتقرا في الكوليج حيت كدوبل بزاف هههه 3 سنين او هيا في الثالثة اعدادي كتقواي جي ندورو ا نيتوليت كنمشي نبات اندهم م ة مرة او نتلاقاو انا وياها في السر او امل كاتجي عندي كولا عشيا تعاود ليا او.نعاود ليها او تدي ما تلبس حيت وليت كنديها شوية في لبسيحيت الحالة المادية تحسنات او تا ختي خدمات او ولات كتشريلي معاها الحوايج جداد ماشي من الجوطيا ههه
واحد النهار كا لافوارعيطاتليبنت خلي فيواحد النوكيا بيل عطاهالي الواليد كادو ةلينجحت في الباك كانت اندو دايزا عليهؤ الحرب اويا ريتو ما عطاه ليا حيت في نضري البورتابل هو لي خرج علا البنات .. لمهم مشيت بت عند بنت خالي اوقتاي في العشية يالاه نمشيو نخرجو تلاقا بصاحبها حيت هياصغر مني ولكن مصاحبة ملي كانر في المدرسة هههنمدوزا عرام مشيت معاها شويى عيطات ليه قاليها عندو الخدمة ماجايش ولكن غر يرسليهر لكليكة يعني صحابو معامن كايكلسو جاو 2 دراري عرفاتني بيهم دخلنل الاعاب قوتليهم انا باغا نطلع بنت خالي قاتلي انا طلات صباح او نقز يوسف قاليا تانا راهباقا فيا الدوخة هههن...هادر ماشي يوسف حبيب قلبي نن هادا اخر او.قال لخوه احمد لي كان عاد جا يبدؤ لقرايا في التكوين سير ركب معاها نتا او فعلا بغيت نخلص ماخلانيش كام طويل او زوين بيض او حروفو كحلين ا كتافو عراض لمهم عجبني.. طلعنا مالي طلعات اءلعبا انؤ خفت بزاف لقيت راسي مخشيا فيه اومغمضا عيوني او هواحاضن عليا ... اه كانت هادي اول مرة في حياتي نتعنق هههه... مالي وقفات اللعبة او عقت براسي بعدت بزربة او تزنكت شاف فيا او بتاسم او قالي يلاه نضت ما عاودتش هضرت غير بنت خالي او.يوسف لي كيهضرو انا او حمد غير كنتبسمو حسييت بشي حاجة فشي شكل كنقول لا انا كنبغي يوسف ولكن يوسف عاماين ما شفتو ولا سمعت خبارو لمهم زادو معانا تاقربنا لدار او قلنا بسلامة بنت خالي سلمات ب لابيز انا سلمت ب يدي او مشينا كتعاود ليا عليهم او قاتلي بلي ماكاتعرفش احمد حيت اول ليه عام هنايا صافي بت عندها لغد صباح مشيت لدارنا عودت الامل صاحبتي قاتلي لا عجبك تصاحبي معاه قتليها لا انا ميمكنش نتصاحب حرام قاتلي عيشي حياتك تبقاي هاكا ياك عجبك الاحساس بدات صافي قلبت الموضوع او نسيت حتي دازت سيمانة نمرة غريبة كتعايطلي قلت الو سمع صوت ولد شكون معايا انااحمد هههن تصدمت
تماك غادا تبدل حياتي قلتلو صافا قالي بغيت نشوفك ضاروري او.كان فصل الشتاء قوتلو انا قارية قالي غادي نجي عندك معا 9 قدام لافاك ا خرجي عندي بغيت نشولك ضاروري قتلو واخا كنت في محاضرة د المات او انا عقلي معاه شوية جاني سمس خرجي انا وصلت او كانت شتا خيط من سما لقيتو لابس الكلاص جا كيحمق تزعطت هههه سلم عليا من يدي قالي فيا جوع نمشيو نفطرو مشيما كنفطرو شوية قاليا رانا داير مع لمياء بنت خالك غادا نجي عندنا نتلاقاو قتلو فين قالي في لا كاف قوتلو انا كاف قالي لي كاريين ساكنين فيه انا او يوسف او صاحب لمياء تصدمت قوتلو واش كتدخلو عادي قالي عادي كنضحكو او نيت مشتورين من البرد او من الشوهة ايوا نوضي نمشيو تصيبيهم مجموعين غادي يعجبك الحال قتلو منقدرش راه عمري مادرتها قالي عارف راه عوداتلي لمياء عليك بقا كيلح حتا لقيت راسي في طاكسي معاه وصلنل حل الباب قالي دخلي دخلت على امل نلقا لمياء لداخل مي مالقيت والو غير انا وياه راس في راس قاليا كلسي انا نشي نعيط ليها حيت الكوليج كان قريب ليهم مشا او جابها معاه لمهم بقينا كنضحكو انا كالسة في القنت هي مانقا احمد بزربا زعمات عليهانا الجو غريب عليا ولكن عجبني فيهم الضحك جا صاحبها عرفاتني بيه اوجا يوسف جاب وحدة معاه كولا معنق صاحبتو او هو.ينوض احمد تانا شروق حبيبتي غادا تحكلي راسي او تكا علا فخاضي حشمت قاتلي لمياء عادي صافيبقينا هاكاك ودعوني او قالولي غدا تجي داروري مشيت بالفرحة كنعاود الامل صاحبتي قؤتلي مزيان غدا نمشي معاك نتعرف عليهم قوتليها واخة
مشينا دخلنا لقيينا ولد اخر زوين سميتو زشيد خو.احمد او يوسف لكبيير تزعط في امل او تاهيا دغيا نسجمو والينا كالسيين نضحكو ولينا يوميا نمشيو انا هملت قرايتي بالمرة ولينا غير لا كاف لا كاف او تا امل مل بقاتش كدخل واخا عندها الباك هههن.. ولينا زاعمين علا الدراري بزاف نحيدو زيف قدامهم او نتباوسو قدامهم عادي وليت فشيشكل مابقيتش كنعرف راسي او شي مرات كندم بزاف او نوض او نصلي او نبقا نطؤب الله يرد بيا ولكن صباح كنمشي تاني كان احمد رول واحد يقيسني او يبوسني ولفنا هاكاك وليت كنموت عليه او تا هوا او خوتو كيحماقو عليا... لمهم واحد نهار مشيت معا 8 حل ليا الباب تصدم ماخلانيش ندخل عرفت بلا كاينة شي بنت قالي سيري تال 10 او رجعي انا تصدمت احمد ايرودني معا الصباح او انا جا أندو مشيت لواحد جردا او بقييت كنبكييي او مشيت لدارنر ما ال 10 مابقيتش كنجاوبو في تيليفون وليت معصبة كايجيوني انهيارات نقصت 10 كلغ في شهر ماما ماعارفا ديرلي والو كتسولني وانا غا سكات متسول امل كتقوليها ماعرفتش امل كتقول لحمد خرجتي عليهؤ قاليها راه فهمات غالط رانا كنبغيها او بقات تا صالحاتنا عاد وليت شةية ملي شافةني شحال ضعافيت تصدمو او خوتو ناضولو او جاو من جيهتي انؤ منقولش ليكم مابقيتش كنتيق فيه والا في رجالر كاملين وليت كنخرج مع امل بزاف نتسركلو او نطيحو دراري او ملي ضعافيت بانتلي الفةرمة كتر ولاكن مع قوة الماكياج او الفعابل بديت كنتسخ هههن حسييت بي راسي
لمهم بقيت مع احمد او مع تزنديق وليت نخرج اكسيسة من زيف او.اماكيج او دجين مزير او فوقو لمزير لمهم زيف بلا زيف او وليت نعرف نشطح الرجالا او اول واحد قلت نبدا نتاقم منو هو يوسف لحبيب لقديم مشيت قلبت عليهفيmsn لا باقين عاقلين عليه هههه لقيتو ةليت نهدر معاه او قتلو انا مازالا كنبغيه واخا نسيتو باحمد لمهم قالي بانا ختي ليكانت بعداتو عليا او قاتلة راها باقا صغيرا ماتقربش منها لمهم.ةلينا عي كلام الحب او قالي نعطيه العنوان بغا يجي يشوفنا او قالي نتصاحبو كيحتو مزيان تو جالدارنا او جابلي دبدوب فيه الوفيو هههه وا صدقتو ... لميهم تا مشا من عندنا او كشفت ليه قوتلو ماكانبغيكش انا غير بغيتك تحس كيما حسيت او دابا عندي سيدك لي كنموت عليه صافي او بلوكيتو سالا العام قلت نقلبها تكوين او ندير تدبير المقاولات داكشي نيت دخلت احمد وليت متقلا من جيهتو ولينا كنزندقو بزاف او طوموبيلات انا او امل حيت تاهيا دارت تكوين حيت سقطات في الباك ولينا كنساو سميات دراري لي كنعرفو هههه او ما كنبغي تاواحد.ولكن كمت رجعت كنقرا مزيان او متفوقة في لكلاص ديالي... الدورة الثانية خارجة انا او امل تا كنسمع صوت من اللور كيوقفني شروق درت دري زون عيونو عسليين طويل مني بشوي او لابس كلاص او شكب شوية او الفم حميمر قوتلو سمحلي ماعرفتكش قاؤي نتي ماكتارفينيش انا كنعرفك سميتي سعد قالي يالاه نشربو شي حاجة او نعاود ليك مشينا كلسنا فالقهوة انا وياه او امل قالي هادي 6 شهور باش كنقلب عليك ضحكنا انا او امل قوتلو او مالك فيه قالي ماعرفتش هو كان خدام في الوقاية المدنية او تا يوسف حبي لقديم خدم تما قالي شافني في لموسم كنت بغيت نعطي نمرة لصاحبو هههه فعلا انا عطيتو نمرة مي معجبنيش او عطيتو نمرة ختي تصاحبت معاه حيت انا كنت مازالا مع احمد وخا مابقيناش كي الاول لمهم قالي كان كيضل يخيط ف الشوارع عؤى الله نبانلو شي نهار كان يكون غادي في لامبيلونص بشي حد او حاضي طريق هههه عتبتو ناس بكري انا عجبني الحال مي وخا هاكرك ما كانتيقش واخا عيونو كانو مغرغرين وهو كايعاود لمهيم.خدا من عندي نيم ديالي مشنا فليل عيطلي قالي راه بغاني ندير معاه علاقة او.بيلا باغي زواج انا قتلو مرتبطة او قالي صافي خليني نعيط ليك مرة مرة او نبقاو اصدقاء انا كان باقيلي العيد ميلادي يومين قولت لاما تفكرش احمد نقلب عليه صافي نيت نهار عيد ميلادي متفكرنيش حيدت ديكنمرة هرستها
صافي ديتها في قرايتي او خففت تزنديق تال وحد لعشية صوناتلي نيم مكنعرفوش سالام انا سعد ... شكون سعد... اي كنت تلاقيت بيك في الشارع .. ااااه صافا ... لاباس فين غبرتي عليادوختيني تاني وراك عشومة عليك تعدبيني هاكا .... فوتلو منين جاتك نمرتي قالي جابهالي صاحبي من عند ختك ...مزيان طبختوها وراية هههه.. صافي هدر معايا ديك ليلة 3ساعات سولني واش باقا مرتابطة قوتلو لا قالي مزيان عاودلي عليه علا والديه إلى كيفاش شافني او حبني ... كان حنين بزاف او صوتو زوين او رومنسي .. صافي عييت او غداتابعاني لقرايا نعست صباح رسلي مساج زوين ولا كل وقت يرسلي ميساجات غزالين خلاني نتعلق بيه او يوميا يهد معايا ساعة ... شوية والينا نتلاقاو بزاف واحد نهار قالي عارض عليك لغدا في الدار عندي انا رفضت لاكن فالي ماتخافيش غي بغيتك دوقي طيابي ... مشيت معاه دخلت رحب بيا عادي مشيت معاه لكوزينةشوية بدا كيقرب ليا او انا راجعة لور تا كالاني الحيط حبسني بديه عيني في عنيه او انفاسنا تخالطو بدا كيقرب كتر او باسني بوسة طويلة شوية شدلي حناكي بيديه او قالي واعديني ا شروق عمرك تخلاي عليا ما تصوريش شحال تعدبت باش وصلت ليك او دمعة طاحت من عنو قتلو كنواعدك واعدني تانتا واعدني ا عنقني مزيان بحالا غنهرب او هزني بين يديه او داني البيت او قالي كلسي انا نجيب كلشي نتي اميرتي او عمري لمهم كلامو كيدوب او وكلني بيديه او وكلتو هههه علاقتنا كانت زوينة بزاف الحب او رومنسية
. وليت كنمشي عندو لدار عادي واخا كان كاري معا دراري خدامين معاه ولكن بحكم الخدما قليل فاش يتلاقاو ولا شويى بشوية كيولفلي داكشي لي بغا ما بقيناش كنحشمو ولينا كنديرو.كلشي بحالا مزوجين وخا سطحي كان يقولي نتي.مراتي حبيتو او كان يخرجني او ندورو واخا هاكاك.يوصيني علا قرايتي لمهم نجحت ب 15 في العام الاول العام الثاني دخلنا بدينا مزيان وصل عيد ميلادي عيطلي سعد ضاروري نتلاقاو مشيت لدار لقيتو دايرلي مفاجاةاو طورطا تو.نبايل او عرام ديال لي كادو عجبني الحال بزاف لمهم درنا لبيتيز كيديما ولا كيحكم فيا مديريش هادي.ماتلسيش هاكا عمر ليا الفراغ العاطفي ماخالانيش نشوف غيرو لمهم بقينا العؤم كامل هاكا الحب او الغرام او لي شافنا يسحابنا مخطوبين دوزت لمتحان او نجحت خديت دبلوم امل سقطات كي العادة انا في العطؤة قلت لسعد خاصو يجي يخطبني هوا كان خايف من بابا انا خايلة من مو هههه واخا كان يقولي راها ضريفا والكن الاحساس ديالي كان العكس جابهم بزز يخطبوني ولكن ملي مشاو او هوما في الماشاكيل ماماه قاتلو لا هوما لاباس عليهمما غاتبغيش تعيش ليك في العروبية او ناضت عيطات لبابا من وراه او قاتلو عطيو البنت نا تليناش رجعو انا سمعت الخبر كي الساعقة عيطلو نسب او نعير او.نبكي هوا ما فاهم والو كيهدا فيا قالي انا غا نهدر مهاهم قتلو فرقني غدار عييت البنات مع زهري مع الحبمابغا يتسكد شحال جهد القلب ما يتحرق
صافي فقدت الامل وليت ماباغاش نشوفو كنقولوعطيني تيساع او بليل نبات نبكي بغبت نهبل وحد نهار قالي ماماه مرضاة خاصها لي يشقا عليها قوتلو تزوج قالي عندك ساهلة قوتلو اه ماماك ما بغاتنيش تانا ما بغيتهاش قالي راه نديرها ليك قد فمك قوتلو سير بعد مني فرقني خرجتي لي علا حياتي.... واحد النهار العافية شاعلا في قلبي من جيهتو كنصوني او.نعاود ما كايجاوبش حتي لعشية عيط ليا كيبكي قتلو مالك شنو عندك قااي قبيلا فاشكنتي كتصوني كنت في .... فين كنتي ... كنت عند العدول كنكتب ... تزيزنت تصدمت اش كتقول تزوجتي ... سمحيلي ا عمري ماشي بيدي .... كيفاش الوعد لي بيناتنا ههه دغيا نسيتيه الحب ا سعد واش عطاك خاطرك دير اسمك حدا اسم وحدا من غيري كيقولي سمحيلي ههههه.... نسمح ليك علاش علا العامين لي ضيعتيلي من عمري علا لحمي لي نهشتي علا تيقا لي درت فيك علا قلبي لي هرستي ... منسمحش ليك الله ياخد فيك الحق
دار العرس او بداو الماشاكيل بين مراتو ا مو او كان يعيطلي يبقا يبمي بالندم ولكن صافي ما بقا مايدار فات الفوت او تسنا الماجي تسحاب ربي ينسى لا احبييبي مازال الخلاص كانت ضربة محناتني خلاتني ما نسلمش لرجال تاني كرهتهم كلهم كدابا كانو يجيوني الخطاب مي ما اجبتي حد دفعت نكمل ليسونس او نيت نجحت هادشي مورا سعد بي عاماين وانا كالسا في الدار تالت عاد رجعت نقرا ... في ديك العامين حاولت نصلح راسي مع الله اوالحمد لله دخلت سوق راسي بعدت على امل لي مابقيتش نتلاقاها بزاف وليت ندير ججاب شرعي او نحفض القران الحمد لله او ربي وفقني نرجع نقرا قريت مزيان او كنت داخلا سوق راسي واكن واحد الولد كيقرا معايا ولا كايعجبني بزاف دخل القلبي هو موظف او متدين وليت كنحبو بزاف ولكن حب من طرف واحد حيت من غير سلام مكيجمعني بيه والو الا شفتو.كيهدر معا شي بنت كنبغي نحماق ... شي مرات كنشوف فيه كنلقاه كيشوف فيا او كيحدر راسو صافي انا كاتمة حبي ليه او كنتعدب بوحدي واحد نهار كان دارني دهري طلبت من التستذ الادن تو مشيت لدار فلعشية كانت المفاجاة جاني مصاج في الواتس اب حبيبي سمير هههه ... سلام شروق كيبقيتي شوية خلعتيني عليك بزاف انا سمير
انا لاباس بارك الله فيك نتا صدق فيك الخير ههه قالي علاش قتلو نتا لي مطحليش في بالي تسول سولتي او صحاباتي تا وحدا ما سولات ... لميهم زعمة انا ماكانطيحش ليك لي بالك.. سكت قالي جاوبي راجوابك غا يغير حياتنا .. ميمتي خياتنا شنو كا يقصد... قالي قولي الصراحة ... جاوبتو اه .. فرح او قالي قريب تربحي جايزة كنت عارفك كتمنايها شحال هادي فرحت بقينا كنهدرو عادي واحد.نهار قالي راه كان خاطب بنت خالتو ولكن ما كايبغيهاش او 3 شهور دابا باش ماهدرش معاها او دابا بغا يغنى عليها بقى فياالحال بزاف حاولت نقنعو مايديرش هاكاك قالي.منقدرش كنيغيك ا شوروق من اول نهار شفتك فيه في القسم كنت مراقبك كلك احترام تعاملك راقي داخلا سوق راسك مافيم تخلويض نتي البنت لي زعزعات ليا قلبي او خطفاتو حاولت نساك مقدرتش حبك قلب عليا الطابلة قتلو او ماماك او عايلتك قالي نواجه كلشي على قبلك غير وقفي جنبي ما تخلينيش بوحدي ... اش هادا ياربي كنبغيه بزاف ولكن واش نقدر نتحمل المشاكل قالي واعديني... قتلو انا معاك ... صافي غناعلي بنت خالتو تقربلات الدنيا ..او قاليهم بلا كيبغي وحدة كتقرا معاه هنا حيتي تانا غا تقربل ولاو يهدوني في تيليفون ...ولاو يقولولو عليا الهدرة الخايبة لماماه ... ماماه كتقولو راه ساحراك دازو.علينا 6 شهور د العداب يصبرني او نصبرو بينا غير التيليفون او في الكلاص ماكنهدروش باش منعيقوش حتى خدينا ليسونس بزوج نجحنا او ولاو يجيوني الخطاب قوتهالو ناض زير دارهم او جاو لعندنا اناوياه ماكادانا فرحة و لكن ماماه باينة ماعجبهاش الحال ... قراو الفاتحة او مشاو هنا بداو تاني المشاكيل
ماماه رفضات مالي شافتو متمسك بيا ...قاتلو نونو بعيونو ماتزوج بيها هيا لي ماتكون ليك ... هو خلف ليها الا ماتزوج.بيا مايتزوج ... هو ضريف او عمرو ما دار معايا شي حاجة حرام اولا قالي شي كلام خايب ... ناخاولاو ما قالولو عليا والو
مزعزعوش تيقتو فيا .. انا كنبغيه او هوا كيبغيني والكن مايقدرش يتزوج بلا رضا ماماه او تانا منبغيش دابا مازالبن كنهدرو ولكن معرفناش واش ربي غادي يجمعنا اولا لا ... يلاه الغروب كولو يهز فاتحة لينا باش ربي يتجب او نعرض.عليكم لعرس هههه
مزعزعوش تيقتو فيا .. انا كنبغيه او هوا كيبغيني والكن مايقدرش يتزوج بلا رضا ماماه او تانا منبغيش دابا مازالبن كنهدرو ولكن معرفناش واش ربي غادي يجمعنا اولا لا ... يلاه الغروب كولو يهز فاتحة لينا باش ربي يتجب او نعرض.عليكم لعرس هههه
ليست هناك تعليقات:
إرسال تعليق